外圍經濟續不濟股市何來見底?

2008/12/05 18:20:54 網誌分類: 生活

05 Dec

較杜指更具代表性的標普500曾於11月底跌至11年來新低, 然後反覆回穩, 由於標普一度跌破長方形方陣(800-1450點), 而此方陣為過去11年股市的密集區, 應具一定支持力, 故失守800點後收復失地屬意料中事.

然而, 美國經濟續陷衰退, 所有領先指標均顯示經濟衰退遠未見底, 例如10月新屋動工量按年大跌38%至79.1萬間, 創1959年以來的新低, 顯示樓市未來兩三季仍難樂觀. 其他指標亦顯示美國經濟現況奇差, 例如通用汽車10月銷量按年急跌45%, 由於此銷售數字一向跟經濟表現同步, 因而反映美國經濟過去兩個月正急劇收縮.

在經濟谷底深不見底的前提下, 若標普明年初跌破750點此前低位, George Fisher毫不感到驚訝. 由於雙頂巨大, 標普跌破750點後, 跌幅會相當驚人(跌回350-400點?), 即較現時的845點大跌50%. 如此, 港股豈容樂觀?

有人指內地A股或已見底, 港股更有望牛市重來, George Fisher認為此屬另一分道揚鑣的論調. 交銀羅家聰已羅列大量數據, 證明內地的經濟表現(內地要保八, 是因為內地GDP的8%等同外圍GDP的0%), 通脹, 利率走勢及股市升幅, 均與歐美日等主要發達工業國同上同落. 若外圍經濟持續不振, 內地經濟不可能先於他國復甦, A股更不可能率先重現牛市.

有關內地經濟的表現, George Fisher日內會另文分析.

回應 (15)

我要發表

包 2008/12/24 18:02:54 回覆

merry christmas

2008/12/22 21:00:13 回覆

GF 兄 , 外圍弱就係梗架啦 , 但係上星期去千色店 / SEIBU ,未到 6 折已經人山人海排隊俾錢 , 可能裁人潮未正式上演啦 .

預祝聖誕愉快 !

2008/12/18 14:53:37 回覆

Ｆｉｓｈｅｒ兄,

第一次留言, 你既自我介紹好吸引.

對, 作為一個普通人, 要有8千萬泛舟五湖, 唔係想像中難.

我有少少印象, 記得有個網友, 講一次投市大失利後, 户口得番個位數字, 好似印象係你卦. 唔知有無記錯, anyway.

150萬本金, 每年30%回報, 15年, 8千萬, yeah. k

2008/12/11 21:39:04 回覆

小潘,

近日公私兩忙, 故少了上網, 稍後可望回復正常.

2008/12/10 13:48:26 回覆

費沙兄

很久不見，最近如何?

小潘

2008/12/09 16:12:01 回覆

不過, 都唔係話跌得多過恆指,

2008/12/09 15:15:09 回覆

Ton Ton,

George Fisher預期當實體經濟受明顯影響時, 股市會再度大跌. 舉例說, 當香港失業率從3.5%慢慢升上5-6%時, 個市肯定會下插, 無得走雞. 具體時間為明年中.

Rocky,

你講得都有道理. 不過, 都唔係話跌得多過恆指, 就一定已見底. 有d股票, George Fisher肯定一日恆指/A股唔見底, 個股價仍會低處未算低, 如2628同388.

2008/12/09 09:55:19 回覆

Fisher 兄，突然有個想法看看你如何看

我認為有部份股可能已經到左底位，雖然我信指數未見底，但係早前跌至 10xxx 時有部分股票跌幅比恒指大好多，可能恒指下試8000時呢d股都0係返果次既底位而不再跌穿。

2008/12/08 17:55:50 回覆

Fisher 兄

先謝謝指教。

今日之大升，小弟估十二月內都無大太機會倒插了。照Fisher兄所看，將時可能大戶會再插大巿呢?

