賤上加賤
一波未平,一波又起
正當奧巴馬大聲疾呼AIG高層應退還花紅,甚至不惜用行政手段向收花紅者徵重稅,講都講到嗆親之際,最先搞衰美國經濟,亂咁借錢俾人的房利美同房貸美又「玩嘢」。佢地居然宣布會向過百員工發花紅,話要「留住員工」云云,而且「是必須的」。這些員工包括年薪超過五百萬港元的營運總監威廉斯,他將會獲發超過四百七十萬港元的花紅!
房利美剛剛向政府要求一百五十億美元援助,原來係想將公帑放入自己袋。「留住員工」?簡直係天下第一大笑話的借口,房利美及房貸美的員工,犯了這麼大的貸款判斷錯誤,出面機構搵邊個請佢地?仲有呀,佢地宜家保住份工,全賴政府注資拯救,如今繼續享高薪厚祿之餘,居然仲咁斗膽用最荒謬的理由拿花紅,呢種事真係外國地方先會發生,因為華人仲會有「廉恥」二字。
奧巴馬在法津上有無辦法阻止,大家可拭目以待。但我建議任何商界人士入行前都先要上Ethics課程,而且要考試──營商也要有道德!