第一次打爛嘢

Joe,

好多謝你 ! 事隔咁耐, 我重好掛住佢, 我相信 cat cat都一樣咁掛住波波, 我妹妹只有 7歲多, 老實講, 我好唔甘心妹妹就咁枉死 ! 點解醫生可以咁冇醫德 ? 本來小病都變成致死嘅大病, 點解唔醫佢? 留院三日後, 話佢冇事, 等我重歡天喜地咁帶佢返屋企, 我實在好心痛, 每晚都看著她臨走時睡過的籠, 裡面放著她的骨灰, 還有罐頭和玩具, 她生前其實好鍾意食罐頭, 但獸醫話會爛牙, 所以好少比佢食, 而家已經太遲, 也為她放了軟墊, 希望她睡得舒服一點.

現在我帶佢哋睇醫生會睇兩個, 雖然會用多咗錢, 但我實在害怕, 我好驚再有下一次, 我真係接受唔到再有同樣事情發生......

caroline,

真的太好了。阿b今晚有乜罐頭食呢?

我家阿寶的肝膽炎好了些，牠肥番少少又開始肯玩。但隻傻仔有鋪咬自己條尾的癮，精神剛好少少，又開始撲自己條尾，今早起身，牠又咬損了，流了少少血，唯有再戴太罩。

真不明白阿寶，怎會當尾巴是仇人?

Caroline,,好高興知道亞 B 已經出院回家,又肯自己食口野,佢會好快好番的.(我都想見口下亞 B 的相呀)

sinsinho & CatCat ,妹妹和BALL BALL 現在定必已成為朋友及互相照顧呢,雖再不能見面,佢口地會知道你們心裡的掛念(到永遠)!

Caroline,

一早回來就收到妳嘅好消息, 真係好開心 !!! 希望阿B 身體早日康復, 記得定時比藥佢食同覆診呀 ! 佢啱啱好番, 唔好比佢冷親 ! 不過 Baby food 是幫牠開胃口用的, 佢好番就盡量比番貓糧佢食, 始終貓糧的營養會較為啱佢, 有阿B 的相嗎 ? 我想見吓佢 ! 如果肥番, 就會好似以前一樣咁靚架啦 !

見到妳嘅情況, 令我想起妹妹, 以前我放工一開門她也會在門口迎接我, 但她就沒有阿B 幸運..., 我再不能見到她....

Cat Cat,

多謝你呀 ! 我家亞 B 和我一家會一起努力的 !

Caroline,

恭喜亞B, 如果當初我選啱醫生BALL BALL就唔會....諗到呢度又...., 唔講諗返D傻嘢, 沒有BALL BALL的日子, 我返工成日遲到, BALL BALL會"LAM"我起身~

關小姐 & sinsinho & CatCat 你們好呀,

我家亞 B 回家了 !!!

經過眾醫生和護理員既悉心護理及接受了對付甲狀腺問題既藥, 亞 B 已經出院了, 她已經可以自己吃糧, 雖然不多, 但起碼是個好開始呀 !

餵藥方面, 醫生知亞 B 不愛吃藥水, 所以只給藥丸, 醫生教我用餵藥棒, 但亞 B 見到支棒就走到遠一遠, 最後我唯有用自己隻手指以光速放粒藥丸到佢個喉嚨度, 咁佢就唔知做乜咁就吞咗, 仲以為我整估佢添呀 !

可能之前缺水太多, 經過幾日吊鹽水之後, 亞 B 既身體明顯漲番少少, 但仍然很瘦, 回想第一天帶她看醫生, 一磅之下只得 2.2kg !! 比以前 4.5kg 差過半呀..! 啊! 原來 " 貓大哥" 同 "Baby Food" 是超好味的, 哈! 亞 B 呢期有口福了 !

再次在這兒真心多謝大家對我家亞 B 既關心, 我和亞 B 會一起繼續努力架 !

(關小姐, 我已經收到你的電郵了, 希望不會用得著呀 !)

(p.s. 今天我放工回到家, 亞 B 已經坐在門口迎接我呢 ! 放心 ! 放心 ! )

Caroline,

如果阿 B已查出病因, 希望醫生能對症下藥, 但你都要密切留意牠治療期間的進展, 如果勢色唔對就要考慮睇多個醫生試吓, 病向淺中醫, 時間拖得太耐, 對牠復完的機會就相對減少, 你要知道你的決定是直接影響到牠能否渡過呢一關!

之前阿寶唔肯食嘢, 關小姐就餵 " 貓大哥" 比佢食, 我妹妹就餵 Baby Food, 妳可以參考一下. 但一定要佢肯食番嘢, 唔係就麻煩啦 !  等妳好消息 ! 也不用太擔心 ! 祝阿B 早日康復, 可以回家同妳一齊過聖誕 !

Caroline,

你作為貓貓的主人, 必定要好好選擇清楚好獸醫, 免再步我家波波後塵~

關小姐 & sinsinho & joe,

很多謝你們的關心, 亞 B 現在已經住院三日了, 我每天都有去探望她, 當時醫生只集中在她的肝臟問題來用藥及吊鹽水, 但情況在住院第二天還未有好轉, 仍在發燒...所以在她住院第二晚我要求醫生再為她驗血有關甲狀線的問題(因她第一次驗血時, 甲狀線的某某指數亦過高的)...真的感謝上天, 因為報告出來顯示真的是甲狀線問題而導致身體的代謝, 從而影響其他器官, 但醫生說此病比較少見, 需要研究如何用藥....並說, 這個病很有機會伴她一生, 需要長期吃藥...

今天, 亞 B終於都退熱了, 對我和我先生的到訪亦有反應, 但需要醫生餵食才肯下嚥, 醫生說還需觀察她的進展才可出院...總算是一個好消息呢 !

