對美的培養

2009/03/07 01:33:38 網誌分類: 生活

07 Mar

松兄談起看拍賣展. 聯想到對美的培養.

我對古碗,唔多明白, 但十分喜歡現代油畫, (印象同寫實都愛). 都喜歡中國水彩畫,但對黑白水墨畫唔多懂欣賞.

今天到香港利X公司做些事, 看到牆上掛滿現代油畫真跡, 有中國,及越南畫家, 是有小小名氣,但未大紅的畫家. 令寫字樓,有一種高雅,一問之下,原來是主席夫人馮夫人,親自選的, 大小全公司2-3層, 小說有200-300 張. 像一個畫展.

是4-5年前大裝修買的. 我看己升值不少. 以畫工,就算是未出名,都要5-10萬元一張,如果是出了名,他日一百幾十萬都唔出奇. 馮夫人是一個有品味,有腦之人. 做生意是投資, 滿室好畫,都是一個兩全其美的投資.

正正好像早前注意到甲級商場,或圓方,大堂之插花及佈置,或高檔店舖之陳設,形態都十分優雅,原來同的一花一草,可以如此安排,高低有緻,又來得與別不同. 豈是日常街上所見.

YY太暗暗想,OLD RICH的人家,不單有好的理財訓練,而且都有好的品味體會,眼光,生活於優雅的環境,見的都是有藝術,美學的東西,自然要求,喜好都會流露出來.

我想與孩子多看看優雅的東西,如圓方, 如畫展走走,對孩子的眼光及培養,都會很有幫助. (當然與此同時,要孩子到貧窮的地方,條件差的地方, 讓他們明白,幸福不是必然,與及助人,分享是德育訓練的都是必須部分.)

YY太.

回應 (6)

我要發表

2009/03/17 22:25:59 回覆

dog兄:

"我和女兒, 老婆, 每個星期都玩大富翁或鋤大D", 咁開心既. 投資, 遲早都會識.

k既童年, 都有唔少時間係麻雀台同鋤大D渡過, 不過當時係真金白銀賭, 最有趣係爸爸媽咪佢地次次開兩台都差一隻腳. 我記得都同YY太講過, 我6歲就識打麻雀了. 佢地係小賭怡情, 一班細叔伯一齊玩那種.

紅酒? wow. 聞下, 好....我又係好細過已經識飲酒, 又係爸爸叫我試啤酒,白蘭地,威士忌佢話女仔唔可以唔識飲酒.

諗落佢地都幾得意. 而我亦乜都識少少. 呵呵. {#icon9}

2009/03/16 22:50:02 回覆

亞k,

我和女兒, 老婆, 每個星期都玩大富翁或鋤大D, 還用spreadsheet記下賽果, 已數年了。

暫時大富翁小女兒第一, 鋤大D我第一。投資? 讓她們自己領會吧!

我還讓她們嘗紅酒, 嘻嘻 ... 先由聞開始。

2009/03/16 13:45:13 回覆

yy太：謝謝您的鼓勵。

原來你們都有這么豐富的日鋕！

我要趁著這個假期，

努力向你們學習。 {#icon87}

2009/03/14 20:41:00 回覆

yy太, dog兄:

我記得讀大學時, 我地要讀其他科既elective, 我記得讀左一個course, 係請外邊既專業工作者來教, 講現代藝術, 即係pop art, 191幾年開始既外國晝.

到今日, 我都仲記得講過既晝同晝家, 有時去餐廳或書展見到, 都好開心, 反而本科所學既, 就9成9唔記得.

所以如果可以, 就讓小朋友認識多些唔同學科同領域. 擴闊眼光.

我近日同A講, 如果我地有小朋友, 我就一定教佢投資, 同期指期權買賣. A話咁小朋友就無左童真, 小朋友應該要玩小朋友既玩意, 同無憂無慮過童年, 讀書唔好太差就OK. 我就麻麻地同意, 話晒我同佢都讀左唔少書, 既然未有共識, 就繼續等啦. {#icon9} k

2009/03/09 23:53:25 回覆

DOG 兄,

我想,懂得欣賞美的東西,生命都會美一些.心境好一些, 再做力會高, 但一定要有好的價值觀, 懂得欣賞唔一定要盲目擁有. 可以是一種推動,但不可是虛榮.

一個人可以不十分富有,心可以有高雅的品味或質素, 但一些人可以很富有,但容俗不堪,(暴發戶), 見識令人生豐富.

很好您有女兒,可以給她們教育,給她們選擇. 其實最後,她們選好的,或不好的,不重要, 最重要是有能力,及條件去選, 是自由. YY太

2009/03/09 23:26:45 回覆

對女兒也是這樣說, 審美眼光和欣賞能力很重要, 終生受用呀!

眼要能看, 耳要識聽, 口要能嘗。

當然, 甚麼是好野一定要識。

可以的話, 給自己選好些的。