屠獅大會, 一呼百應
2009/01/20 09:25:07 網誌分類: 經濟
以前聽過一句說話: 一個大話聽一百次都會變真話
大摩呢次唱匯控就係一個好例子, 初初出報告時, 好多人都話佢傻
然而之後其他大行相對推出報告指匯控資產減值風險大, 有集資必要...
令大家對匯控越來越失信心, 今朝聽到匯控係倫敦交易所股價曾跌到$52
令我覺得"摩笛"真係好利害!
我觀察左5仔既熊仔幾日, 61275 呢隻街貨量佔75%既熊証係尋日(星期一)
終於回落到56%, 睇黎農曆新年前匯豐可望止跌, 我咁話唔係叫大家入5仔,
而係想講大巿呢幾日應該會下試13000, 我諗主要原因係奧巴馬上任後
會有人趁好消息出貨, 所以大家要小心! 相反農曆新年時,
奧總可能會推出好多救巿措施, 令美股回穩, 所以二月頭(業績期未到之前)
大巿好可能會有d反彈
無錯, 觀望為上策, 但我覺得已經發左盈警既公司就可以留意下, 趁低吸納, 尤其係中資企業 (你有無聽話唔好入5仔呀?)
Rainbow,業績近,盈警處處,個股上落難料,分分中中招.大勢是否觀望為上策?
可否分享心得.
siu pang, 你講得岩呀, 只係d當錢唔係錢既人至會賺大錢, 但亦只有呢d人至會輸身家, 好似d 炒 accumunator既人咁, 或者係佢地唔識"當別人貪婪時恐懼吧~
人人都想買平貨.但有多小人能做到.很多人都知匯豐控股是會生金蛋的雞.但一見大摩話52元.個個都怕.其實每個人對匯豐都有一個價只要去到心裡價怕大摩話52元嗎 ?買了就等它升別管跌.這才贏到錢.只有當錢不是錢的人才能贏到最多錢的如巴菲特一樣（買的是公司價值不是現在的股價）升升跌跌別理它一切平常心就好了～～～～～
都係0個句LA, 5仔暫時唔會掂~ 至於入唔入熊? 太遲吧?
萬三收穿左。
五仔創十年新低
彩虹：會唔會博反彈？
or買熊？ 
joanna, 我覺得匯豐 老實係超賣左, 依家我唔會諗咩價位岩入, 而係咩時候至好入, 如果你唔想一入就賠本的話, 我建議兩個情況下至好考慮, 1.匯豐公佈集資/供股, 2. 匯豐公佈業績, 咁樣事情至會明朗化. 當然, 呢d價位5仔極有可能反彈, 但會唔會持續呢?反彈到咩價位呢? 無人知道, 所以只有佢揭開"底牌"至最穩陣
Hi, 今早已穿13,000, 睇來隻滙豐都好有殺傷力....佢會唔會跟倫敦一樣, 下跌至51.8????
連我周圍唔玩股的朋友, 都開始對5號仔產生興趣, 問何時?何價可以入貨?