勁辣派甜甜掌門(北角雞蛋仔)

唔知道係咪年紀漸大嘅緣故，筆者與太座不約而同覺得宜家嘅傳統街頭小吃，好似碗仔翅、雞蛋仔等冇以前細個時咁好食，恐怕再過多幾年會失傳。北角雞蛋仔嘅威名筆者聞說已久，現在更搬到附近住，筆者當然唔會唔入「城隍廟」啦。

每次路經此地，只要有營業就一定有一條人龍出現，實在係一奇景。呢度一底雞蛋仔比別處貴十至二十巴仙，一底十二蚊，兩底平啲共廿二蚊。味道方面，此雞蛋仔嘅蛋漿雞蛋味比一般的濃，熱騰騰的，老遠也聞到香味。雞蛋仔表面焗得香脆，而最重要嘅就係裡面底部軟綿綿，有一層比較厚嘅、剛剛好變成固體嘅蛋漿。要做到呢一點，落蛋漿嘅份量一定唔可以偷工減料。紙袋上一個個嘅小孔用嚟排水氣，使雞蛋仔能更長久地保持香脆。

此雞蛋仔令筆者勾起不少童年回憶，亦可能係香港現今可能碩果僅存，最接近兒時回憶裡的一塊熱騰騰嘅雞蛋仔。

地址 : 北角英皇道492號

(from Openrice.com)