真係頭條笑話——瘦身
2008/12/05 00:00:00 網誌分類: 寫作 05 Dec
大力行經一間男士瘦身專門店，見有必瘦療程服務，最平僅收380元，大力就想行入去試下。 職員阿珍安排大力進入專門店裏面的田徑運動場，大力只見場上另一端有一名靚女，身上掛住一塊板，上面寫着：「只要你追到我呢，我就係你嘅啦！」 大力大喜，之後心諗：「唔，畀380元就有咁好待遇，咁我轉揀38,000元的療程，咪不得了囉！」 於是，大力向阿珍提出轉plan要求，阿珍好爽快咁話無問題，並且叫大力出去運動場外等一陣，然後再入去。 當大力滿心歡喜再被召入場之際，大力赫然發現場中有一隻猩猩乸，身上掛住一塊板，上面寫着：「只要我追到你呢，你就係我嘅啦！」 感謝讀者珠兒提供笑話，將聯絡送上《真係笑話 - Gag Man》致謝，如你有笑話，歡迎電郵給我：tailiklee@yahoo.com.hk 或傳真︰23757566 李力持 
