破太歲之謎

2009/01/11 10:21:56 網誌分類: 2009賀年特輯
11 Jan

 

破太歲之謎(短片)

臨近新年, 很多人都好想知道!來年是什麼年? 屬什麼生肖? 會否犯太歲?

當知道自己犯太歲, 就驚到有得震,冇得瞓, 擔心不已。

尤其今年正值金融海嘯, 若然知道自己來年犯太歲, 相信會飯都食唔落! 怕明年冇翻身機會, 又怕明年唔知點過, 其實唔駛驚, 都係咁過!

太歲星其實就是木星, 木星繞日而行, 比地球慢十二倍, 要十二年才繞日一圈。古玄學家將周天分為十二次, 木星(歲星)每年行一次, 這說法與道教相同, 記云:「太歲者, 十二辰之神, 木星歲行一次, 歷十二辰,為一周天。」

坊間傳說眾多, 太歲源於道教之太歲神, 簡稱「太歲」, 又名「歲君」、「年神」, 為當年之守護神, 共有六十位, 為六十甲子太歲神, 順序值年, 周而復始, 值管每年之人間之福與禍。

歲星(木星)要十二年才繞日一周, 故年年都有當年生肖犯太歲, 例如:09年屬牛,肖牛者犯太歲; 2010年屬虎,肖虎者犯太歲, 如此類推。

又因為十二生肖和命學之十二地支相同, 且各有所屬, 子為鼠、丑為牛、寅為虎、卯為兔、辰為龍、巳為蛇、午為馬、未為羊、申為猴、酉為雞、戌為狗、亥為豬, 而十二地支因為有刑、冲、破、害, 除與生肖(地支)相同者為犯太歲, 亦衍生出刑太歲是為與太歲相刑; 沖太歲, 與太歲相沖; 破太歲, 與太歲相破; 害太歲, 與太歲相害,因為將命學的刑、沖、破、害代入, 除犯太歲者外,亦出現不少當年其他生肖者跟太歲扯上關係, 通通都被視為不敬, 必被整治, 整年百事不順, 官非惹禍、死人塌樓、破財血災、生意執笠、死唔斷氣, 總次被傳到有咁慘得咁慘, 有咁大獲得咁大獲! 點解?因為在每年的流年星宮圖上顯示, 凡值年太歲星的出現, 必家連帶另外兩顆凶星, 「劍鋒」、「伏尸」一行三位, 三位一體, 構成凶上加凶, 遺禍更大, 再加上其他凶星, 導致凶星成群, 有時仲衰到全無吉星, 所以才被誤導有咁衰得咁衰, 亦因為六十甲子, 有六十位歲神, 值年掌管, 凡與當年歲神的姓或名有相同者, 也算沖犯, 視為不敬, 更甚者, 共姓或名的部首或字形部份相同, 又算作沖犯太歲, 發音相同或相近, 都話犯太歲, 連公司名有近類似的字, 都要犯太歲, 總次, 任佢講, 點都要死!

點解要攪到咁多人犯太歲, 後期便流傳出因為冒犯歲神, 要祈福保平安, 又發明一系列崇拜太歲、化太歲、攝太歲, 近年更流行佩戴飾物化太歲, 又有以風水之局化太歲, 又有以顏色催旺, 跟太歲相做老友, 可催吉避凶, 又有以門方向走動可避之, 種種方法, 都為後現代產物, 以意頭之說, 強作催吉避凶, 實則跟根據全無,一字咁淺,古書有云: 「太歲為眾神之首, 掌每年人間之禍福」, 又云: 「太歲百神之首,年中天子」, 既然咁至高無上, 又咁偉大, 點解佢咁小器, 人家姓名與佢相同, 人家生肖與佢管治之年相同, 點解會被視為得罪佢, 點解得罪咗佢,嗰年就要人咁大獲, 整年衰到貼地, 冇啖好食, 作為眾神之首, 點解唔係勤政愛民, 化禍為福, 應該是救世救民, 賜凡間諸事昌順, 但又唔知點解有咁多玄學家樂此不疲幫手嚇人, 無他!藉此謀私, 大做生意, 其實太歲唔可怕, 迷信先攞命。

回應 (0)
我要發表
user