貓私語——養貓苦與樂
2009/02/06 00:00:00 網誌分類: 寫作 06 Feb
養貓的家，再也不能插花，因為無論香的玫瑰、無味的太陽花，或者翠綠的BB草，都被阿米咬個稀巴爛。 家裏不能亂放膠袋，阿寶會吃下肚，之後嘔到休克，嚇到你以為牠快要死了而心臟停頓。 飾物只能沿牆而放，也不能放水晶、玻璃製品，因為骰仔甚麼都能扯下來當波踢。 放工就算很累很累，回家第一時間還是要先餵食、剷貓屎；假期想懶多一刻？對不起，紅豆和米米會由清早七時開始輪班叫，叫到主人起牀。 我的身體是牠們的，任何貓任何時候，喜歡就硬擠過來，擺個姿勢大睡特睡，大腿被壓得麻痹想略為移動麼？紅豆會鬧人，鬧主人擾牠清夢。 經過多年的「馴養」，我已成為適應跟牠們生活的主人，每朝早打開房門，面對再混亂的客廳，也處變不驚。 關慧玲 
Caroline, 咁就好囉 ! 芝麻糊等有人陪佢玩好耐啦 ! 不枉你哋兩個做廳長嚟照顧佢, 阿 B 會好乖同好快搵返個肚腩架 !!!! 阿 B 萬歲 !!!!!!!
Sinsinho,
亞 B 比當初確實肥番一些了, 依家有 6磅啦, 肚腩仔就仲未搵番, 但起碼摸佢背脊都唔會摸到佢條脊骨一節節咁凸晒出來啦 !
啱啱佢先主動撩芝麻糊, 打咗一輪, 仲嬴咗添呀, 打到芝麻糊呢埋响梳化底, 唔敢出來啦 !
關小姐, 我都係咁, 一打開度門, 起初成班重瞓緊覺, 後來聽到膠袋聲, 就跳晒落嚟 "分庄 ", 剩低我一個企係度. 冇 "貓" 理我, 可憐 !
cat cat,
你 Miu Miu 蕃薯, 同我小米一模一樣係咁, 買嘢返嚟放低一陣, 背心袋個手抽就報銷架啦, 個"傷口"齊緝緝 , 想轉頭做垃圾袋都唔得, 你嗡嗡就同其他豬仔一樣, 不過佢哋唔識分靚膠袋, 總之聽到 "沙沙聲 " 對耳仔就好似雷達咁反嚟反去, 跟住就去緝私架啦 !
Caroline, 阿 B 冇事啦 ? 轉咗藥好D 嗎 ? 有冇再肥返 D ? 扮得聖誕老人未 ? 要有肚腩先得喎 !
sinsinho,
這也是我百思不得其解的問題，隻隻都鍾意lam膠袋，好好味咁，阿寶和小甘就大力咬扯然後吞下肚，哈，究竟係貓罐頭好味些還是膠袋好味些呢?
有時買東回家，幾隻嘢一擁而上，不是歡迎我，而是各佔一個超市膠袋狂lam，激死人。
蕃薯仔同Miu Miu好鍾意咬爛背心袋個手抽, 然後食落肚, 仲要係晒齊口, 好似用較剪剪開咁, 動作又快, 一個轉已經咬爛, 又冇聲, 有時唔知有冇嘔到出嚟, 要強迫佢哋食吐毛膠~~嗡嗡就鍾意lam啲靚嘅膠袋, 好似包雜誌嗰啲, 都唔知有咩好lam.....
Sinsinho,哎口也我都想知呀,我貓豬都會咬膠袋,有無食就唔肯定,因我無見佢有嘔D
口野出口黎,就昨晚佢就將我包裹飲品的膠袋咬爛,連放在裡面口既包裝飲品都咬穿
口左呢﹗
關小姐, 呢件事我想問好耐, 點解佢哋會食膠袋 ? 屋企幾個都好似寶爺咁, 但就未至於嘔到休克, 但嘔完一陣又去食過, 點解咁辛苦都要食呢 ? 好好味咩 ?
Sinsinho,妳講得對"知易行難",如果係我都無勇氣做這決定,或許我都會帶佢返屋企,陪伴在佢旁邊,走最後一程。
既然貓貓在努力求生中,如果佢有能力的話,何不找多個醫生睇口下,唔…希望上天憐憫會有奇蹟出現呢﹗
cat cat,
我寧可佢哋冇錢去攞綜援算數, 唔好再做呢 d 傷害生命嘅嘢 !
