11月後之睇樓報告
2008/12/07 23:52:04 網誌分類: 經濟
自11月大跌市之後,各屋苑,出現了很多跌價2-3成的平盤.而熱炒之新興豪宅,跌幅驚人,好像未入伙之御龍山,樓花最高時有12000一呎.(於火炭,景是工廠大廈),己有一個1200萬,勁蝕518萬的個案.馬榮成買的倚X,破了紀錄,2萬多一呎買來.
今次風暴山頂屋仔,半山,南區.西九,都有很多於銀主邊緣之貨.早一排大平賣之做價,好多是銀行CALL LOAN. 有好多是買了ACCUMULATOR,或其他衍生工具被斬倉追數,有些是工廠周轉要現金.
早一陣子之一沉之急業主走了貨,現在股汇無大爆煲,所以再牛皮.在角力.成交減少,加上農曆新年是傳統銀根緊之時候.放假的放,等的等.大家都不動.
同經紀談起,綜合了下列情況
A) 97 落得慢. 98好多人都睇樓. 買了都中招. 樓市一直沈了多年.
B) 03無人看樓.因為覺生命都無, 投資做什麼? 或者相信香港己未落賤賣物業.但半年後,己上反晒.
C)今次好多買家看樓.十分旺丁,但出價小心. 回價很低(大家都可能看了陸SIR網),他感到,是有很多購買力.
D)今次一班之前價貴,未上車,或有錢未大損手的人,認為可能跌夠,可以撈底,出來買來中長線收租.
情況好像大家摸底買股,建倉一樣. 半年後,就知買了的人會不會後悔, 畢竟這是百年一見的世界大災.
YY太,雖然唔知是否是底,但總看不見有任何樓市一年內急反彈之原因.畢竟買樓或換樓與否,取決於對就業之信心及未來價格之期望. 有新消息,再向大家報告.
THANKS JOHNNY
1) cash..cash is king
2) minimise daily expenditure for cash deposit
3) zeroise luxury expenditure
4) keep a job or business
亞 K：
有好多個單位就發達囉。依家得一個。
//小心俾賣家知道你地想買雙連//
我會提醒家人。Thank you！
家人留意緊西九龍、何文田嘅單位。
YY太,
謝謝,
上次買既係新盤, 所以完全唔知定.
Kowloon TV,
你家人有好多個單位, 好勁.
殺訂12%, 又可買又可賣, 唔急, 咁就真係一份幾好的年尾禮物.
好似第一個選擇進取d, 但選盤時, 小心俾賣家知道你地想買雙連, mark高價. 旺市3成都得啦, 淡市就唔知.
我有一對朋友上次買雙連單位, 但就睇樓時, 一直都分兩個人去睇樓, 直到完成交易先俾經紀知, 佢地原來係一齊, 成功買到兩個平單位, 造雙連.
你地留意緊邊區? K
亞 K：
家人被 tar 訂，殺訂共 12 %，因可賣可不賣，買家還價又低，末找到新買家，所以有 2 個想法。
1) 感覺短線有小反彈，睇多一個月希望升番啲。把大單位賣出後，會睇半年，再轉最優質雙連單位。(嘩！有冇咁理想呀！)
2) 不放現有大單位，因今年頭已把一個細單位賣了，是以 1.5 個月正常交吉期成交的，因對後市不看好，如果樓價再落 20%，會入番小單位作長線投資。
yy 太：
o i c
Thank you！
NSX輝
我地都見有D樓是周轉而要工廠賣出.
您見報上D 低市價5-10% 成交,就多數是.
如果可以選,都唔捨得這時候賣樓.價一定是無比差.
*今次看樓,我發覺03年大跌入貨大賺之CASE,的確教叻了大部份香港人. 人人都識得搵平貨,而賣貨者,人人都信頂到,守到,就一年半載反身. 大家都想重覆97,及03之勝利方程式. 資訊發達,OLD RICH之智慧,不再是於後花園,父子,朋友為內代代相傳. 小中產,向上之青年人,都有機會學到.
YY太
K,
成交期一般是細定,一個月大訂,1.5個月-2個月交晒.
