貓私語——貓生導師
2008/12/19 00:00:00 網誌分類: 寫作 19 Dec
貓家族中，骰仔選擇了米米做牠的導師，總喜歡跟在牠後面轉來轉去，學牠如何做一隻貓。米米跳，牠跟着扮跳，米米玩Tiger公仔，牠在旁金睛火眼睇到實，可能在學捉獵物的技巧。 米米的曳嘢，骰仔更學到十足十。從前只有米米能推開書房的趟門，現在骰仔也學會了。 米米撲Tiger來玩，骰仔則扯出主人的襪子，咬着通屋走。 某日米米教骰仔打架的技巧，兩隻貓撲來撲去扮攻擊，骰仔現在鍾意追着紅豆玩撲擊，也不知是真打還是假打，總之兩隻貓所到之處，所有雜誌、擺設都掃了落地。所有善後工程，當然是主人做囉。 米米得意地看着這個徒弟仔，牠的淘氣後繼有貓了。 關慧玲 
Joe,
如果你個貓豬成日痾尿痾出界, 你可以用膠衣箱改裝成貓砂盤, 以前BALL BALL同蕃薯仔都成日"吉"起個pat pat痾尿, 攪到d尿喺d邊邊流晒出嚟, 又係要洗餐懵, 跟住用咗個膠衣箱之後就方便咗, 就數點射尿都唔怕~
其實貓豬可能係悶, 你又未必可以24小時陪佢, 佢先有呢個破壞行為, Garfield仔細個都好百厭, 但有咗Ball Ball之後就乖晒, 成個大哥哥咁, 最後仲結婚生女(Borgee & Yung Yung), 所以有多隻貓可能可以分散佢d破壞力~
joe，
無呀，問過獸醫都話未見過有貓會咬自己條尾，費解。有人會有答案嗎?牠是否焦慮症呢??
Joe,
亞 B 細個的時候可能已經習慣咗家裡只得一個貓, 到她三歲時芝麻糊才出現... 不過亞 B 不嬲都係一個高豆貓, 就算是連媽媽的我都不是任何時候都會回應呢...
相反芝麻糊可能一來到我家已經有亞 B 的存在, 而她到來時是一只又瘦又病又污穢不堪的貓BB, 經過悉心照顧才康復過來... 可能因為這樣, 她比較痴人, 時常舉起條尾巴自己講野咁四圍行, 好開心咁架... 我時常覺得芝麻糊似狗狗多過似貓貓 呢
至於亞 B 和芝麻糊都 ok friend 啦, 但有陣時亞 B 會覺得芝麻糊太熱情而避開佢呢 ! = 費事啋你
Joe,
係唔係你少陪佢呀, 我個大仔以前都係咁, 你要多D 陪佢, 同佢傾計先得架, 佢哋心情唔好, 就會搞破壞!
Sinsinho,我都想養個貓,但我貓豬一個已破壞力頗高,好似早兩天我發覺佢將新的(未開包)貓砂抓穿(連蓋布都抓爛),佢想咬的東西就咬爛,間唔中柯尿柯出砂盤,要洗餐懵,等等.....不能盡錄呢!唔.....不過如果有緣再遇的話,我都會養多個貓.
阿寶條尾好番未﹐搵到佢常咬尾的原因嗎?
關小姐,
呢D 情況相信在各位貓友屋企時有發生, 特別好似我哋唔止養一個貓重要係獨居, 每日放工返屋企一打開度門, 都要睇下有冇驚喜, 砂盤污糟周圍放低 "幾兩" , 大戰後成地貓毛, 什物四散都已司空見慣, 收拾殘局已經成為我哋生活嘅一部分, 只要唔好打爛嘢, 我唔係可惜 d 嘢, 係驚會打爛玻璃會整親佢哋,(我諗起妳個陶瓷貓) 唯有係估吓邊個做嘅, 分散下注意力, 好似妳樽花咁, 查到兇手未? 加咗把鎖未呀?問妳重敢唔敢 ?
阿寶重有冇咬自已條尾 ? 好似beebeecatcat講, 可能會係有D 嘢令到佢不安, 家中有冇更換新傢俱, 擺設..... 會唔會係骰仔 .....????
米米收到個好徒弟﹐可以將一身看家本領傳授給骰仔呢﹗
Caroline﹐嘜芝麻糊轉變口甘大口既﹐佢同亞 B會唔friend嗎?關小姐,
回想帶芝麻糊回家時, 她也會跟住亞 B 四圍走, 但可能亞 B 由細到大都是一個貓和我們生活, 所以都會發惡嚇走芝麻糊呢 ! 可能因為這樣, 芝麻糊比較喜歡痴人多過痴貓, 我們走到那她就會跟到那.... 細細個果陣都可以抱她出街, 唔怕人, 但依家大個咗, 又少咗出街, 佢依家一見其他人便會怕得鳴鳴叫, 還會咬人呢....同以前細個真是兩個貓呢
從此...關家永無寧日~~~