又玩左一篇長長tag

Rules: Once you’ve been tagged, you are supposed to write a note answering all questions. At the end, add one more question, answer it and tag 20 of your friends.

1. 鍾意人地點叫自己？
意粉/ ivina/ 全名最尾字重疊 (eg, 肥妹仔表妹會這麼叫我, 不過要加「表姐」二字在後面)

2. 宜家讀緊咩學校？幾年級？
工聯會; 社會心理學未入學; 等緊hkied個diploma, 係教育文憑~ 之前讀左英國uclan呢間唔出名學校既跨國企業交流英語degree同埋香港既cityu既中英雙語傳意副文學士~ 其他工聯會課程已畢業有廣播劇班、插畫班、聲帶班、兒童偏差行為治療、健康舞、平面設計、包裝設計等等~ 講真, 我又離晒題la, 不如話我讀緊某區某小學小一至小五—小一課後英語班我要上; 小二午膳要看住佢地; 呀, 小三唔使~ 小四本來要上中文同數學, 依家竟然只上數學; 小五中文數學 =.= 我分明入錯班, 我要「讀英文」 =口=”

3. 你有咩花名？
意粉算唔算? 所謂前度未婚夫佢俾左好多名我, 我又俾左好多名佢; 中學時有人叫我「女班長」/ 「英文學會會長」, 講到我好串咁, 事實上讀書唔叻既我嚮小學未做過班長, 只係「風紀姐姐」, 大概仲有同學話我係「殘雞妹」咁啦, 因為我其實好男仔頭, 只係大個左要抑制自己~ 仲有d唔想講既初中時人地俾既花名。依家返工我係「x老師」或者同事叫我全名最尾字加個「呀」字嚮頭; 我俾過自己好多名好似伊雲娜、霏楠、小孤燕、燕飛南、八妹小紅帽e、小紅帽等等~~都係網名。中學仲有個名, 唔講la。好姐妹有時叫我「易vin」, 而好多人讀錯我個名做ivana—都幾好丫, ivana唱歌好聽。

4. 2008年ge平安夜同邊個一齊度過？
家人囉 , 你地知我「驚遲」得厲害 (一語相關了)

5. 承上題, 你同佢/佢地係咩關係?
咪就係家人囉

6. 最近看的電影係？
電視播既鄭中基既, 有千嬅出場呀! 女主角係stephy。仲有曾志偉~~

7. 承上題, 同邊個睇？
呀媽、二哥

8.要成為你ge好朋友，要有咩條件/特質？
善良、懂得體諒他人, 願意聽我講野, 要有我喜歡既尊長, 最好有一d共同興趣, 而且唔可以講人是非講到變晒歪理~ 唔好玩太多小圈子~ 愛和諧, 就係好人咁解

9. 請用3個形容詞形容自己最好ge朋友
(女仔呀_) 樂善好施, 懂得體諒, 曾經一齊返學放學同埋唱k, 嚮德福商場等廁所 =口=”  (咩喎, 果時讀書呀, 商場個廁所靚過城大分校既好多架嘛~ 好野係多人爭, 成間學校d女仔湧晒去咁濟)

10. 拍過幾多次拖？
2 (頭一次玩既, 我有種玩人既感覺; 第二次, 有種……刻骨銘心? 至今仍難忘記。不過我希望快d搵到另外既人—如果唔會阻礙我前途既發展既話)

心目中的...(如果可以這麼理想)

12. 最鍾意自己身體邊個地方？
面形 + 良心 + 可以wear耳環既耳仔+ 腳趾 (因為少穿高跟鞋)+ 比例上對腳; 算長; 咁講埋我都幾鐘意d手指

13. 最鍾意同最憎d乜野？
嫖、不安全之x行為、婚前x行為 (唔包括抱抱)、背叛者、溝女王、溝仔王、花心蘿蔔、表裡不一的人、不願表達自己既人、不願\幫助人既人, 壞心腸既人、扮好人既人、向住女仔吸煙d街邊呀叔、向住女仔吸煙d死飛仔、向住女仔吸煙的任何男女, 整天眼甘甘打量女仔同女人既男女、講人是非講到錯晒既人、集體溝女既人、非法集體遊盪既人、成班男既堆埋一邊講露骨既野或者講女性既身材, 成班女既堆堆一邊講露骨既野或者講佢地發花癲既野、令人不安既野、粗口、污糟既野包括mentally、physically以及environmentally……

