睇樓=買樓??

2009/02/27 01:33:00 網誌分類: 睇樓專輯
27 Feb

睇完亮賢居示範單位之後,有很多感覺

第一感覺,好正, 好抵, 好想買...內部設備不惜工本,豪華, 有氣派, 價錢只比隔鄰港灣豪庭貴$500-$1000尺, 但新樓包名牌家具, 電器, 空中會所, 超值....

回家後第二天, 一般想買, 環境痳痳, 後面街有殯儀館, 前面有中學,行去南昌港鐵站條路有好多乾狗屎, 邊邊好多舊唐樓, 重建會好大獲, 前面被港灣豪庭擋晒...再去奧運站, 行左15分鐘, 條街好污穢, 不過有好多食肆同千色店...

再研究後, 而家失業率先開始升, 樓市走慢股市半年, 股市而家又唔多似見底, 而家平, 唔代表明天平, 而家份工賺1萬唔代表明天都係1萬, 可能今天340萬買既, 明天240萬買就買到....

總結, 1)很多打工仔買樓得1注, 要供20年, 一買錯, 20年後先可翻身.

2)不要被經紀甜言蜜語所迷惑, 一定要實地考察, 方圓要走最少400米,單位入面既野就算好正, 唔代表你一定要買, 外在同樣重要, 你有錢放30萬裝修, 內在一樣可裝修得好正...如果外在環境唔得, 你放多多錢都改唔到.

3) 會所問題...會所就算幾靚都好, 如果你唔玩gym,唔打桌球, 唔游水,唔用佢, 咁幾靚都無意思, 反而管理費貴d,夾錢俾d用既人玩,仲慘...即係唔好單睇外表, 而係諗清楚自己想要d咩,層樓俾唔俾到你既需要

回應 (0)
我要發表
user