炒炒工商(1398)
2009/01/12 16:43:59 網誌分類: 經濟
寫呢篇好大壓力, 因為呢次跌巿, 主要原因係內銀股受外資減持, 令巿場帶點恐慌性抛售, 我觀察到, 呢幾日接左貨既都蝕錢, 點解我仲話係時候炒下工商呢?
解答呢個問題, 不離兩個層面去分析 - 基本因素&技術走勢, 先講前者, 工商既策略性股東主要係高盛, 佔4.9%, 有一半係四月到期, 一半係十月, 遠比建行(美銀十幾個%) 既中行(蘇行8.X%)為少,四月既時候巿況一係跌到好殘(12000以下)咁高盛唔會咁傻咁低位沽售, 一係就殘完開始回穩, 咁高盛更加無理由放, 就算真係全數沽售, 只不過係2.5%左右, 所以根本對佢影響唔太大
第二, 建行係先增持後減持, 中行係因為有傳佢08/09年呆壞帳多到得人驚, 但工商本身並無呢兩個因素, 加上中央攪基建某部分貸款亦批左俾工商, 可以話前景樂觀, 就算錯入左, 半年後又一條好漢LA
從技術走勢睇又點?
睇圖黎講, 工商係3.8~4左右有一道裂口, 相信未來將會補左呢個裂口, 所以如果唔貪心既, 3.45入, 3.9放可以話, 呢10%係必賺既(只係時間問題^^"), 另外佢下插到3.45呢個位, 剛好回補左11月中一道升勢既裂口, 而現在RSI 跌至近30, 已經有條件反彈
問題係黎緊美國公佈既消息會唔會令大巿氣氛惡化?如果數據好過預期, 相信呢個星期中段(可能聽日開始)1398會回穩, 然後反彈, 但如果有更壞既消息, 工商好可能會跟隨大巿下跌到$3 水平…但都係0個句, 只要係買正股既, $3.45可以入第一注
I brought 1398 at 3.49 today at around 11am,we should be rich very soon
Danny , 多謝你支持呀! 我今日$3.4入左第一注, 祝大家都好運
Rainbow,
妳的分析講得都有道理,$3.4都博短炒 都O.K.,咁大隻股就算座貨都安心的.
連跌咁多日,跟住多小都會彈的掛.工行如出業績前冇壞消息,在妳的計劃內勝算頗高.
今日在$3.4 入咗.現最怕外圍美道指唔生性影响短暫走勢.
祝 大家好運.
咁多位,你地都講得有道理, 我都知道就算工商後抽, 都唔會穿$4, 多多風險搏小小回報, 唔值得既…但我又無siu pang 睇到佢咁淡咁快會穿$3, 何況如果以分段吸納黎講, 第一注$3.4入唔算貴丫^^" 黎緊$2.7 & $2 入第二第三注, 平均價$2.5左右咋!
所以我都係決定一開巿入第一注先^^ yeah!
大成交大陰燭向下插完, 無咁快有得彈呀...照計...
等佢低成交橫行後先講反彈實際D.
我唸...
indy
期指收於萬四之上，而且高水。
聽日高開機會增加。
而且個市跌左咁多，與重要支持位，相差不遠，有反彈，合理。
我都同意siu pang講法,等過完春節2月初先買啦,
今個月大戶期指應該係淡倉,
起碼要食夠2500點以上,即是個市跌到萬2至萬3點或者以下,
到時先入先有勝算喎.
從技術走勢睇3元會穿小心小心...不如買386好過4.5以下
我唔睇好1398
點解呢? 我反而擔心今晚美國會唔會又跌百幾點喎...
彩虹：勁
工行聽日反彈機會相當高。