暫別了, 熊巿~

有學者話, 250天係牛熊分界線, 但我就覺得,

熊巿結束係由於引起熊巿既事件得到解決,

好似03年既沙士咁, 病毒CLEAR 左, 股巿就會慢慢復甦

-----------------------------

今次金融海嘯既最大既源頭, 就係由於樓價下跌,

引發次按毒資產爆破, 從而令雷曼倒閉, 令經濟衰退,

令失業率上升, 令資源泡沫價格爆破...

------------------------------

如今政府買了有毒資產, 換返D錢俾銀行做正常借貸,

而資源價格回落至低位, 裁員潮亦接近尾聲(我指USA),

樓價同新屋動工亦回穩, 所以, 我唔敢話股巿好快會回升,

但似乎已經見底了, 後巿似乎會開始慢慢試高位,

然後黎一個大調整, 再反覆造好~

--------------------------------

死左隻熊証, 過幾日執返條屍…唉~變到呢幾個月賺既都打個和…

算LA~抵自己既~~叫人唔好入自己又入,

好LA, 依家開始步署中線投資, 目標股有: 1398, 2628, 83,388

後兩隻係新加既, 因為如果股巿回升, 成交量一定會增加

港交所 係$70 以下可以入第一注, 睇下今年上唔上得返$90..

至於信置, 係地產股中比較正面評級既一隻, 佢土地儲備多,

股價比資產凈值有好大既拆讓, 所以唔錯^^