關小姐, 妳嘅提議, 知易行難, 我自問沒有這份勇氣, 我記得妹妹當時兩個獸醫已勸我幫佢打針, 我即時拒絕了, 到最後一個獸醫,(就係熱心貓友介紹嗰個) 留醫數日, 試藥同診斷後醫生話佢情況重差過之前, 知道已經走到盡頭, 我決定帶佢返屋企, 嗰晚我成晚係佢旁邊瞓, 睇住佢, 妹妹第二日就走咗.
我好明白大家嘅想法, 但主人好似我一樣, 唔捨得, 年尾佢同我講做第二次檢查時要禁食, 貓貓重識扭計問佢攞嘢食, 檢驗結果都確診係腹膜炎, 但貓貓開始唔肯食藥, 只肯食糧,(之前食開類固醇 + 靈芝丸) 用針筒餵都嘔返出嚟, 後來又疴又嘔, 主人好心痛, 唔再餵藥, 唔想佢又嘔咁辛苦, 本想帶貓貓去打針, 但係最後都冇帶佢去, 再睇醫生, 情況穩定返, 會唔會有奇蹟呢 ? 因為獸醫都同主人講過, 一般貓患上腹膜炎, 只有兩星期壽命甚至即時死亡, 但當時佢患病已經有一個月, 所以獸醫都覺得奇怪, 我唔係醫生, 但我在想, 貓貓似乎在努力中, 定係兩個獸醫都斷錯症呢 ? 呢 D 都係我想佢睇多個醫生嘅原因.
joe,
因為有市場, 小朋友就成為犧牲品~
CatCat,這宗貓殺手口既消息好駭人呢,但奈何間唔中就發生。
關小姐借個位用用:-
港島東告急！！！！！
收件人 88DB
傳送日期﹕ 2009 年 2月 8 日 星期日 下午 5:50:23
主題： 灣仔區的貓殺手重現!
你遇上的是否貓殺手？如果你發現一男子手拿小貓的相片，說是家中失貓，請義工幫手找貓，這人十居其九是湯姓男子！他現在又活躍於灣仔區一帶，是個十分該殺的捕貓殺手。根據義工的消息，此人現在已脫去了臉上的痣，把頭髮染紅了，連同其他人在灣仔區一帶後巷捉貓。目的是送上大陸俾人食用。
根據義工資料，此人名叫 湯興隆
而家每隻貓貓的黑市販賣價為＄xx元或以上，基於現在街貓們正處於水深火熱之中，請大家一傳十，十傳百，把這個消息傳開去！
sinsinho,
有無看另一個醫生俾意見嗎?貓的狀況如何?假如牠顯示很辛苦的樣子而不止一個醫生說無晒辦法時，如果我是你，我會緊抱著牠，讓牠安樂去......在牠蓋上眼皮的一刻，在身邊輕哼：「下一世再一起。」
只是要做這一決定談何容易?畢竟一起生活多年，我們都很難學懂何時放手，如何放手，我想主人從貓的眼神，或可辨別貓貓所想。
很怕說離別，然而這卻是人生必經的。
sinsinho,
既然而家情況尚算穩定, 而又明知沒甚麼可能的話, 何不讓牠快快樂樂渡過餘生, 例如盡情給牠吃愛吃的食物, 盡情跟牠玩耍, 盡量完全滿足牠的要求, 帶牠行街, 用盡所有時間跟牠一起, 雖然最後很痛苦, 但在你跟牠的快樂回憶相對地也增加了不少, 對不起~~~希望你可以找到一個可以幫牠的醫生吧!!
我當時不知道波波的情況, 所以沒有為牠增加快樂回憶, 反而增加了痛苦回憶......
sinsinho,
難得您有甘樂觀正面的諗法, 貓主人佢點睇? 要唔要睇第二個醫生? 或者搵個有經驗的獸醫會有幫助都未定. 跑馬地何大成醫生可以一試. 可以幫到貓貓的就儘量做吧.
TY
TY,
其實我都問過其他貓友, 佢哋嘅答案同你講嘅係一樣, 但醫學日新月異, 昨天醫唔到, 是否代表呢個病永遠都冇得醫呢 ? 今日好多好多年前嘅絕症都有得醫啦 ! 就算唔係百分醫返好, 起碼可以用藥物延長壽命或者減低痛楚, 呢個就係我唔想選擇打針嘅原因, 因為一針之後, 就完全冇機會, 可能你哋覺得我固執, 但我在想, 我們是否有權利支配佢哋嘅生死 ? 我哋唔係佢, 點知佢點諗呢 ? 我哋只站在人類立場去睇件事, 有邊個會站在動物本身一方去諗呢 ?
sinsinho,
我聽說貓腹膜炎係無法醫治, 換轉係我, 我會選擇打針, 寧願自己承受做呢個決定帶來的悲傷痛苦, 都唔想看著心愛貓貓受苦, 但我一定要問清楚醫生係咪真係冇得救先, 係咪情況真係咁壞先, 因為 d 獸醫好輕易叫主人放棄, 我最憎聽到佢地咁講, 亦唔想嗰位貓友因醫生誤導而做出令自己內疚的決定.
