貓私語——金融海嘯下的Laughing哥
2009/03/20 08:45:14 網誌分類: 寫作 20 Mar
Facebook上載了一隻等待被領養的貓叫Laughing哥，跟Kidd非常相像，性格太溫馴了，相信是被人養了好一段日子後被遺棄街上的。幸好被照顧流浪貓狗的朋友發現，否則牠很難生存。 這陣子太多人遺棄動物，好心的就帶牠們到領養中心，更多是拉到街上就算。大型犬隻更是重災區，例如金毛尋回犬，有領養中心已收下幾隻，牠們的主人不少是家中經濟環境驟變，人都未必有飯開，動物於是率先成為緊縮開支下的犧牲品。 太平盛世時，牠們或許受萬千寵愛，做一個Spa動輒上千元，一件衫仔又幾百元，但這只是人加諸動物身上的消費。近來貓沙貓餅又加了價，但我計算過，扣除牠們突發性頭暈身㷫的醫療費用，我家九隻貓每個月支出，不過一千元左右，況且動物要求不過三餐一宿，和你對牠的不離不棄。 現代人或許已不當承諾是一回事，當人想找個伴，想排解寂寞時，動物克盡己份提供了，一句「甘苦與共」，這要求是否很過份？ 關慧玲 
cat cat, 有時天氣唔好, 例如潮濕 , 熱, 佢哋都會冇胃口, 加上你 d 新罐頭咁吸引, 幾大都留肚喇 ! 妳今晚早D 返添呀 , 唔係蕃薯又咬妳架喇 !
試過有一年好悶熱, 晚上都有成30度, 我一放工返到屋企, 見小米瞓係張床度, 眼光光, 呆晒 , 叫佢同摸佢都唔應 , 嚇得我吖 , 以為佢中暑 , 摸真 D 又無發燒, 見咁焗咪開泠氣降吓溫先囉 , 間屋一陣涼咗, 佢先慢慢起身 , 原來係太熱 !!!
自此之後 , 一到夏天我都唔敢夜返, 要早 d 返去開泠氣 俾班大帝 , 張電費單嚟到就不得了 ! 
Cat Cat,蕃薯仔唔會病口左丫嘛,妳今晚要早D返屋企睇口下佢先得呀,有無口野都話我口地知丫.
我都有興趣呀,不知還有位嗎?我的e-mail係poonls@hkucc.hku.hk,有資料話我知丫,thank!
sinsinho,我4/4清明節(星期六)要去拜山,去唔到呀!星期日都想去參與.至於學寵物課程,我睇口左好多都係狗狗美容居多,而動物傳心術都有上網八過D資料,學費真係都幾貴,有考慮是否適合讀.唔…再睇多D資料先.
sinsinho,
4/4清明節都要返工?? 都幾辛苦~~ "班老細"有個咁好嘅"員工"都幾幸福~
http://www.hitec.com.hk/tc/event_popup_c.php?id=208-寵物博覽資料
今日蕃薯仔比平日有少少唔同咗, 佢今日竟然遲過我起身, 有D擔心, 又唔扭我比水喉水佢飲, 又好似無平時咁黐身攞嘢食, 雖然最後都有食, 我又放佢出門口玩咗一陣, 見佢好似開心番D, 唔知係咪噚晚11點幾我返屋企比佢食過宵夜, 佢又見我買新罐罐, 一心諗住留肚食罐罐, 今晚早D返屋企破例比罐罐佢食(通常假日先有得食罐罐)~~
Joe, 妳會唔會去Cat cat 嗰度幫手做義工 ? 星期六我要返工唔去得, 星期日就可能會去參與 , 係呢 cat cat, 可否告知我開放時間 ?
寵物課程 ? 妳係咪指動物傳心術 ? 聽講學費幾貴 ? 但唔係太清楚邊度有得讀 .
