貓的口味
2009/02/03 22:53:37 網誌分類: 未分類
貓基本上對人任何的食物都會八卦一番，但不是甚麼都有興趣吃下去，像紅酒，米米嗅了一下，逃難似的跳走。
不過蟹柳卻很對牠們的胃口。
我很少給牠們吃人的食物，但是......
面對紅豆的嗲聲嗲氣，一時心軟......
分了一條給牠吃。
結果，吃下不久牠即嘔吐大作，把所有蟹柳都嘔了出來，明明撓起腿看電視的我急急忙忙做清潔工，由於畫面太令人不安，沒upload上來......我的胃口也跟著紅豆的嘔吐物在翻騰。
嘔乾嘔淨的紅豆，以為牠會怕了，怎知卻繼續哄上來，但我已再吃不下去。
原來在貓的字典裡，根本沒有「後悔」這兩個字。
Joe,
貓豬識食就真, 豆腐吸晒 D 鯇魚味, D 鯇魚冇晒味啦, 你話佢食邊樣吖 !
zesu,
佢IQ都好高喎! 知道裡面 D 肉先食得, D 皮唔食 ? 佢食完D 毛係咪 "立立令" !
有晚我蒸豆腐鯇魚,貓豬見我食豆腐好味,佢食口左D呢!鯇魚反而就無食,貓都食豆腐口既咩?
HI 0靚仔先無我地甘豬. D皮甘厚佢先唔會食.
食先整斷左一塊蘆薈先, 之後咬開左一邊皮, 剩係食入面透明既肉. 食完成地都係皮.....
你地要小心, IVY (萬年青)對貓係毒物黎架. 唔好比佢地食呀...
cat cat, 有冇雞仔新消息呀 ! 搵到人收養佢未 ? 有位網友想知道最新消息, 諗緊辦法, 佢話唔可以見死不救, 因為放佢出街就實冇命 !!
sinsinho,
其實我都唔介意照顧住雞仔先, 不過我要月尾先得閒, 平時會好夜返屋企, 呢幾個星期六日又早出晚歸, 所以希望有人可以收養佢~~
謝謝您我幫忙~
zesu,
嘩 ! 你個仔鋼牙呢架, 蘆薈 D 皮又硬又有剌都食到 ? 食完有冇疴呀 ? 聽講蘆薈 D 皮通便架喎 ! 佢重食花 ? 小心 d 喎 , 有 d 花貓貓食咗會中毒架! 例如百合...., 問清楚先好 !!貓性真係千奇百怪, 唔講你唔知 .
cat cat, 我已經問緊有冇人想收養雞仔架啦.
zesu,
嘩你隻仔咁厲害?我都好想睇吓。米米試過將我一大紮玫瑰嘅一邊「刨」平咗，知佢用咬還是怎樣，真係攞命
。
sinsinho, 0靚仔唔食魚之外, 我仲懷疑佢係一隻牛. 佢極鍾意食草. 我地係自己種貓草/小麥草比佢食. 一種幾盆. 你每日係露台淋花, 佢就一直煩你要比草佢食. 一係就成盆比佢自己揀黎食. 剩係食最嫩既. 盆盆草都係齊"輯輯". 一係就擇比佢食, 放地下佢唔食. 一定要一條條甘餵. 好似去餵牛甘...... 有時D草生唔夠佢食, 佢就偷食其他花. 最勁係一日食左我成盆蘆薈......... >
catcat,
千祈唔好俾佢主人媽媽就咁放出街呀，佢實死無生呀。有邊個可照顧佢呀?點解可以隨便遺棄一個生命呀???
cat cat,
新舊貓相處呢 d 情況, 我相信其實大部分貓友都試過, 我當初接第二個女返嚟嘅時候都係咁, 俾個大仔打到飛起, 起初個女返嚟重有病, (因為她是我在一個專收留流浪貓的貓友手中得來的, 身體都比較差 ), 我都好驚個仔打死佢, 我未見過佢咁惡, 又唔彩我, 個女走到上個吊櫃度避開佢, 我都有想過放棄, 但貓友勸我, 俾 d 時間, 俾 d 愛心佢哋, 佢哋會明架, 於是我每晚同個仔講, "我帶個妹妹番嚟係想你有個伴, 媽媽返工你有人陪, 唔使得自己一個, 大家一家人嚟架! 兩個我都鍚 ! " 一段時間之後都冇事啦, 而家兩個好到不得了.
我唔係話想管人哋點做嘢, 但好似阿 Joe都會考慮到呢個問題先, 你諗吓貓貓去到新環境要成兩個星期先肯食嘢, 啱啱話適應咗, 肯食返嘢, 又話要送走佢, 難保再有第三.. 第四.. 第五個....., 佢會覺得個個都唔要佢, 貓都會抑鬱架! 唔好意思呀 cat cat , 我只係見佢又俾人遺棄好唔開心啫..., 唔好見怪!