14. 有咩原因可以令你躁底？
天口熱、俾人鬧或者俾人串、d人成堆成堆野推過黎, 冇電腦用, 冇工開, 搵唔到靚衫著, 俾人講閒話、俾街上面d人噴煙、俾人眼甘甘望住, 搭車有d人唔坐入面個位整到入唔到去坐; 我習慣搭車坐入面個位希望d人上車方便d, 但出面個人嚮我要落車時唔肯出去先, 好似想搏慒咁; 最唔鐘意d人搏慒/ 抽水……

15. 近來最難忘ge一件事係乜？
教院俾我interview

16. 寫出五個異性朋友ge名
艾督督、羅賓叔叔、hing豬仔小朋友……我係咪應該繼續寫頭條網d人? 咁—寫埋三傑~ 欽差大臣及佢既皇上, 仲有蛋叔。

17. 上述5個有幾多個係你喜歡或曾經喜歡的
寫得出黎就唔討厭la。不過喜歡? 唔好講笑, 我對佢地d尊稱已經寫到咁明確囉……話唔定近日成日黎留言既siu pang已經因為咁唔開心囉。仲有影相好靚既kenny叔叔我都未寫; 仲有畫畫幾得意既zero又未寫~ 影相仲有心朗啦, 唉, 頭條網太多人, 寫唔晒。我不過講左d見過面既或者會畫下畫、寫下小說、去下旅行既人。

18. 如果有鍾意ge人，會點同佢表白？
我會等機會, 等佢表白; 佢唔表白, 可能心裡面冇我, 咁我點會揀呢d人? 下次下次啦~~~~~~~(薛凱琪有首咁既歌)

19. 點一首歌俾你最鍾意ge 人
忽然間想起之前莎莎幫我搵既< 看透> 係莫文蔚唱既~ 已經嚮大概4月放過上blog, 算係點過俾前任未婚夫 (當時係散左既, 之後復合, 又散返, 而我決定以後都唔會再一齊, 因為前途, 我係好堅決既!)

20:宜家最想做ge一件事
快d拎到教育文憑, 唔使再做ta, 可以做teacher, 教我喜歡既英文同視藝

21:最中意既顏色?
金色、銀色、白色 (喂, 金銀衣紙+ 白合花 =口=”)、大紅色、粉綠色……作為藝術家, 我好好色, 算了吧。彩色都得。

22:開電腦之前做緊咩?
睡覺/ 放工/ 沖完涼/ 準備完功課要打字 (如適用) / 吃完東西……

23. 最令你O嘴之事.
二年班既小朋友, 識好多iq題; 我表妹幼稚園時, 都識好多iq題! 但, 我玩都唔係好識玩, 俾佢地狂問只好轉移話題

24.最中意食咩??
荃灣有間叫「燒炭」既牛仔骨, 有d菜絲, 個飯本來都幾ok, 但一次不如一次; 朱古力好多女仔都鐘意; 士多啤梨係好靚既生果, 都好味; 車厘子俾我食前洗乾淨先好; 西瓜好食又可以美容, 苦瓜我都頂得順。有時會狂飲涼茶, 或者花茶, 或者桂元茶; 我都鐘意楊枝甘露、抹香珍珠、拉麵、好味既意粉, 基本上唔太甜既糖水照單全收, 總之好似西式野arm食d,
25. 唔中意食咩?
我唔會生野。我唔熟唔食。西芹本來唔鐘意但最後頂得順; 芹菜、芫茜, 唔鐘意。

26. 依家最掛住邊個 ?
竟然係大哥……佢去左深圳返工同埋住, 而且好似話今年會同佢女朋友結婚~ yeah!

27.最鐘意咩牌子?
vertical club、baleno呢d平平地又靚靚地; 買鞋dr kong XD  寫BLOG頭條網!(刷鞋中…………….)

