我有神經病

今日外出期間聽到以下一段對話而當時有這樣的反應：

男：嘩！ 靚咗咁多嘅！

女：喺呀！ (我放眼望去，女的樣貌一般，似未夠得上稱靚；就算真的很美，無論如何也不能如此自大吧！)

男：靚咗咁多，真係唔認得！

女：裝修過呀！ (我用極速向她全身上下進行描瞄，心想她有的我也有，我有的比她好！)

男：好靚，完全唔同晒！ (我在納悶…….？)

女：過年前大裝修，枱椅也是全新的。

原來女的是一間食店員工，正站在店外和一個可能是相熟的顧客聊天，店舖看來經過粉飾不久，窗明几淨，燈光閃亮。

一邊走一邊失笑，暗忖自己是否有問題…….. 肯定是神經病！