心情日記

2008年12月28日 (日)

今日訓到11:00左右起身，但個人仍持續昨天有點頭暈~加上肚又痛了~最近呢幾個月每朝起身都會肚痛~~為什麼呢？是因為腸痛嗎？還是我消化系統不好呢？今日持續痛的時間比往常多了~或者明天返工前去看看公司醫生先得啦~平時起身都只係痛半個鐘左右就唔痛啦~但今日好像痛左好耐好耐咁~所以無出去做運動，原本今日仲係月票最後一日添~~後來我細佬幫我落街買飯盒回來食~~

整個下午都係家打掃下~上網聽歌~打下NDS咁度日~大約16:30就出左去馬鞍山廣場買餸~~一落街就落雨啦~不過見唔算好大雨，所以無番轉頭拎雨傘~但係就覺得好凍啊~~~問左我細佬佢話想食"桂花魚"，而我又見好耐無弄"鳳爪蒸排骨"，所以買左一條桂花魚~好細條都要$18元~又買左鳳爪排骨、豆豉、菜心、仲買定D雞翼呀、紅腸、雜豆、雞扒等等。但後來唔記得買雞蛋~~因為雪櫃只剩下2隻而已。

回來都成18:00了~浸左D菜就又走左去上網，大約20:30先開始弄~~之後又睇電視、洗碗~一陣去沖埋涼就訓了~因為家陣雙手都又感到冰冰凍咁，好想返上床睡~雖然被唔係好多、但至少都暖暖地先嘛~好似今年的冬天雖然遲左但比去年較凍，頭先朋友叫我睇本港台有個"無手無腳的NICK"的神蹟，雖然我只係看了短短臨尾的5分鐘左右吧~而我也算是對自己沒有什麼目標，不知自己有什麼價值的人~裡面好像話如果你是這樣，就問番造物主這個問題，他會給你答案~~我都唔知意思係咪這樣~但怎樣問呢？透過祈禱？我沒有單一的宗教信仰，因為我覺得自己什麼都相信，而有時我也稍為知道我最大的缺點，可能係對自己太無自信心~但要怎樣搵回對自己的信心呢？要怎樣才什麼都不怕呢？不如直接告訴我這兩個答案吧~不然可能我做什麼也沒有用了~