Caroline , 咁耐冇消息嘅 ? 芝麻糊有冇扭計呀 ?
cat cat, 我當然明白喇 ! 但有時唔擔心得咁多 , 妳睇miu miu , 貓豬得你同阿Joe 收留幾幸福 !! 有貓嫲嫲織冷衫 , 就算佢出街賴尿妳都重係咁鍚佢 , 阿Joe 重親手做斗蓬俾貓豬著 , 真係自己都未有得著呀 ! 重有大佬, 雞仔, 當然唔少得成班關家貓喇 !! 關小姐放咗工重要週圍撲貓糧, 班大帝重響屋企大覺瞓 !
我知道妳擔心貓貓再遭遺棄 , 大家要明白對待動物應該本著 "尊重生命, 不離不棄" 的精神 , 但畢竟我們力量有限 , 只能夠在此祝福 Laughing 哥嘅新主人可以給他一個溫暖的家..
Sinsinho, 我係擔心佢哋比人"玩完即棄"咋~
Joe, 嚟緊我會參加"香港貓迷會"義工4/4(sat)-5/4(sun), 地點係-九龍灣國際展貿, 你有興趣嘛??唔知仲有冇位?? 留e-mail比我, 我send啲料比你~
Sinsinho,我都鍾意佢呀,依家佢搵到新主人,希望 Laughing哥的新主人會對佢好啦,
願牠生活開開心心.
我想參預有關貓貓的義工活動,有介紹嗎?and 我想收讀一些寵物課程呀,有資料嗎?
Cat cat, 其實Laughing 真係好靚 , 佢叫咩名都會有好多人鍾意, 起碼我就好鍾意佢 ! 可能同我寶寶一樣係黑白色掛 , 唔明白主人點會捨得唔要佢 ? 養咗咁耐都有感情架 ? 點解咁殘忍呢 ?
只希望 Laughing 可以盡快適應新主人同得到幸福 !
這真是一個當紅為牠們找到家的名字嗎??
孝哥、芯姐、立文、悠悠，同一胎的兄弟姊妹，一對領養優先
來歷﹕http://hk.myblog.yahoo.com/olausen-lisa/article?mid=25876
待領養黑白蒙面貓"Laughing" (12/3/09) 已被領養
關小姐, 其實正如阿Joe說 , 貴有貴養, 佢哋嘅費用或多或少都係由我哋控制 , 但唔好以為俾 D 不知名嘅平價貓糧佢哋食係慳, 有事睇醫生條數重大呀 !
自己又心痛 , 何苦呢 ? 我曾經聽一個義工講過 , 餵街貓要給他們質量好一點的貓糧 , 因為她說如貓量質量不好, 吸收唔到足夠營養, 就會唔夠抵抗力, 好易病 , 但有病未必可以有人帶佢去睇醫生 , 咁就會好危險 ! 其實我只係回應關小姐話嗰 D 上千元嘅Spa, 幾佰元嘅衫仔吧 ! 我在想 , 愛他們係用心去愛 , 呢D 花巧嘢實在可有可無 !
好似妳養貓爺每個月平均每個用壹佰元左右, 我都差不多, 咪當買少件衫, 做少個 facial , 去少D 街囉 , 同佢哋係屋企玩, 佢哋重開心 !
不管日子有多久, 我相信我與他們一定會甘苦與共 !
catcat,
laughing哥有歸宿太好了，最近不是有套貓咪咕咕的電影嗎?是好得意架，但我都在擔心會突然多了好多沒有細想過責任的人養貓，寵物店見有市場又會大量繁殖，熱潮過後回到現實，恐怕會有很多貓被遺棄呢。
"Laughing哥"已被人收養了, 不知道是這個名字的關係, 導致牠被收養的原因, 我並不喜歡這樣, 每逢電視劇興咩, 羊群效應都會跟隨潮流去, 但熱潮過後, 又會有很多後遺症產生, 早前"當狗愛上貓"紅了唐狗小巴, 曾經有段時間很多人爭相要養唐狗, 同樣地當劇集完結, 亦是牠們被遺棄的日子, 理由簡單或沒有理由下棄之不顧, 我未敢想像"Laughing哥"的下場, 我養貓沒有跟隨大隊, 只是緣份安排之下跟Garfield仔, 蕃薯仔及Miu Miu相遇, 雖然Garfield仔間唔中都會床上或週圍大便
, 蕃薯仔每日都會呼喝我餵食摌大小便 
, Miu Miu出街癩尿 
, 通屋或成身貓毛, 雖然麻煩多多, 但到目前為止, 我仍未有想過遺棄佢哋, 仍然想有機會時養多一隻貓, 我不是想破關小姐紀錄, 反正以前都係6隻貓, 多一隻貓支出沒有多大分別, 但就熱鬧/快樂多多, 我想問:如果"Laughing哥"有以上嘅麻煩, 嗰位仁興會唔會唔要佢?? 我好似沒有為牠找到家高興, 反而撥冷水, sorry!!
