美都餐室
2009/02/26 14:12:17
網誌分類:
九龍區
(2009.2.22) 憶童年食品
忙了差不多整個下午之後,朋友終於在廟街玉石市場覓得心頭好,可以歇一歇了。太座提議到附近嘅美都食番一個遲來嘅下午茶,筆者及朋友亦附和。
對上一次嚟美都已經係差不多兩年前嘅事,當時係食晏時候,嗌咗個馳名嘅焗骨飯。呢次嚟嘅時間比較尷尬,筆者無什胃口,只有陪飲奶茶嘅份兒。太座與朋友則各自叫了一杯紅豆冰及西多士共用,這兩樣嘢亦係美都出名嘅東西。據太座所形容,紅豆冰選用嘅紅豆大大粒,而且粒粒都有嚼勁;紅豆冰亦不太甜,食完之後唔會有甜到漏嘅感覺。西多士蛋香十足,在老遠處已經聞到,蛋醬亦慘入麵包入面,配合牛油、糖漿等配料,使太座與朋友可暫時忘卻心口以下、大腿以上嘅煩惱。
紅豆冰十七蚊一杯,全部共銀六十三蚊,以下午茶價格嚟講偏高,不過何妨一試呢?
地址 : 油麻地廟街63號地下
回應
(0)
我要發表