第二期發育
2009/02/17 19:02:50 網誌分類: 未分類
群貓都吃同一種對泌尿系統有益的貓餅,只有最細的骰仔還在發育時期,另餵一隻高白質的。可能比較香,米米每次都虎視眈眈。
有時夾硬迫自己個貓頭入去搶食。
骰仔見是大佬,總是讓牠,結果骰仔經常吃不夠,米米仍然吃太多,牠吃完這一兜,才施施然回廚房吃屬於自己的。
之後還要擺個咁嘅甫屎出來....你怎忍心鬧牠??結果牠還是繼續肥美下去。
群貓都吃同一種對泌尿系統有益的貓餅,只有最細的骰仔還在發育時期,另餵一隻高白質的。可能比較香,米米每次都虎視眈眈。
有時夾硬迫自己個貓頭入去搶食。
骰仔見是大佬,總是讓牠,結果骰仔經常吃不夠,米米仍然吃太多,牠吃完這一兜,才施施然回廚房吃屬於自己的。
之後還要擺個咁嘅甫屎出來....你怎忍心鬧牠??結果牠還是繼續肥美下去。
shishiho,
係呀nutra gold, 呢個係網址~http://www.nutragold.com/
cat cat, 你係咪講緊 Nutra Gold? Joe, 可不可以有消息順便通知聲 ? 不過貨源穩定嗎 ? 我驚佢哋啱食嘅時候又冇貨就麻煩, 呢個牌子好似比較少見, 我驚會難買.
sinsinho,
咩日本牌子呀, 咁大劑~~日x?? 三x??
Joe, 其實我好怕同佢哋轉糧, 試過一次買咗包"日本貓"貓糧, 食咗幾日, 個個都嘔到飛起, 攪到成屋都係, 做餐死, 結果成包俾咗第二個貓友, 叫佢俾少少試吓先, 但佢個貓食咗冇事, 重話好鍾意食添 ! 我要俾多個選擇佢哋因為怕食開 嗰個牌子會冇貨, 試過忽然間話要兩, 三個月後先有貨, 都唔知幾徬徨, 又要轉, 又要試, 好似知道Fountain 個牌子你貓豬食咗尿道炎, 當然列入黑名單 ! 唔會買啦, 所以先要諮詢下大家有冇介紹, 預備定, 一隻冇貨有第二隻頂上, 如此類推...免得到時狼狽. 我會考慮試吓 Proplan 同 Solid gold 先, 話晒有人食緊都冇事, 得唔得就遲 D 先知 .
joe,
我朋友個老公喺加拿大做呢隻牌子貓糧SALES, 佢都話好好, 但我唔知香港邊度有SAMPLE攞, 而且我見價錢仲平D, 我都想比"主人"試吓, 你可以話比我聽邊度有得攞SAMPLE??
Cat Cat,Sorry呀,我記錯口左添,之前貓豬都試轉FOUNDATIONS,約食口左一個月就患上尿道炎,所以我以後轉糧咪小心口左口羅.貓豬都係成日唔飲水,又懶唔郁,都唔知佢點搞.我依家會間唔中用針筒謂水比佢飲,令牠可飲多D水.最近有Nutra Gold天然糧試食包 ,比口左D佢試食,佢都好似幾鍾意,唔知呢隻糧是否好,試口下先,所以依家先問D貓友意見.我都如sinsinho 口甘想,比佢多個選擇口者,而貓豬都係咀刁D口既,又係會唔鍾意就唔肯食,真難搞。
joe,
唔係蕃薯仔有尿道炎, 蕃薯仔飲好多水架, 所以佢應該唔會咁容易有呢d病, 係Garfield仔先真, Garfield仔成日唔飲水, 又懶去廁所, 所以咪耐唔耐都有呢個病, 但自從轉咗solid gold呢D天然的而且確佢哋少咗病痛, 不過成日斷貨, 所以間唔中比natual balance佢哋食, 不過冇咁開胃, 因為佢哋依然留戀solid gold隻味道~~
proplan佢哋食咗好耐都無乜問題,而我家中最大年紀的都有十多歲了,當然適合我家的未必一樣合諸位貓友家中大爺的口味和狀況,參考吓囉。
不過我都懷疑給幼貓吃的高蛋白質貓糧應該係幾香,其他貓都吼著骰仔的食物,但只有米米大模斯樣搶過去吃。
關小姐, Proplan 可以嗎 ? 有冇高齡低熱量架 ? 因我個大仔已經9歲, 其餘都有7 , 8 歲, 依家全部食緊高齡草本貓糧, sales話係天然喎 ! 店員重話 Proplan 唔係咁好, 叫我買呢隻, 但我都想佢哋多個選擇, 而且信店員不如信貓友, 個大仔好咀刁, 唔鍾意就發脾氣唔食, 試過轉糧幾日唔肯食嘢 , 個肚扁晒, 終於要食返原先嗰隻, 都係買少少試吓先 .
