真係頭條笑話——魔鬼
2008/12/15 00:00:00 網誌分類: 寫作 15 Dec
有一晚,大力、阿珍、小力一家人喺屋企食飯。 阿珍:「小力……啲雞好靚呀,食嚿啦!」 小力:「唔食啦!近排減緊肥。」 阿珍:「一嚿半嚿,細路仔唔怕啦,嗱!雞髀好味道呀!」 小力:「阿媽,您仲引誘我,您呢隻正一魔鬼嚟㗎,話咗唔食就唔食!」呢個moment,大力即刻就話:「您媽咪點可能係魔鬼呢!」 阿珍聽到甜在心頭:「嗱!你老竇就乖啦幫我!」 大力繼續話:「老婆您一嚟無『魔鬼隻角』、二嚟更加無『魔鬼嘅身材』……點可能係魔鬼呢!下世啦!」 阿珍:「#%@#$%#@$」 感謝讀者lai justus 提供笑話,將聯絡送上《真係笑話 - Gag Man》致謝,如你有笑話,歡迎電郵給我:tailiklee@yahoo.com.hk 或傳真︰23757566 李力持