投資初哥守則 (第二版)
投資初哥守則 (希望新手避免犯錯, 老手請勿見笑) 1) 先要分清投機與投資的分別; 投資是選擇優質實力股, 分析行業前景, 中長線經濟前景及回報潛力, 買進後不用每時每刻花太多時間留意即市走勢, 只需留意大圍經濟, 公司及行業新聞, 較適合有正職, 不能時時刻刻留意大利市之人士 投機是選擇短線有波幅之股票, 牛熊證及衍生工具, 作短線, 甚至即日鮮, 不用刻意分析行業前景, 中長線經濟前景及回報潛力, 買進後必需每時每刻花時間留意即市走勢, 要懂得分析各類圖表, 留意大戶手影, 大圍即時世界各地經濟消息, 不適合有正職, 不能時時刻刻留意大利市之人士 (如是投機人士, 不適合往下看) 2) 定時檢討, 不代表投資 = 死揸唔放, 必要時要懂得止賺或止蝕; 買了股票作中, 長線投資, 有必要間中花時間注意大圍經濟新聞, 行業資訊及公司新聞, 尤其是業績必須小心閱讀. 如果派息回報低於其他(相同風險)投資, 有必要檢討是否繼續持有; 又例如2007年股市大升時, 如市場價格遠高於股票本身價值時, 要考慮止賺; 又例如2008年開始浮現股災時, 要懂得止蝕. 當然, 要懂得何時止賺或止蝕是非常高深的學問, 是要靠經驗及努力(分析及閱讀相關新聞) 3) 定清立場, 嚴守止蝕, 切忌好大喜功, 切忌集中買1隻股票 先要定清楚投資目標, 是長期收息, 或等待價位高於買入價某個%, 或是高於將來價格(future value), 這是一門超高學問, 很多初哥(包括以前的我), 見價格高於買入價20%, 就即時沽貨獲利, 但沽出後可以再升多100%, 心有不甘, 甚至是高追再入…..結果往往一追即跌, 得不償失, 如不止蝕, 往往一鋪清袋. 例子1) 我的低能投資 (新仔必須引以為戒, 你睇完日後同我講番你犯左同一個錯, 無人會可憐你) : 自己在$0.6買了一隻細價股, 到$0.8沽清後升至$1想買番, 再升至$1.2終忍不住手買入之前相同數量股票, 當然要再多貼每股$0.4, 升至$1.3時沒有止賺, 往後跌至$1.2, $1.1, $0.9時不懂止蝕, 更溝貨博反彈, 直溝至$0.5才停, 但仍沒止蝕, 現價只剩$0.15, 由開頭賺變勁蝕, 身家蝕了7成, 人生中最慘痛教訓, 真悔恨當時自己很天真很傻, 簡直係低能!!! 各位可見本人作出了多個錯誤決定, 當股票升至$0.8時, 一定有本身因素支持, 欠缺分析當時股票價值而沽貨….股票會隨著時間, 前景及將來價值而增值, 前景明亮時, 將來價值高於$0.8時當然持有唔放, 直至股價已反映前景及價值才沽; 另外, 買死一隻股票時, 萬一計算錯誤或公司內部出現問題時, 隨時一鋪清袋; 再者, 投資不是賭博, 不是博回本, 而是控制風險下為資產增值, 切不應博反彈回本而溝貨, 這不是投資, 是賭博. 嚴守止蝕, 如本金蝕剩80%時, 必須考慮公司本身問題, 跌一定有原因, 大戶震倉只是原因之一, 更大程度是它變了, 就如股王匯豐銀行一樣, 都可以變，世界經濟環境一變, 咩事都有可能發生, 股票不是你親人, 不必要有感情, 變壞了當然要果斷行事, 如跌20%止蝕, 你還有80%本金再玩, 如果學我, 死守得番15%, 想番身都好難…..以上例子, 如果你好彩賺10次, 唔好彩無止蝕錯1 次, 你都可一無所有. 4) 切忌跟風, 亂信坊間所謂分析員, 大行報告 人是沒有完美的, 人是不可能不會錯的, 所以對於任何專家分析, 內幕資料, 都不可以盡信, 記著, 連"股神"係08年入市都可以錯, 又怎可相信坊間一般的投資分析員呢.....不過, 真正專家的經驗, 一定要參考及自行分析, 他們不可能不會錯, 但他們的經驗及說話, 往往可充實知識淺薄的小散戶, 我們小散要吸取自己及股神的失敗經驗, 多參考專家意見(例如:陸SIR), 從而為自己定立一套投資守則. 5) 學習閱讀財務報告, 分析報告可信性 只有BIG FOUR 四大會計行的報告才比較可信, 安永, 羅兵咸, 德勤, KPMG(畢馬威), 才比較有信心, 如果報告是保留意見之公司, 盡量避免買入, 此外, 要學懂閱讀財務報表, 唔識可請教讀會計既朋友, 學懂簡單Ratio, 例如PE ratio, Earning per share等等基本功夫, 有了基本功, 對分析極有幫助. 5) 盡量買大企業, 不要信任管理層說話 匯豐銀行唔發盈警, 供股之說前後矛盾; 第一天然每年增長, 每年派息, 但董事突然失蹤, 公司清盤 國美黃董事事件, 公司一身蟻 協盛協豐董事網上張掦經濟效益增長, 但最後竟業績大倒退 中信泰富榮智健用自己友, 結果公司一獲泡 以上只是一部分例子, 可見細公司隨時死左唔知咩事, 大D既公司, 好似中信, 有阿媽母公司照住, 起碼重傷唔洗死…..所以有時唔好太貪小公司既爆炸力, 買國企大公司穩陣D, 成功既投資者唔好信晒管理層說話, 亦要控制風險……. 6) 下次待續…………有時間會再寫第二版