貓私語——骰仔的秘密
2008/12/05 00:00:00 網誌分類: 寫作 05 Dec
將骰仔帶回來後，立即到獸醫處檢查，這才發現骰仔的驚天大秘密，牠只有一顆睪丸……正常貓貓應有的，骰仔只得一半，另一半天生縮了入腸。 「單春仔」有何問題？原來人和貓 一樣，完全不會影響牠的能力和興趣，繁殖力呢？一樣沒有阻礙，最大的危險，只是成長後較易患睪丸癌。 反正我都會讓牠絕育的，問題應該不大吧？怎知獸醫說，牠另一顆睪丸成熟後，有可能從腸道自動歸位，到時才做手術比較好，就算不歸位，要切除也更易。哪要等多久？獸醫說，一歲左右吧！ 可是貓貓半歲已開始有反應，到時一隻未絕育的雄貓在九貓之家，可能又會掀起另一場腥風血雨……就像一年前未絕育的米米和阿寶打狠架一樣。無可奈何，看來我都要耐心等候這一天。 關慧玲 
cat cat,
件衫唔啱咪買過囉 ! 不過到時可能要買狗衫 , 貓衫唔知有冇咁大碼 ?
sinsinho,
係呀, 屋企成日成地沙~
蕃薯仔冇錯唔鍾意出街, 因為街好嘈, 佢其實係一隻大無畏嘅冒險貓, 心口一味有個勇字~
Ha~嗰件係海盜衫, 買嗰陣覺得好襯佢, 件衫都就嚟唔啱佢喇!
cat cat, Joey 都試過用手飲水, 我睇到就即刻換水, 如果唔係下一個就要飲洗手水, 不過miu miu 用手飲完水又去廁所, 咪帶晒D貓砂出黎 , 成地都係囉 ? 蕃薯佢成日鍾意出街玩, 其實有冇諗過點解 ? 好多時貓雖然唔怕出街, 但就未必鍾意出街玩, 佢都算特別, 係喎, 件衫好似披風咁, 係邊度買 ?幾有型 !
sinsinho,
Miu Miu 身為女仔貓家超百厭, 飲水都麻煩過人, 有時撥晒d水出嚟, 有時就用手飲, 然後入沙盆去廁所, 唉~
蕃薯仔就係咁樣日日坐喺度等出走廊玩, 重要叫到拆天咁~
知道可以出去玩先坐定定著衫~
cat cat,
Miu miu 同蕃薯都幾大力喎, 書同鞋都擔得起, 有冇諗過裝架 view cam映低佢, 可能會發現一D不可思議嘅嘢 !!!!擔D 嘢入廁所 ? 我 Joey會將D 玩具收埋係角落位, 櫃底, 想玩就擔出黎玩, 玩完又自己收埋, "以為" 人哋見唔到, 其實我睇到, 扮唔知啫, 佢就好有優越感, 以為自己好醒 !
關小姐,
蕃薯仔會將隻玩具老鼠仔玩完就放入水兜, 嗰時我就要換新水, 有時擔d鞋出廳, 尤其是有毛毛嗰D boot, 蕃薯仔最鍾攞嚟玩, 半夜玩到鬼殺咁嘈, 我著咗對鞋都要玩, 有時我發覺對鞋D毛毛好似少咗~
Miu Miu 就將我先前用過嘅所有嘢擔入廁所, 雖然唔係有時唔係親眼見, 但我好肯定係Miu Miu, 因為有時我開櫃筒, 佢就會"捐"入去擔嘢走, 有次我親眼見倒, 佢將我頭先睇先本書, 跟住我入房, 然後放低本書喵喵叫, 好似有嘢解釋咁, 之後成日都比我發覺好多嘢喺廁所出現, 我唔想關廁所門, 我驚我哋返晒工佢冇d細藝~
catcat
哈哈哈咁好笑??真係要搵次寫吓先。有無多啲詳情?
關小姐,
蕃薯仔同Miu Miu都好鍾意擔住d嘢玩, 佢哋兩個成日將我d嘢週圍放, 最鍾意收埋喺廁所, 放工返屋企第一件事就要入廁所將d鞋呀~書呀~唔 係屬於廁所嘅嘢伶返出嚟, 連本來放喺梳化上嘅化妝袋咁重, 都可以擔入廁所~
pak ma,
白白仔一個人住兩間屋 ? 還有其他同伴嗎 ?
pak ma,
又幾似喎。佢性格外向嗎?同埋雄性英短好似好鍾意咬著公仔周圍行，佢又係咪咁?
似骰仔嗎?牠很愛主人的，白白仔是牠的名字，性格溫柔，很懂人性，超乖！而家佢看緊自己間屋呀！
儘管如此, 有人照顧和愛錫的貓都是幸福的.
TY
骰仔好靚仔呀，祝早日成熟！