Cat Cat,真係好可惜,貓貓合唔來會有點頭痛呢,這都是我暫時得貓豬一個的原因呀﹗
sinsinho,
呢個blog友貓主已經係第二手主人, 佢朋友因為某d原因唔可以養佢, 佢伶咗嚟養, 養咗大約2個星期, 最近先肯食嘢, 但呢段期間, 屋企隻獨仔貓成日蝦佢, 日日打到拆天咁, 半夜又係咁, 嘈住佢媽媽瞓覺, 加上長毛成日甩毛, 貓主話已經日日幫手清屋企貓毛, 但都未能改變媽媽唔養佢嘅事實, 佢又好擔心媽媽會唔會喺未返屋企前將佢放出街, 所以希望如果有人想要嘅話盡快攞走~
cat cat, 唉 !貓主點解唔要佢呀? 好唔開心, 點解咁輕易放棄佢哋 ? 佢哋都有尊嚴, 唔係波咁俾 d 主人踼嚟踢去 , 年紀大就話嫌佢老啫, 又唔係, 唔鍾意又叫人收留, 我曾經行過一間寵物店, 見到一隻波斯貓 (成貓, 店員話佢1歲多), 好唔開心坐係個籠入面, 我好奇問個店員, 佢話貓貓係主人寄賣, 點解寄賣 ? 因為主人係店中買咗另一個新貓, 於是將原本養開呢隻放係度寄賣, 我即時已經話 "他點可以咁做架 ?" 店員無奈苦笑. 可笑是世上貪新忘舊的人太多了 !
又有一隻貓將會流離失所~~
一歲波斯貓待領
貓名: 雞仔
毛色: 灰
性別: F
性格: 鐘意人摸,好嗲
年齡: 大約一歲
健康: 已絕育,杜虫杜蚤及打第3針
領養條款
1. 必須承諾替貓貓定期去註冊獸醫處注射預防針，如貓貓有病，需立即去看獸醫
2. 安裝窗網
3. 必須接受家訪, 並提供住址證明
4. 如未滿21歲, 需獲得家人同意
5. 一般動物如貓、狗等的壽命可以超過10年以上﹔在領養前一定要跟家人達成共識，清楚考慮是否有足夠能力、金錢及時間去照顧牠至終老。
6. 不可私下轉讓貓咪予任何人, 否則將循法律程序追究
7. 必須承諾不會長期困貓貓於籠中
8. 承諾定時向義工保持聯絡
9. 需填妥領養表格,以保障被領養貓隻,包括個人資料,請自行考慮
如有意領養, 請 email到: nic1@livemail.tw
zesu, 依? 你個貓有D 似關家貓阿Kidd喎, 聽講佢都唔食魚.
唉 ! Caroline, 你哋搞到食餐三文魚好似人哋偷情咁 ! 笑死 !
cat cat, 你食蟹嗰時有冇幻化自己變成一隻蟹, 左手捉住蕃薯, 右手捉住Miu Miu, 其餘幾隻手就可以慢慢剝殼食啦 !
關小姐,
除咗貓糧同小食, 蟹柳唔洗講, 因為大仔會敏感, 食親都嘔, 我只會清蒸魚(冇油冇鹽), 烚蛋, 有時俾少少白飯加魚 (人哋教我嘅, 不過佢哋通常都食晒D魚, 剩返 d 飯), 我好驚佢哋食錯嘢落肚, 易入難出, 到時又係麻煩到我, 小則清潔了事, 大則要去睇醫生就慘啦 !不過好奇怪, 佢哋見我食人食嘅嘢會聞, 唔會食, 通常我都由得佢哋聞, 就算真係好似想食, 叫佢哋唔好, 就唔會再扭, 乖乖落地, 點似你個紅豆小姐咁, 佢出嗲功, 扭多兩扭, 搵個頭 "Hi" 吓你, 妳又心軟, 冇辦法! 寵壞囉 !
我個o靚仔又唔多理我地食咩, 對我地食野無咩興趣. 佢對魚腥海鮮無興趣. 所以買乾糧都只係雞肉, 海鮮, 魚果D真係掂都唔掂下.
我貓豬除左白灼蝦和烚帶子之外,都鍾意食煎鮫魚和蒸烏頭呢,不過佢食完又唔會有事口咼.
caroline,
你哋好似呢埋食毒品咁, 佢哋就係"輯毒貓"
我食蟹都好忙, 蕃薯仔會用手搶蟹肉, 我一邊忙於避開蕃薯仔同Miu Miu, 一邊要拆殼, 如果離開坐位, 蕃薯仔又會即刻坐上去, 又要攞舊蟹肉引開佢, 但係食完又返嚟搶過, 食完蟹餐已經倦到想死~~
關小姐, 佢哋食咗先算架, 佢都唔當自己係貓, 總知你食咩佢都要同你分享~~
Mary112008,
比貓貓食煎魚太油啦, 好似唔係咁好喎 !
我亞B 同芝麻糊每次當我地食三文魚時都會發咗癲咁係咁 'hom' 埋來要食架, 但我地人食既三文魚對佢地來說太多油了, 所以每次我地都要收埋佢地兩個入書房先可以食, 仲要第一時間食晒佢, 要立即放番佢地出來, 如果唔係, 書房度門就傷痕累累啦
係呀，我隻貓貓每次食煎紅衫魚都會嘔，但是他又好鍾意食，真係比他溵died