點解可以跌成咁? 因為...
最近好多人問我, 點解5仔&大巿會跌成咁, 去YAHOO 知識度, 好多人都問好唔好入貨,好唔好止蝕…可謂人心惶惶呀
無他既, 利淡既消息不斷出黎, 繼5仔, 內銀股被唱淡後,2628 & 347 亦相繼發出盈警, 另外英國救巿變左害巿, 奧巴馬上台亦成為趁好消息出貨既機會, 大巿氣氛頓時變得消極&緊張, 以上既係外圍因素影響投資者心理
我不得不佩服大鱷們今次既造淡行動, 成個過程好精彩, 首先係一月頭製造假象, 令大家相信奧巴馬上台 & 農曆新年假之前, 個巿應該唔會太差, 當時有8成股民都覺得2,3月至會大瀉, 1月應該會維持14000~15800水平, 諗返起當時成功短炒到5仔, 真係超級幸運~ 之後大巿一級級下跌, 唔係俾機會大家走貨, 而係俾機會大家撈底, 因為當時大巿承接力不足, 大戶如果大量沽貨, 無人夠膽接, 所以每日跌少少,好多人就咁拎左野...
之後, 醒目既超人都知唔對路, 同大戶一齊沽中銀, 令大巿氣氛開始緊張, 當大家"低撈"左貨, 大巿又穿埋14000, 大家至如夢初醒, 但心又覺得長渣到年尾應該唔使輸, 所以如果入左內銀股既朋友應該唔會放, 就好似我咁^^
大戶見內銀股承接力強, 加上中央係背後力撐, 就唯有出秘密武器 "$52 報告", HAHA…出招時間非常好, 因為咁近農曆新年, 高手&大戶都唔會同佢地玩, 寧願睇定D, 新年期間睇下奧總有無新招救巿, 剩下黎力抗大鱷既只係D魚毛仔, 一D根深柢固熱愛名牌股既散戶…結果匯控短短10個交易日, 就由$73.5 殺落$55, 跌幅係25%
值得欣賞既係大鱷們既逆向思維&把握到時機, 佢地知道, 呢個時勢唱好等人追貨係哂氣, 倒不如一齊唱淡, 巿場信心薄弱, 加上好多買匯控既都係基金&自動交易盤, 一旦穿左某個支持位, 就會誘發骨牌效應, 連帶農曆新年, 四面楚歌, 邊有人咁有HEART 同佢地搏命呢?
不過補充一句, 匯控跌到$55應該無乜水位再跌, 只要佢一回穩, 大巿可望反彈, 造左淡既朋友見好就收喇! 想撈貨既朋友宜繼續觀察, 都係放個安心假比較好^_^
siu pang, 好有可能呀, d人無錢, 就找唔到卡數, 結果銀行又遭殃
另一方面, 好多分析員都估計債券巿場有可能會爆煲, 所以我都唔敢估計
第二波會係點...
JOANNA: 我入左一隻長期價內輪15582 @0.74, 我預左佢會穿廿蚊架喇
所以只係入左一手, 等佢去到$18左右再入第二注, 呢隻輪行使價$13.88
真係超低, 所以非常貼價, 另外今日反彈時又入左d熊証, 咁就放心喇!
你咁快入左2628呀, 但佢發出盈警喎, 你係唔係覺得係$20蚊有支持呀, 還是再得佢下滑至$18-19蚊才入????
因個市都無力向上!!!!!
rainbow 任總的一話有冇留意(警告：金融海嘯第二波傳染性將比第一波厲害。當下全球經濟表現和人心比第一波海嘯初起時脆弱，但是各國政府的警覺性也大為提高，可能形成更為驚心動魄的對決。)其實我最怕金融海嘯第二波是指信用卡危機.試想想當你有高新金時.你買樓.當你有樓時.你借錢(信用卡)但當你冇新金時.冇樓時.(樓市泡沫爆破的連鎖效應如雪球般愈滾愈大、終於在去年秋天爆發第一波金融海嘯)當你冇錢時.信用卡危機---金融海嘯第二波,傳染性會有幾大呢!我想香港人如果冇得用信用卡後果會點呢!這就是第二波厲害>0
呢個問題問得好呀! 造淡既朋友我想指0個D 上星期已經造左淡既朋友, 佢地都差唔多賺夠, 可以今日食左糊先, 因為長假可能有新救巿措施出台, 有比較大規範既反彈一D都唔奇, 呢個係造淡者既風險
至於我話今日反彈入熊, 係因為我入左D股票嘛, 1398 呀, 2628 呢D, 呢個動作係持貨者既風險管理好似好矛盾, 但只係兩個唔同既情況而矣
Rainbow, 你文章說:" 造左淡既朋友見好就收",但回覆KI,:"今日趁反彈入d 熊証囉",是否打錯,那個才是正確?
KI, 今日趁反彈入d 熊証囉
danny, 無接就好la, 4月工行禁售完, 外資配股消息一出
反而令工商有回升既動力, 因為唯一憂慮都消除嘛,
我依家反而擔心...內銀股會發盈警
siu pang, 我睇你頭幾句仲以為係你copy ben 哥既說話
因為尋日我聽881, 鄺文ben 同你講既野九成九相同呀!
Haha…你咁叻, 其實你真正身份係咪佢黎架^^
我不是馬後炮,記唔記得12月我話
聖誕股票爭卓子(鄧仔)game現在開始音樂一停走最後的就是輸家,
你今曰走咗未呀!!!!新年又有另一游戲股市踩爆波!睇下有幾多波爆!!!
小心游戲一開始冇得返轉頭
現在一一應驗了嗎?但5仔匯控短短10個交易日, 就由$73.5 殺落$55, 跌幅係25%當中大鱷沽空佔80%,大鱷沽空了一定會在低位平倉,大摩話52元.個個估會跌到50元以下,大摩只要52元以上平倉,散尸個個得個睇字.到時才知傻~~~~~~~~
慶幸冇接5仔之火棒,不過工行就安心坐下貨.哈....
4月左右工行有禁售期完之患,到時是否又要走位呢!
有咩風吹草動,唔好漏低我呀.
謝謝
支持~彩虹，會幾時出手？