智慧齒

2009/02/10 15:55:36 網誌分類: 生活

10 Feb

天佑仔的蛻變

ki,

我個牙醫哥哥咁樣解釋............
好多人的智慧齒係打斜, 甚至打橫生. (要照x-ray 判斷).
唔生長, 就好似無事, 若生長, 就有機會向前迫爆前面隻𦥑臼齒.
(向後的話, 佢無講)
所以避免影響正常的臼齒, 都要剝. 最好未生長前就剝.

只是打麻醉針, 界一刀, 剝牙, 縫針.

難的, 就要慢慢車走啲腳尾. 都幾蝦人咖.

而蛀牙方面, 每個時代的觀念都會唔同, 現家科技好啲啲, 佢哋唔主張剥.
因為剝一隻, 少一隻, 到 60時, 若果無晒, 要造一幅假牙,

假牙因為只靠假上腭和真長腭接觸着力, 唔係直接傳到牙床骨. 所以食嘢無力, 無咬感.
而且, 不適當用力, 牙床骨會收縮好快, 最後不能套住假牙.

即使護理得好, 假牙亦大槪每三年更換一幅.

又若果選擇種牙, 幾萬, 一條牙柱, 造一幅, 若十多萬. 而且, 和真牙一樣, 有機會有牙週病.

所以, 可能的話, 都會救返隻牙, 如杜牙根咁. 用得一日得一日. 或者, 你當係種返自已隻死牙入去囉.

不過, 佢話好少幫智慧齒杜牙根. 唔知是否位置太入, 成功機會微.

杜牙根都有兩套技巧.

稍舊的一套, 是先鑽孔. 電~~~電~~~電~~~, 而後人手用小工具清洗牙髄, 再暫時封返, 要重覆幾天, 直至沒有臭味, 才正式填入填充物. 有啲牙醫主張做個牙套, 可以加固. 這個方法較便宜, 但係麻煩.

另一套較新的, 是用顯微鏡, 真接觀察, 牙髓內是否已乾淨. 一次搞掂. 不過, 收費較貴. ( 這個我無試過 )

----------------------------------------------------

洗牙,

有啲人認為只是美容. 我認為漂牙, 載牙套先係.

個牙醫話. 口水分泌裡面, 有好多嘢, 佢哋停留在牙齒面上, 就有機會沉積, 黏住咗. 有啲似臭臭塔咁, 好耐唔洗. 就要用潔次鴨, 仲要鑿, 先掂.

不過, 牙石, 就要用一支超聲波棒棒, 震走佢, 佢話, 支震震會軟過法瑯質, 唔會震壞隻牙, 支棒棒反然會越洗越短咁話.

至於牙石的積聚, 通常在牙肉和牙齒交界位, 慢慢越積越多, 會撐開牙肉和牙膜. 細菌和食物渣會走入去, 導至蛀牙, 甚至牙週病. 牙肉發痰, 流牙血.

我好攋, 但牙石好多, 久不久, 啲牙血就會叫我去洗牙咖喇, 現家慣咗, 有少少被虛待慾咁, 因為痛苦完之後, 口腔會舒服一段長日子.

鑽孔嘛, 你隻牙無發痰, 就唔痛, 只是好嘈, 190dB.

不過, 唔痛又點會去鑽孔呢. So, 通常都打麻醉針. 男人大豆腐, 打打下, 就慣咖喇.

至於牙髮, 我未聽過.

順便講一樣嘢, 佢話, 有啲人用牙膏好用力刷牙, 牙膏裡面的牙粉, 反然磨蝕咗法瑯質, 搞到隻牙一條條坑咁.

我估, 那個人的法瑯質本生較軟, 可能加上食完酸嘢, 就立即刷牙啩.