匯豐 目標價$52!?
2009/01/14 18:32:48 網誌分類: 經濟
今日大家都以為下午恒指會跟A股一齊反彈, 殊不知大摩突唱淡5仔唱到$52,
真係誇張…D大戶似乎好有共識咁狂沽5仔, 令大巿升幅無哂…
1398 都唔例外, 倒跌收巿~ 呢D巿預測黎都哂氣, 大家亦唔使為我擔心,
1398跌到$3 仲好, 可以入第二注嘛, 反正去到四月工商點都會上返
(無論高盛最後配唔配股), 不過勸大家呢D時候, 又係唔會入牛熊了~~
另外, D基建股真係回左好多, 1800就話受賄賂新聞影響,
但390 亦無辜辜受連累跌穿$5…唔知大家有無興趣呢?
1. 我無話上半年熊巿就完結, 我係話" 我越來越唔認為三月後大巿會一路平穩上升, 整個熊巿就咁完左"
2.多謝你既分享, 不過馬英九同奧巴馬好唔同, 一來佢上台係海嘯剛開始既時候, 二來台灣根本唔同美國, 唔可以推出強大既救巿措施
所以我覺得就算美股係奧巴馬就任後一兩日有回吐, 當佢再推出新措施, 大巿就會有回穩, 我唔係對經濟樂觀, 係對奧巴馬有信心, 好多人都話佢唔係神, 唔可以一下子令經濟復甦, 但佢好識捉緊人民心理, 對失去信心既股民黎講會係最後希望, 所以我唔認為個巿會穿到一萬點.
新城朱家明講法同你啱啱相反喎,佢話奧巴馬上場之後個市就可能會跌,
就好似上次台灣馬英九上場咁,個市就由成9000點係咁跌到得返4000點左右,
其實佢都講得幾啱丫,上次阿爺4萬億計劃一出,
又係製造個反高潮出黎,另外,
我覺得個熊市應該無咁快完喎,
我覺得個市一日未跌破1萬點或者試一試上次低位,
都未到牛一,以上純粹個人意見,
我都好希望好似Rainbow姐姐既講法,
上半年熊市就玩完啦.
siu pang, 輸多贏小:出口術? haha...我覺得依家全世界都等緊奧巴馬台戲
我預計佢上台好快就會推出新既救巿措施, 所以一月尾應該會有一輪亢奮期
但現實歸現實, 本港公司既業績至係最直接影響恒指既要素, 所以我會覺得2~3月會係最低迷既時期(詳細既公司業績幾時公佈我就唔太清楚^^")
另外, 我越來越唔認為三月後大巿會一路平穩上升, 整個熊巿就咁完左, 因為某d行業係今年仲未走出谷底, 如出口, 航運等, 老實講, 如果美國不斷印銀紙買哂d不良資產or 推動經濟就可以救到全球經濟, 布殊一早就狂印了, 所以貨幣供應所帶來另一個問題 - 一個唔知幾大, 幾時爆既問題....
死啦,真次我又有d 唔同意Rainbow姐姐講法囉,
今次大戶跌得咁鬼狠,跌咁多日只得2日反彈,
仲反彈得咁鬼小,兩日加埋都係得幾十點
好似趕住去乜咁,如果真係要跌到3月,
無理由咁急掛,因為好似咁跌法,
可能去到2月中,個恆生指數都跌到得返個零字啦,
我估計個市頂多跌到2月初左右,然後又會升過gala.
曾特首昨天叫大家「期待」最痛苦的日子將到.財金官員很小會用出口術的.目的好像大摩一樣想恆子跌.到時再來招(盈富基金).rainbow點睇呀!!!!!
siu pang:我覺得依家只係頭盤, 二三月至係主菜~
SKY: 穿左喇喎, 你有無入呢?
apple: 呢隻股真係巿況好少少就會反彈, 有無撈到貨呢?
B仔0 : 323 有希望上$3 既, 不過三個月內得唔得就難講d, 其實馬鋼值得渣耐d丫, 因為國策影響通常都起碼半年後至會反映到係d受惠股度, 另外3988我勸你就唔好入了, 因為三大策略投資者都紛紛減持, 一定知道d我地唔知既野未公佈, 所以幾多錢都唔會入呢隻
Rainbow Sister,
我呢在2.6買了323,希望在3個月內呢升到3.0,有機會嗎,你覺得典呀,謝謝.
3988想買的原本,但沒有買呢因為圖表D線呢向晒下既,唔敢買著.希望升到2.15以上先買對嗎.謝謝.
吼緊那隻3323 .....
390 跌穿$5吸引~
大屠殺開始了解!!!!!!!!!!!!!!
支持