香港故事之[麥]記驚嚇篇
在鰂魚涌柏蕙苑m記的一個星期五晚上,囡囡為了取得玩具,便把開心樂園餐作為她的晚餐,我們坐在近門口的位置,記得當時還沒有裝修到現在的模樣。枱與枱之間比較接近的。我與囡囡聽到隔鄰台的兩男一女的對白,但其實又頭到尾都是得一把女人聲,響遍整個m記。我真後悔沒有拿出手機來拍下呢!嚟番一個m記亞嬸,可能比巴士亞叔還要紅呢!
原先係一對男女佔了一張四人枱,後來有一個男人走了入嚟。
亞嬸﹕「喂! 仲咩你個頭咁油㗎! 仲咩唔洗頭呀?」
亞叔﹕「你哋咁早呀!」(有點像大口清,不過大口清靚仔好多)
亞嬸﹕「我問你呀!你仲咩唔洗頭呀?」
(聲線之大足以響整間M記,囡囡一邊吃,一邊聽到呆住了。)
突然,
亞嬸大叫﹕「靚女嚟啦!」
我偷偷望了一望,真係唔望由自可,一望就差點想把M記的包都噴出嚟! 我見到一個身穿紅衣類似[朱咪咪]嘅物體進來。
於 是兩pair人就係到淫聲浪語,因事發距今太久的關係,我也記不起他們說過些什麼說話,只知道他們的關係曖昧。
我與囡囡臨離開前,那個大聲嘅亞嬸像M記嘅公關咁,連一個經常在M記的婆婆都聊了兩句。(查實佢哋係唔認識的)
過了一個星期後的一個星期六中午。一個亞叔坐在鄰枱。突然一個亞嬸一個箭步,便坐在那個亞叔的對面。
亞嬸﹕「喂!我買左件衫比你個女呀!」
亞叔﹕「我個女大把衫...........。」
亞嬸﹕「我買咗四十八呅,一人夾一半啦!你比番廿四呅我。」
亞叔﹕「我都冇叫你買嘅........」
亞嬸﹕「比廿蚊我啦!我午餐都未食呀!」
亞叔﹕「冇呀!唔比。」
亞嬸﹕「比拾呅我啦!」
(聽他們的對話,他們既不是夫婦,但關係都好曖昧)
最後這對亞叔亞嬸雙雙離開,去邊?我都唔知,不過大家咁聰明,都應該知道佢哋會去邊。
六百九十九萬四千五百萬個香港人,寫下六百九十九萬四千五百萬個香港故事!人生百態!人生百態!
教養一個小孩不易呀!加油吧!