28.想吾想自己一個人住?
好想, 不過有埋個愛人好D, 要一世架喎, 我唔係D隨便既人

29. 中唔中意自己學校?
唔識答

30. 中吾中意自己既朋友?
唔鐘意既應該唔會嚮一齊; 但可能有D野好鐘意, 有D有少少唔满意, 又未至於有D極為不满, 因為朋友好多層次, 最好既朋友就冇咩係唔鐘意既

31. 鍾吾鍾意香港?
OK啦

32. 臨死之前1個鐘想同邊個一齊度過?
愛人

33. 如果可以再揀..你想做男定女?!!
女仔好多限制, 做男仔就可以一貫男仔頭性格, 但驚識到口是心非既女仔, 都係做返女仔好, 可以防避好多不必要既應酬, 又唔使養家, 雖然男仔可以爛玩D, 我個人比較有節制架嘛

34.想唔想打「Tag」的發起人?
唔需要; TAG黎TAG去先好玩架!

35. 最近發過的一個夢
衞蘭演唱會嚮屋企附近舉行

36. 2009有咩願望?
返工開心, 同D ARM傾既同事可以FRIEND D, 嚮職場有更多既肯定, 學生成績進步, 家長開心, 人人HAPPY, 香港好世界好 =.=

37. 想要被愛定愛人?
被愛; 不過我相信自己成日都被愛; 我相信自己都成日愛人既, 但愛人比較辛苦, 被愛可以不負責任, 但咁我咪係辜負左好多人? 只能說, 上天安排, 我對你地冇FEEL~ 選擇喜歡被愛係自私既, 但選擇喜愛去愛, 苦, 邊個想辛苦? 我只能說我係自私啦。

38. 點解會玩tag?
有時間

39.最近聽過既一個爛gag?
都好耐囉……檸檬最怕既係柑, 因為柑「吉」檸檬

40.最憎咩星座既人?
水皮啦, 因為佢地有D猶豫不決咁掛

41.最鍾2同邊個星座既人拍拖?
唔識講; 總之唔要水皮唔要天蠍~

42.分享一件關於你的事
我成日寫blog因為好多野想到同埋想講而嚮現實未能講或冇人聽或冇時間搵人傾計或想搵人傾時可能好姐妹又忙緊; 同埋, 我冇固定男朋友可以傾心事, 再固定都未至於每時每刻傾到, 未至於每時每刻但如果每天都傾唔到一次或兩三天都傾唔到呢我不如同網上面d人傾

43.有沒有收集東西? 有的話, 是甚麼?
愛情既痕跡

44.中意邊個卡通人物? 點解?
幽靈公主, 型!

45.諗起D咩野/事會好開心?同埋點解??
曾經有人好著緊過我, 仲發埋誓; 當時自己唔識珍惜, 但想返轉頭, 都係有堆野未可以解決所以分開; 就算珍惜過, 可能對彼此都會更痛~

46.咁多拖友入面最長同最短各拍左幾耐?
最短== 2日; 最長== 斷續的大概10-11個月中間有冷靜期大概2個月

47.覺得自己係邊方面最富有？
幸福

48.如果宜家比一個願望比你..可以回到過去..你想返去幾時??
小學; 想細個時見識多d野, 中學時就唔會咩都唔識又鄉下咁

49.中唔中意 bb?
鍾意 =]

50. 同你最鍾意既人講一句說話
希望你一生幸福, 真正地幸福

51. 你相信伴侶對你作出永遠愛你的承諾嗎?
曾經; 不過冇兌現之嘛; 已經好冧, 不過都唔實際

52. 如果沒有男/女朋友，會覺得很寂寞嗎?
唔會很寂寞既

53. 你打完呢篇野之後會做乜?

食飯, 家人叫左我好耐

54. 自選題

tag晒我篇野講過既人+ 呢個blog既blog友連結, 同埋見者有份, 仲有我嚮‧ "~~ 霏 楠 @ 閒畫 & 小梳 ~~" 既朋友-- 唔係事必要你地咁多個回返, 但你地回左既話, 請通知我, 謝謝!