講真, 係過來人都好清楚知道做打針決定係好心痛, 只係要面對嘅時候卻無法逃避.
TY
TY, 你講得啱, 我哋唔係萬能, 能力亦都有限, 但我哋絕對可以令我哋而家嘅仔女可以有一個安全嘅家同適當嘅照顧, 做一個負責任嘅主人.
sinsinho,
Sorry呀, 我都唔識呀~我唔想講d令佢不安嘅說話~~
各位貓友, 有一個令人不安嘅消息, 之前提過有位貓友嘅貓貓患上腹膜炎, 依家情況尚算穩定, 但腹腔積水令佢呼吸困難, 要去醫生度抽, 但貓友講貓貓會好辛苦, 佢好似我咁, 唔忍心帶佢去打針, 真係好痛苦 !
大家有冇辦法幫吓佢.
Cat Cat,太好了雞仔已經有人收養佢,希望佢個新主人會好好對佢.有雞仔的新生活近況話比我口地D貓友知丫,好嗎﹗
Sinsinho,你當初接第二個女返家的時候,佢多大呀(是貓B嗎)?聽說貓B會容易接受D,解釋比個仔知有效嗎?其實我跟的想法一樣是想貓豬在我返工後有個伴和有人陪呢﹗
sinsinho,
多謝你呀!! 香港仲有好多好可憐嘅貓貓, 你睇吓你d貓友有冇興趣~
cat cat, 有人收養佢就好啦! 等我重通知咗兩個有興趣嘅貓友上網睇添, 不過唔緊要, 最緊要係雞仔有個好嘅新主人, 希望大家跟進住, 萬一唔好彩..... 都希望有個消息俾我哋, 一定要保持聯絡, 唔可以再俾人蝦佢, 我只係好驚雞仔"自己" 受不了再度遭人遺棄這一關......
各位關心雞仔的貓友, 雞仔已經有好心人收養了~~
sinsinho,
未有雞仔消息呀! 有人想要嗎?
sinsinho, 關小姐,
而家事過境遷我先講得若無其事, 事實我當時都嚇窒, 只是救貓心切, 根本冇時間考慮甘多, 遲左驚燒親佢,所以才不顧一切出手. 仔仔條尾毛長又蓬鬆, 毛先著火, 可幸未燒到肉已被我撲熄, 我估佢凈係 feel到自己條尾發滾, 唔知甘大件事. 見皮膚冇燒傷, 就冇同佢睇醫生囉. 我只乘機同佢修剪條亂尾巴!
最近不是有很多不幸的故事嗎 - 大佬, 西貢黑妹, Dong Dong, 雞仔, 文章 "How could you"...., 看到了, 聽到了都讓人心酸, 我在想, 我們無法控制不幸事情的發生, 有些事也是無能為力, 但至少可做到讓自己的貓貓快樂, 做個儘責任的主人,不要增添不幸的數字. 我的貓貓一定要活在寵愛中.
對不起, 說得太多了...
TY
TY,
比我實嚇得死啦, 點解你仔仔條尾燒到變乾柴都無感覺架？咁有無燒到 d 肉？佢聞唔到燒濃味咩？
sinsinho,
無計，被貓馴養了的貓人，面對再不可思異的事，都變得處變不驚啦，相信TY都係咁。
TYSum, 嘩 ! 咁大件事, 你好似閒話家常咁嘅, 俾我就嚇死囉, 所以我轉用電磁爐, 安全 d , 係喎, 有冇同佢睇醫生? 佢燒燶條尾唔知架 ? 唔痛咩 ?
我仔仔貓就試過行經開著的爐而辣著條尾出火, 好彩我當時在場, 嚇到眼都大, 火燒得好快, 諗都冇得諗, 一手拍落 d 火到 (都唔記得有冇用布). 但佢條尾比火燒到的位置已即時變左乾柴. 佢仲唔知咩事, 只係比我突如其來的動作嚇親. 原來貓毛係易燃品!
養貓的人還要警覺性高, 否則家中這些諸事八掛的貓貓好容易出狀況,嘿.
TY
聽說我們的主人趁我們午睡，關起門來在廚房站著偷吃蒸魚大餐。
重有...你不能好好享用你的美味海鮮餐~~