真係頭條笑話——大掃除
2009/01/12 00:00:00 網誌分類: 寫作 12 Jan
阿珍:「老公,就快又過年喇,我諗住喺屋企大掃除,你有乜嘢唔要嘅就執出嚟,等我掉咗去。」 大力 :「哦!」跟住就行埋去阿珍身旁,抱起她行入廚房,放底阿珍在垃圾桶旁。 阿珍:「咪玩啦衰佬!叫你執嘢呀!」 大力嬉皮笑面:「咪執咗你出嚟囉!」 激得阿珍谷住道氣繼續執屋。 阿珍:「衰嘢,我執得七七八八路喎,仲有乜嘢要執呀!」 大力:「有呀!」 阿珍:「仲有乜嘢要執呀!」 大力:「咪你個樣囉!係時候要執吓啦。」 阿珍聽完之後無嬲到,反而笑笑口同大力講:「頭先我幫你執衫嗰陣,喺櫃桶底執到萬幾元,真係夠我執番個樣電個靚髮囉!多謝!」 大力:「@#$%^&*」 感謝讀者Tommy HO提供笑話,將聯絡送上《真係笑話 - Gag Man》致謝,如你有笑話,歡迎電郵給我:tailiklee@yahoo.com.hk 或傳真︰23757566 李力持