又係咁 .\ /.

今晚返工原本都冇事架，心情仲好 good添

因為我已經可以同班“後生”打成一片喇！

到清玲返到嚟都冇乜嘢

只係阿詩話好耐冇見我....打咗我幾下咁 =.="

晶晶見到我....嘻嘻，我問佢係咪好掛住我呀？

佢怕怕醜醜咁唔答我 ^^

今晚終於見到經理 Fiona喇

佢俾我嘅感覺係.......難相處囉

佢都話今晚有D唔同架喇

因為我星期一、二放咗兩日假

今晚第一次見咋！

到兩點幾我好肚餓呀

我同阿詩講話可唔可以take break呀？

佢話清玲搞掂就俾我去

之後冇乜客，咁我咪同阿詩傾計囉

我問佢做乜著條褲著到咁低？

佢話唔通要我咁樣（做埋出嚟）著咩？

我話都係咁著好D，因為睇慣嘛~

點知個清玲拖緊地都搭把口埋嚟叫阿詩唔好理我！

佢同阿詩講「佢係女人，你係女仔。唔洗理佢」

頂！我係咪得罪佢呀？洗唔洗日日都叫其他人唔理我啫？

咁乸黑人憎嘅人我真係未見過囉！

九點幾嗰時都係架

其他人個個都覺得我個樣似二十歲

佢又喺度搭把口埋嚟

超！係咪唔抵得我後生過佢但係大仔同佢個仔差唔多大啫？

唔抵得咪出聲囉，洗唔洗咁呀？

做埋晒D小動作

我呸！

佢搞掂晒D嘢仲衰到自己去take break先

有冇搞X錯呀？

返工我返先，食嘢佢食先？

仲要喺我就嚟收工嗰陣食？

一食就半粒鐘，食完先到我

到我食完都已經遲收工啦！

我要趕返屋企架！我老公要返工架！

黑人憎！