Ton Ton

2008/12/06 15:59:36 回覆

Indy,

至今, 單單在信報, George Fisher已聽過最少三個數浪版本, 包括簡卓峰所述的"已見五浪底"論, 梁小鷹的"仍處一浪"論, 以及老曹的"二浪浮沉"論. 由此可知, 波浪理論易學難精, 分析同一段市況, 結論人言人殊, 而且差異很大. George Fisher認為, 波浪理論或圖表形態, 只宜作為參考, 最好能結合經濟前景(如何得知? 觀察一籃子領先指標即可, 例如美國方面可用新屋銷售數字(New Sales Figure), 而香港大致可用採購經理指數(PMI))分析, 如此, 得出的結論雖不中, 亦不遠耳.

Ton Ton,

George Fisher不認識金曹, 但很喜歡其熱心助人的心腸.

內地城鄉差異大, 農村就業壓力嚴重, 因此內地需要把經濟增速, 定在偏高的百分之八, 以便製造足夠的就業機會, 吸納農村的勞動力.

若內地GDP增幅低於百分之八, 原先在城市打工的失業人口勢將回流農村(內地輸出民工的大省包括河南, 湖北, 湖南和四川), 對上述內陸省分的社會穩定和政府資源會造成不利因素, 其影響大抵與發達國經濟衰退相約.

2008/12/06 13:19:30 回覆

Fisher兄長

多謝分析,我對分析唔太董不過我信能三波幅唔會禁大,同時身邊人都好留意股票同時有太多金錢在身, 陸sir之前提過大户買重明年8000高息期指,如果我係大户收幾個月高息同抽高d去派貨咪重好?不過自己都怕睇錯,

2008/12/05 20:36:50 回覆

羅家聰我通常聽佢大道理，一般都有條有理（結論同意與否係另一回事）；但統計數字，在沒有真的刻意查核，就信住一半先…　佢話數據公開，可以跟佢方法重整，這當然沒有問題，問題係佢方法係咪真係正確？

我可以將兩組數據合組在同一圖內，然後講相關系數，但要有一個合理嘅故事去解釋才可成立﹣曾經聽過，基本上好多經濟數據同太陽黑子都有好高系數值。而中世紀嘅地球宇宙中心論，亦可準確預測不少天文現象。

言歸正傳，兩組數列以前無關係，但有無真的解釋背景原因，而這背景又有無改變？

我並唔係要質疑羅先生嘅誠信，但市場經濟師，不像學院派，似終有不受批判嘅個人主觀，放在數據分析之中。主觀有時勢配合，當然結論準確。

女估神科恩牛市六成準，熊市被炒，而Meredith Whitney熊市黑手指，篤一隻插嗰隻，或多或少有時勢做英雄成份。

2008/12/05 20:25:07 回覆

Fisher兄

Welcome back? 不見一排，身體家人安好嗎？

呢排金兄回來就唔見咗Fisher兄，有時會想你地是否同一人 ah ah　用不同身份教我地呢Ｄ散戶... (白痴亂講，得罪請不理見怪）... 但Fisher兄同金兄同一樣係技術高超的大好人，令小弟有所聯想。。。

回正題，Fisher兄今日說: 內地要保八, 是因為內地GDP的8%等同外圍GDP的0%

不明為何內地GDP 8%就係0%...還有，你看上次1600點是否A股底?唔通呀爺做咁多野都保唔到？

謝謝指點

Ton Ton

彭彭 2008/12/05 19:11:53 回覆

George,

你好，信報簡卓峰一樣講波浪，但他轉軚了。本來話仲有五浪最後一跌，無端端五浪底變成了106XX那低位。

他的原因是周線圖上見了一支破腳穿頭大陽燭，請問你怎看呢？

因為我對波浪理論算初初邂逅，認識不深，故想請教。

indy

2008/12/05 18:36:00 回覆

謝謝Fisher兄長細分析 , 我都唔信咁快牛一 , 期待你嘅新文章 {#icon9}

月曆