Cat Cat,你D仔女都係食緊solid gold呀,之前聽你講過蕃薯仔都有過患尿道炎,佢食
口左都OK嗎?
魚仔乾口既威力都幾大口咼,不過貓豬呢排又轉口左口味唔係好鍾意食魚仔乾, 我都要學你出口下計仔先得, 唔係咪要獨守空房,唔制呀!
Joe,
你試吓比solid gold佢食, 天然糧, 唔錯架!
你唔恨得咁多喇, 我噚晚比魚仔乾佢哋食先厚待我~
Cat Cat,嘩!我都想呀.口奧!真係恨不得呢.
貓豬佢個次患尿道炎,初時都以為係尿結石,check過晒知道唔係,醫生懷疑係佢食D糧唔口岩,又或是少飲水,要牠轉處方糧,佢唔肯食.個次至今我都係比pro plan個隻泌尿系統雞肉成貓糧佢食,但係已經食口左差不多兩年,唔...佢食得慢和少口左好多(或者佢有D食厭口左),所以心思思想同佢轉糧口羅.其實我都知呢隻糧係低鎂(0.75%),對雄性成貓尿道問題是好的,無奈貓豬又這樣,口矣!佢真係無關家貓口甘好,嘜糧都肯食呢.
catcat,
幸福呵~~~幸福!!!!!!
噚晚終於得到佢哋嘅"寵幸", 仲要有3隻咁多, Borgee, Miu Miu & 蕃薯仔, 3個"主人"圍住我, 過咗一個溫暖嘅晚上~~
靚仔佢以前都係尿結石, 做過2次手術架啦. 食過一排處方糧. 不過真係太貴, 頂唔順. 見偉嘉都話有預防尿道結石配方就比佢食. 但係好多人都講偉嘉好差, 而且發覺佢D味越黎越臭..... 所以想同佢轉糧. pro plan 去睇睇先. thx
講真, 米米的行為舉止同我仔仔貓真係好似, 見到米米就好似見到仔仔一樣.
TY
paumen,
哈哈,我問米米可唔可以講佢幾多磅?佢竟然話係私隱喎。等我想辦法映佢三圍先。
joe and zesu,
米米試過尿道有結石,令牠去不到小便,醫生要牠轉處方糧,但太貴啦,幾百蚊一細包,我唔食都唔掂,後來我找到pro plan一隻泌尿系統雞肉成貓糧,效果亦不錯,所以一直食到今日。醫生話雄性成貓多數有尿道問題,咪全部轉囉,佢哋又幾喜歡吃,米米亦沒再番發,可以一試。
米米實在超可愛, 點捨得鬧吖 ! 關小姐真係一個 "慈母多敗兒" 嘅表表者.
係咪"第二期發肉"先真!!???
慧玲姐姐,怎樣的貓餅才對泌尿系統有益呢?是否鎂含量要低,或是有其它成份呢?旦白質多少才算高(或是合理),可否講解一下&關家貓食什麼牌子呀,因我貓豬曾患尿道炎,所以想佢食D口岩口既貓餅&想了解多D呢.
米米確係肥美,但佢擺口左個咁可愛口既甫屎"霖"人,點會鬧佢丫,哈哈﹗
我想問佢地係食邊隻貓糧?? 我想同靚仔轉糧.
都話貓最聰明啦!
請問米米暫時幾重?
米米總是這麼可愛呢