各貓友：
JMAMOMO 說得對, 我們對動物的承諾, 應該是一生一世的，正如我很喜歡有個慈善團體, '流X貓屋'的精神, 只要貓貓進了家門, 無論牠有日老了, 有什麼病痛, 甚至殘障或脾氣不好, 義工們也會對牠們不離不棄, 跟牠們同甘共苦, 盡力愛錫, 照顧牠們在貓屋終老, 如果每個養動物的人, 都有這個 '心', 牠們便有更大的幸福了, 反而, 是否把牠們看待成家人不重要, 因為現在的人, 親情, 愛情, 友情, 最後也敵不過人本身的自私呢! 不是有人可以無人性到, 為了錢而騙父母出售單位, 最後令老人家無依? 我也不想在這個愛心blog寫這些, 但既然大家是朋友, 便很想互相分享, 出發點都是為了牠們的幸福嘛.
sinsinho,我都認識一個女人, 因為想買一隻新貓, 而先將原本的貓給了人, 慶幸新主人都很愛錫牠, 這些人根本不應養動物, 別讓我見到牠, 我怕我忍不住痛罵她!!! 壞人!!!
Sinsinho,邊間寵物店為口左做生意搵錢,做D口甘卑鄙口既事呀!個位主人和那寵物店的行為都好劣口者﹗
真有同感,人在寂寞時想找個伴,牠們陪伴左右,聽主人講心事,承諾甘苦與共,養佢口地一生一世.現在就茂然將牠們棄之不顧.其實平有平養,貴有貴養,經濟環境唔好,咪試口下慳D口羅,佢口地應該會體諒主人口既.
領養貓豬都係因為寂寞,過得唔開心,自己又無嘜朋友傾講.我養口左佢之後開心口左,唔理D會令自己唔開心口既人和事,佢口既出現對我真的好重要,牠尤如我家人又是我知己,我就唔會捨牠而去.嘜其它主人又捨得嗎?(唔好意思,要你口地聽我發口翕風添,悶親呀可,sorry)
吓，唔係吓嘛，咁都得？我好想好想好狠毒咁鬧嗰個換貓人呀！！！
但不想在這個愛心Blog寫這些東西，唯望愈來愈多人關心動物權益，不再遺棄牠們。
sinsinho,
如果生出來的仔女不夠靚，是否可以換過?真悲哀。
關小姐, 就算唔係金融海嘯 , D 無良主人咪一樣用 " 莫須有 " 嘅罪名遺棄佢哋 ! 我曾經行過一間寵物店, 見到有一個成貓好唔開心咁坐喺玻璃櫃內 , 我相信他至少超過 一歲 , 我好奇問店員 , 佢話貓貓係主人放喺度寄買, 點解 ? 因為主人睇中店內另一新貓 , 咪抱咗個"新寵" 返屋企, 將屋企養開嘅"舊愛" 出售囉 ! 係人都知幼貓可愛, 但佢哋嘅黃金時間實在短暫, 就算未至於年老色衰 , 但仍然不敵 人類貪新忘舊嘅本性 !
可恨是寵物店為了做生意 , 根本妄顧小動物嘅感受 , 實在可悲 !
關小姐,
完全絕對百份百同意你所講，和自己一起居住的動物，等於自己的家人，難道自手緊時，會將阿媽或仔女掟出街嗎（可能真的有也說不定）？動物有感受，怎可以把它們當成是一件傢俬或擺設，流行時就一人一隻金毛尋回或龍貓，然後又以千奇百怪的理由將之捨棄，唉～