家人買了樓說銀行批LOAN比之前長, 要長DD,有著數.
但而家要太長,如3個月,賣家怕您TAR. 想選個快比錢的客. 而您自己都怕市再跌多D, 比了大定,銀行再估低,進退2難.
經紀,無提多少上了不TAR定之CASE. 我信10月剛轉勢,會有. 特別是比了5萬10萬細定, 見市即有低2成, 即轉平1成多, 立時TAR.
而家,市定了好多.少D.
估價方面, 一般經紀,都會推一些到價單位,(叫價估到的.) 我們看的大部份到. 如果銀行估一千萬,叫一千萬的單位經紀會叫看, 叫1300萬的會交LIST 您,叫您可看, 但唔好傾, 所以無估唔到之情況.
通常, 估價是怕買貴,但回價,一定低好多.
YY太
KTV
本港有一班土生土長,做中印生意之有錢印度人, 住何文田,或半山,(國際學校都有好多印人),(尖沙咀的住的是新到,開公司的是有錢D),他們同香港人一樣,好愛買物業.
經紀話,他們錢好有, 但出價較低.要好筍.而且家族好大, 有人買開,就兄弟,叔佰,都會加入投資反下.
YY太
小潘,
NSX輝說得對. 我是這2年看淡. 長線保值,
!) YY生,好想有一個更舒適的家,人到中年,收入尚好,買來住,供當儲錢. 是買股之外之一個投資. 陸SIR話過, 租貴樓=幫人供,收入OK, 炒股唔叻,不將所有蛋放一個籃子.
2) 我信,這2年通縮, 再過D時候可能是貨幣大量供應引起之通脹.大陸樓好,香港樓好. 買都是市淡中買. 而家大把貨選.
3) 只要買市區樓傳統豪宅區, 下個股票牛市之中, 樓都一定升.
4) 對呀, 而家市場改變快,有空看看, 心中有數, 大平賣時可反應得快D. 而家出去看樓, 好多好野,平時唔比您看的,都出晒來. 幾優質都有, 當開下眼界.
不過有時幾倦.
YY太
KowloowTV, 咁你家人, 被tar (個字點打?)訂, 搵唔搵到新買家?
做2個月成交期, 我記住先.
銀行估低10%就預左, 去到15%,首期就變得好緊啦, 最驚係低3成, 到時唔知點算.
yy 太：
謝謝分享.
這 2 個星期多了買家睇樓，經紀話以用家為主，冇嘜投資客。家人放樓，台台客都一家大細或夫婦，冇單一個人睇樓。最優質海景靚層數冇成交，業主重有實力唔肯低價賣。成交價高番少少。
yy太，突然多咗好多印度人睇樓，以前都好少見印度人，why？
亞 K ：冇銀行可以估足價，大約低市價 7 - 15 %。依家成交期唔好做長，家人因有原因做咗一年長成交期比買家 tar 了訂。做正常 1.5 個月 或 2 個月最安全。
yy 太:
多謝分享. 輝嫂屋企人都在放盤, 需要現金應付工廠同其他生意周轉....但買家學陸 sir 教落開定支票, 唔平唔買
現在有返成交應該可以放得成....西九有個單位放了半年也租不出, 所以決心要賣.
在港島西的還有租約, 因為之前樓價升得勁, 現在也跌得甘, 唯不知應不應趁反彈沽出去.....不捨得, 怕只怕到時生意上仍要周轉
小潘兄: 我估 yy 太是中線偏淡 (可能係幾年), 但長線看好
現在市場也擔心 2012 年土地供應增加而打壓樓市, 未必大跌如 98-03, 但很難大升
YY太
你即係睇好定睇淡樓市?
你成日睇樓架??
小潘
YY太,
謝謝分享.
經紀有無提, 多唔多客樓按上唔到會,而落左定要tar訂,
同以家成交期通常做緊幾長? 係咪以前就貪長, 依家長就無著數, 隨時到期銀行估唔足價就借唔足, 如果要長, 點解我唔等下先, 回價就自然低, 亦即是回既價=買家預計半年後個價, 可唔可以咁諗? K