恒指/道指 (5/1/2009)

連一直被打壓的匯豐銀行都止跌回升, 好明顯大鱷於一月初想先造好, 推高大市然後至插落去, 大鱷趁2/1/2009 國內休市及成交細抽升港股, 尾市競價時段更夾硬升多百多點, 升穿 15000 收市, 升勢過急, 下星期一應會跟美股造好, 之後小心有回吐壓力.

今日公用股疲弱, 資源商品造好, 有心人擺明想頂住港股唔俾佢落住迫人追貨, 大市沽壓不大.

估唔到大鱷咁狼死,  連 d 有利淡消息既股票都夾硬抽上,  真係得人驚, 係競價時段推到全日高位收, 連升三日共1326 點, 睇個勢今個月想上試 12月高位, 今個星期美國有好多數據出, 睇下大鱷夠膽推港股去到乜野位先, 急升會惹來急跌, 我就寧願穩陣d沽貨食糊, 且戰且退好過.

一月係放煙花月份, 係短炒既最佳時機, 但係我驚奧巴馬 20/1 上場後, 加上二.三月出業績, 大市會頂唔住. 

zipang / 團長分析:

stephen 兄分析:

~ 道指如能守住 8700, 可展開大反彈浪, 目標 9500, 如失守 8700, 則會有大調整

~ 上証綜指將於 1800 - 1900 之間游走, 向上 1910 阻力非常大, 但 1750 支持力強

~ 受國內股市疲弱影響, 港股難以再作出進一步大反彈

~ 匯豐銀行如能企於 $77.7 之上, 上望 $80, $83阻力非常大, 如能上穿及企穩, 上望 $90

dai dai 兄分析:

滙豐三底頸線在＄82至＄83左右有阻力，若能升穿阻力位上望＄95.87或以上。

adr HSI  15333  +290.39 

#5  $76.85  -0.15 

#941  $83.3  +$2.10 

#2628  $25.37  +$0.62

~~~~~~~~~~~~~~~

5/1/2009

上週五道指升 258點    收報 9034

恒指高開高走   以全日高位收市   升 520點   收報 15563   成交增加至494億

國內股市大幅上升    帶動港股向高位進發

~~~~~~~~~~~~~~~

信報曹仁超: 

1月效應正在發生。因愈來愈多人相信牛市重臨，而忘記熊市二期中反彈幅度最少係前跌幅31.8％，一般可達前跌幅50％，最多可達61.8％。至今恒指反彈幅度連50％都未有。即短期仍有力再升。估計今年下半年利率將止跌回升，到時股市先有壓力。去年主要苦難喺金融市場，今年主要苦難喺消費行業；隨住失業率上升及投資者減債，令消費市場漸感壓力；相信熊市二期中最大一次反彈喺今年首季完成機會好大。

去年透過配售新股集資1010億元、公開招股集資532億元及供股集資399億元，即全年集資共1941億元。恒指平均P/E由2007年10月最高嘅二十三倍，回落到去年10月最低不足八倍。家吓嘅八點三倍P/E，估計喺公布咗去年業績後將上升到十一倍（因去年唔少企業純利唔及2007年）。未來股市相信喺恒指平均P/E八至十二倍之間上落，直到去槓桿化完成為止。

信報簡卓峰:

恒指STC（SLOW）、14％R、OBV及MTMC、昨天出現上升訊號，9RSIC重上50點中軸，及升破9RSIE，技術轉強，恒指也一舉升穿10天線及20天線，及MACD的DIFFC也轉強。一旦恒指升破「複式頭肩底」頸線15781點，則「1月效應」全年一浪高於一浪。

美股上周一片好景，但今週又要面對嚴峻的挑戰，在這個週末，勞工部將會公佈非農業職位數字以及失業率，而汽車製造商今晚亦會公佈的12份汽車銷售報告，據CNBC的Phil LeBeau表示，市場傳聞數據將會非常差，全年的銷售會跌至1000萬部以下，投資者可能又要做好坐過山車的準備。

杜指期貨最新報8940點，跌18點，比現貨低水94點。商品期貨全線上升。包括鋁、銅及銀都有約2%的升幅。而黃金亦有輕微上升，最新報每安士883.6美元，較上日升0.5%。

 以色列軍隊上週六越過以巴境捉拿哈馬斯武裝份子，中東局勢更形緊張，以及尼日利亞的嫩貝(Nembe) 油田受襲擊而減產，推動油價上升，紐約NYMEX原油最新報每桶47.87美元，比上日收市升1.53元或3.3%。

美國聯儲局成員、三藩市聯邦儲備銀行主席尤愛倫(Janet Yellen)的講話值得注意，佢在三藩市發表演說，話美國經濟正經歷一次急促收縮，失業率註定要上升，佢認為美國經濟面臨嚴峻危險，會在未來一段時間停滯不前。在未來幾年，通漲率低於理想水平的機會很大，而聯儲局在未來要堅定地推高通脹，政府要用各種財政政策刺激去阻止衰退。

自2007年底次按危機開始惡化後，伯南克推出共2萬億美元的借貸計劃，如今借貸市場開始穩定，艾愛倫就提醒聯儲局要收收掣。從聯儲局這些要員的講話，可以看到美國的金融危機確有穩定下來的趨勢,但他們對美國經濟的看法卻甚悲觀，例如艾愛倫講有一段時間停滯(stagnating for an extended period of time)、未來幾年都會低通脹等等，都唔係講緊三幾個月就會無事，似係一個L型的估計。做生意的朋友，要做作長期過冬的預備。