恒指/道指 (9/1/2009)

恒指 50天線 14140, 有初步支持.

恒指連跌 三 日共 1146點, 尋日港股唔係好對路, 有洗倉 feel, 利淡消息一籮籮, 估計今日就算反彈幅度都唔會大, 宜清倉離場觀望.

資源商品下挫, 企業陸續發盈警, 內銀股不濟是致命傷, 港股失去動力, 市場氣氛急降溫, 尋日港股最樣衰係低開後一直下滑, 如果大幅低開跌幅慢慢收窄, 氣氛會好一點.

A股及油價走勢會影響港股.  

zipang / 團長分析:

恆指仲係睇14300-15700

stephen 兄分析:

~ 過去一段時間恒指在 14100 - 15700 之間游走, SMA(10)在 14171, 估計恒指在 14100有支持

~ 如道指未能守住 8700 就要走鬼

~ #2628 中國人壽 $23.5 支持力強, 上望 $24.2 / $24.75

~~~~~~~~~~~~~~~~~~~~~~

9/1/2009

隔晚道指跌 27點   收報8742

恒指先升後跌    最多曾升 258點   隨後反覆向下   收市倒跌 38點    收報 14377   成交 451億

估計今晚美股會受經濟數據而下挫, 大鱷先行沽貨, 下午市況急轉直下, 走勢極差

~~~~~~~~~~~~~~~~~~~~~~

杜指在8500點的位置有強勁支持。

論走勢港股相當唔靚仔，連續兩日急跌，將過年後的升幅一筆勾銷，港股升又升得急，跌又跌得急，在圖表上好似一個山仔咁，好快就跌近14000這個重要支持位，大市如果守得住此位，就可能仍然炒緊14,000點至16,000點的上落市，若穿埋14,000點跟住上唔番，小心又有一輪調整。不過佢話短程而言，照理跌兩三日都要先彈一彈啩。

市場玩緊估領袖遊戲，估吓下一次係邊間內銀股俾人沽，目前蘇格蘭皇家銀行仍持有209億股中行股份，亦有沽售壓力；淡馬錫持有中行的104億股股份，亦已期滿解禁，相信中資銀行股的沽售潮，有排都未完。(轉貼 ~ 陸Sir)

信報簡卓峰:

恒指技術上二次到頂不破，出現爭持波動，即上月最高曾見15781點，下調至13855點，掉頭回升，到本周三最高見15764點，受制15781點阻力現回吐，因此如守穩13855點，暫時仍是高位爭持。

恒指小時圖9天RSI已跌至20點的超賣水平，反映恒指50天線（14143點）有支持力。而SAR支持位在14170點。

以周線圖分析，恒指剛好受制20周平均線（15702點），必須升越才再現升勢

******************************

上日大市急挫571點, 大市跌穿三角形的底部支持區, 代表熊C四浪的升市已經完成, 未來將是熊C五浪的大跌浪, 因此大家入市買賣前要小心.

至於今天是09年第五個交易天, 根據一月效應, 如果第五天的收市價高於去年尾的收市價, 全年來說便是升市, 但如果指數低於去年尾的話, 便是跌市, 以今天情況看, 恆指去年尾收報14387點, 而今天4時仍然處於14360點, 即低於去年, 幸好收市競價時段恆指反彈上14415點收市, 高於08年收市價, 反映今年應該是升市, 不過有些驚險, 但大家要留意, 就是中資H股指數, 去年低收報7892點, 今天收報7760點, 反映中資H股有機會跌市收場, 是否暗示今年中資股處於弱勢, 但本地股份有較佳的表現, 但這只是一個統計的數字遊戲, 不可當真. (轉貼 ~ 劉兆祥)