關慧玲
關慧玲
關慧玲

貓私語——自由意志

2009/01/16 00:00:00 網誌分類: 寫作
16 Jan
貓是最尊重自由意志的動物,個性獨立獨行,常叫人哭笑不得。不過正正是這種性格,吸引愛牠的主人。

   你叫牠行,牠就坐,想牠跳嗎?牠索性躺下來閉上眼,睬你都儍。天熱時,抱多一下都掙脫,一到夜裏或天氣寒冷,牠就來依偎,主人的頭頂手臂大腿都是牠的地盤,圈成一個貓餅就睡,一整夜把你壓得麻痹。不開房門嗎?牠會一直叫,叫到你心軟。

   牠喜歡,便會施展媚功,在你旁邊左右挨擦,打開肚仔扮Cute,當你想摸多兩下,牠又忽然冷淡,跳到窗上自顧自看風景,一副「咩事呀」的模樣。

   愛貓的人,個性或許一樣,帶點高傲不愛隨俗。不過,畢竟我們不是生活在火星,貓的死穴,自然是貓餅啦,而人的死穴,就是人工囉。

  關慧玲

  

回應 (14)
我要發表
2009/01/24 13:39:40 回覆

Joe,

過年呢幾日又再想起我每年都給他們派利是, 今年, 我仍然會給他們一 "人" 一封, 當然包括妹妹, 放她骨灰的籠內, 我如常放上軟墊和玩具, 她仍然陪伴著我...有時我會擁著寶寶, 問他有否掛念妹妹? 是否覺得孤單? 他每次都會應我, 依偎著我, 我會告訴他, 妹妹雖然不在, 我依然愛他們, 妹妹會保佑我們一家平安, 叫他不用擔心, 我不知道她有沒有想我, 但我對她的思念卻從未退減.....

2009/01/19 15:32:50 回覆

Cat Cat,傻啦!波波點會唔想見你呢.不過我都發夢見過貓豬,我太錫和掛住佢,日有所思,夜有所夢

 

sinsinho,Cat Cat,放開一點或許對妹妹係件好事,佢再去投胎的話(如再世為貓),也許能有緣與你再遇呢,既然愛佢,為妹妹做最後一件事.(考慮一)

 

2009/01/19 12:40:46 回覆

Joe,

係呀! 紫色嘅物體就係DNA頸鍊~ {#icon9}

唔知點解, 到目前為止, 我未曾發夢見倒波波!? {#icon7}唔通波波唔想見我??

 

 

2009/01/19 12:05:35 回覆

Cat cat,妳帶波波(DNA頸鍊)去旅行個到,是否相片那裡,好靚呀!希望波波之後會有新開始,或許有緣能與妳再遇,再次成為妳家的一份子呢.妳天下第一貓既事,真令人回味. 好有feel.

 

Sinsinho,我明白 妳唔捨得丟下妹妹的心情,那麼她現在在家陪伴妳嗎?

2009/01/19 11:17:08 回覆

sinsinho,

其實你諗深一層, 你放開佢, 可能係對佢好d, 有人話太過掛住隻寵物, 佢可能會唔捨得去投胎一世跟住你, 永遠只得靈魂, 我唔知真定假, 我只會為佢諗好嗰方面, 但如果係對佢好, 我都會做~~ 有人話佢哋其實去咗第一個世界, 同我哋個世界冇咩分別, 只不過我哋睇唔倒, 同樣地佢哋世界都睇唔倒我哋一樣, 1年多喇, 我都要比番自由波波~~ {#icon16}

2009/01/17 13:56:40 回覆

Cat cat, 天下第一貓果然不同凡響, 其實人生在世, 聚散都離不開一個 "缘", 試想妳13年前與 Garfield 相遇, 想買狗, 變咗買貓, 咁多貓, 千挑萬選, 就係佢 ! 點解 ?

妳選擇將波波放在樹下, 但我實在捨不得丟下我妹妹, 她太小, 我不放心......

關慧玲
關慧玲 2009/01/17 11:41:31 回覆

catcat,

你的天下第一貓,一定會感受到你的愛。我也很感動。 {#icon16}

2009/01/17 10:00:09 回覆

{#n1507662996_30073881_4.098[1].jpg.jpg}

2009/01/17 09:57:18 回覆

各位貓友:

之前我曾經提過波波嘅處理方法, 多謝大家嘅意見, 經過考慮之後, 全家都覺得將佢洒在屋企附近公園一棵好靚嘅樹下面, 其實我都有幫佢做咗一條DNA頸鍊, 掛咗喺屋企隻Marie公仔頸上面, 所以都叫做有嘢留念~~ {#icon5}佢肉身離開咗我哋, 但佢其實永遠活在我哋心入面嘅回憶, 雖然每次諗起都會喊, 但我樂在其中~ {#icon15}上次去旅行我都有帶條DNA頸鍊去旅行, 感覺上好似同佢一齊~

 

2009/01/16 22:17:26 回覆

CatCat,

mm.... "天下第一貓" 一定帶給您和家人很多開心的 "第一次"呢 {#icon45} {#icon45}

TY

2009/01/16 17:03:41 回覆

TY,

係呀, 佢係我哋屋企"天下第一貓", 連一向唔鍾意貓貓狗狗嘅貓嫲嫲..貓爺爺都因佢而改變~~ {#icon5}

2009/01/16 16:29:16 回覆

CatCat,

由您記得咁清楚您同 Garfield 仔邂逅的情形就知道您有幾在乎佢! {#icon9}

那麼, Garfield 仔是您第一只貓?

TY

 

2009/01/16 12:06:59 回覆

TYsum,

我未養貓前, 從來未有諗過會養貓, 貓一向比感覺係神秘, 恐怖, 不可走近一樣, 十三年前買Garfield嗰日(喺旺角舊雀仔街街邊檔), 本來係想買狗, 但因為睇唔啱, 咁啱有個小販大聲叫賣, 好抵~好少有~, 小姐~買啦, 虎紋貓公好少有架, 籠入面有幾隻白貓一隻小虎紋, 每隻貓都瞓緊覺, 唯一得一隻小虎紋坐得直直的望住外面世界, 佢見倒我就喵~~我一聲, 就係呢一聲, 以後就係我們家的一份子, 亦因為佢令我完全改變對貓嘅睇法! {#icon9}

"但養了貓之後, 我竟發覺貓對我來說真的很吸引, 到現在我仍覺得牠們很不可思議, 很讓我著迷 ." TY 我都覺得你講得啱!! {#icon0} 到而家我見倒貓就會發癲~

2009/01/16 09:56:01 回覆

很有共鳴.  以前住的地方有一只貓, 但見到人會瞪眼戒備, 不讓你走近; 做part time 時又見過一只母貓剛生了小貓, 很趣致, 我想去逗小貓, 但母貓本能地保護小貓,檔在牠們前面, 凌厲的眼神看得我也不敢亂動. 因此, 印象中貓是不好惹的.

但養了貓之後, 我竟發覺貓對我來說真的很吸引, 到現在我仍覺得牠們很不可思議, 很讓我著迷 .

TY

 

user

已關注

最新回應

淺雪
淺雪 2021/10/01

{#icons_girl1}

淺雪
淺雪 2021/04/29

嘩..以後真要小心..

   

水滴石穿
水滴石穿 2021/03/05

我今年都派給友人6只貓貓利是,一樣理我都傻的主子做派 {#icons_boy1}