我這個醫生(診所)是從未看過的, 當初真的是博一博, 但見他們又上網, 又打電話, 又查醫學書來研究亞 B 的 case, 又解釋長盡給我聽...可能稱不上是名醫, 但我亦比較放心..

(關小姐, 麻煩你給我你家獸醫的地址以備不時之需 : cheungsiulancaroline@yahoo.com.hk)

在此謝謝大家對我家亞 B 的關心 !! 

Caroline,阿b病情怎樣,知道佢情況唔樂觀,我都擔心佢,如sinsinho說,睇多個獸醫聽多個意見會心安D吧!佢唔食野身體會差落去架,試下比D濕糧佢食丫(小小都要食D).阿寶都捱得過,阿b都得架,一定可以大步欖過的,別太優心,你都要保重身體,連你都病埋,阿b無人照顧呢!願阿b早D好番!

caroline，

阿b多大了?應是上了年紀吧?牠們的肝和膽都會因年紀大而功能衰退。牠的情況跟我家阿寶十分相似，獸醫最後開了抗生素給牠，幸好牠還肯吃混了藥的貓糧，終於大步欖過。

我的獸醫說，這種情況很在乎貓是否願意捱下去，多點給牠愛，牠會振作的。如真不肯進食，恐怕要住院了。如你想參考我的獸醫，我私人e他的診所地址給你。別太擔心。

Hi, Caroline,

上個月我有類似經驗, 好明白你嘅心情, 試吓睇多一個獸醫, 可以打電話問吓先, 聽多一個意見, 唔好淨係等, 有D 病拖得太耐可能會小事化大, 我已是一個受害者, 唔想再有第二個, 祝阿B 早日康復!

關小姐你好,

我家亞 B近日不停消瘦, 整日無精神, 帶她看醫生, 驗過血, 發現她正高燒, 兩個肝XX素、甲狀線XX及某某又超標.....

醫生開了護肝藥(藥粉)及兩支抗生素(藥水)給她, 我將藥粉分別混合了濕糧和乾糧她都不肯吃, 而藥水則用針管慢慢唧入口中但她不肯吞下並嘔番出來, 最後連無藥既貓糧都不吃了....

因她幾天沒有進食, 整個身體因發燒而好熱, 所以唯有帶她進醫院留醫, 吊藥吊鹽水...X-RAY照過了沒發現什麼, 現在唯有等吧

關小姐,

阿寶食嘢正常番未 ? 有冇覆診 ?可否告知他的近況. 好掛住佢 !

caroline,

貓貓甚麼病呀?藥丸一般用藥槍餵就好容易，藥水可以用針管，這些小工具問獸醫應有供應。再不肯吃，我會整碎混進貓糧內，最好是濕糧，牠任無咁易揀番出來不吃。阿寶口水不夠會嘔藥，我便把藥丸磨成粉，混兩滴水，再用針管餵牠吃。

catcat,

哈哈 =無錯，真係爛完又爛呀。

關小姐你好,

我想請教你, 有乜方法可以要貓貓順利地食藥架, 因我亞 B突然消瘦, 驗到可能個肝有事呀, 又無胃口, 又將 D 藥水嘔番晒出來, 好心痛呀!!

Andy ,

blue tape 對我黎講就無用, 佢哋追逐時嘅撞擊力好大架, 我屋企架17吋電視機仔都差D比佢哋推咗落地 ! 嚇親死 !

cat cat,

關小姐都比妳激死, 整翻可以再打爛過妳都講得出嘅 !!!!冇妳"修"!! 妳蕃薯又大隻, 又百厭, 我諗佢就算係咁意行過都會將 D嘢碰跌, 我相信易碎品在妳家中已經絕跡, 不過咁, 佢哋成日係屋企唔係玩又叫佢哋點過 ? 唔通成日"一舊飯" 咁坐係度好咩 ! ? 只要佢哋健康快樂就好架啦 !!

ANDY,

蕃薯仔好百厭架, 我試過用blue tape都比佢撥落地, D嘢跌落地好大聲嚇親, 佢仲要望住我怪我放唔好D嘢跌落地嚇親佢添, 連雪櫃D磁可貼佢哋兩個都撥落地玩~

骰仔都有機會好似蕃薯仔咁~

關小姐,

你去五金鋪買支陶瓷萬能膠, 應該可以整番個香薰座, 到時又可以打爛過~

最緊要無受傷.

我會用blue tape貼住, 你試下啦.

sinsinho，

貓燈已貼牆放，希望過得關。

以前的貓沒那麼淘氣，只要小心擺放，計算牠們不會推倒的位置，都可以擺吓嘢。亦有好多東西是貼牆擺的。睡房一向少讓牠們進入，但依家骰仔成日搞局，都真係要擺過個陣至得。

貓天生好奇八卦，但搞出大頭佛牠又一副完全干我何事的衰樣，有時還喵喵叫來嗲你，主人一邊收拾一邊心甘命抵，無計。

呢d咁嘅嘢我日早收起晒喇, 我屋企而定嘅擺設一係就平面, 一係就貼住牆~

好極. 這才是貓!  好奇, 八卦, 淘氣, 貪玩, 做錯事又裝作若無其事.

我不是心理變態, 但這是貓的本色.  大部份愛貓的人就是被牠們的這些天性所吸引, 不是嗎?

TY

關小姐,

睇黎妳都要重新觀察一下府上嘅易碎品, 要廻避一下, 若果唔係, 打爛嘢事小, 整親佢哋事大, 唉 ! 府上老人家多過年輕人, 點都要將就下, 妳睇骰仔, 佢有無窮嘅精力, 陶瓷貓都未清場, 又去下一個目標啦, 我諗緊妳間房盞燈, 唔知怕唔怕......