古城（三）
2009/03/26 16:55:36 網誌分類: 旅遊
入住的台州国贸大饭店位于临海市中心最繁华地段，4星，价錢300圓左右。都好干淨。
酒店房间望下去就係市中心崇和門廣場。呢個城市醒的早，早上六点未到，晨运客就逼滿整个廣場。舞扇、舞剑、舞棍、舞手、舞脚、舞腿、舞的認真，舞的潇洒，可以毗美奥运表演，哈！
感染到熱鬧的气氛，我也立即出街閑逛，清晨天气更加涼，但沒有北风呼啦啦地吹，有少少春風的感覺，令人感覺舒服醒神。随便见到一条巷就走進去，总會见到一二檔熱辣辣地早餐等住你。早餐是很丰富的。
早餐一，麻糍：檔主介紹，將的糯米煮成飯，然后用一种石頭做成的锤子用力捣，再做成一块4寸Ｘ4寸厚度為半寸的麻糍，放在平底鍋慢火烘，加一只雞旦几粒葱花，就变成又香又好食的早餐。狼吞虎咽的食完，感覺還想食，但記起少食多滋味，多食坏肚皮的古訓。狠心掉頭走也。
早餐二，春卷：此春卷不同彼春卷，廣東的春卷炸的脆卜卜，一雙快子夹的起，此春卷要用雙手黎拿，餡有肉丝、冬笋丝、香菇絲、火腿絲，芽菜、九菜、米粉等等，面粉皮系冇炸的，似食片皮鴨個种，放在平底鍋稍烘令到有点金黄色，冇油絕對健康，食一只再加一碗豆漿，不捧住個肚返都不可以。
早餐三，餛飩，此餛飩又不同彼餛飩哦，他的餛飩是一層薄薄的皮包一点点加了炸菜的肉，長長的皮在碗中飄，好象海洋公园水母館的水母，好靚，食時感覺軟軟滑滑的，好味，好好味！！
蛋哥，國貿對面係廣場沃
係不係側邊啊？我無發現沃，我通常都係去廣場對面的舊街行。
再有在大陸我係不會進咖啡室、西餐廳之類的地方，他們來香港我會請佢地食西餐。
立冬妹,我在香港無食過散尾雲吞羅。
早餐介快賣晒？呵呵！今日我可以早收工羅。
臺州國貿，我住過呀！
啱啱禽日唸無到個隻點心0既名，就系麻糍！不過我系飯店食，當系飯后0既點心，系甜0既，中間放砂糖。
你有周圍揾早餐食，我就未試過食臨海街頭0既小點。
我記得第一次黎，系同個外國客，到達時系中午，就系國貿對面0既臺式咖啡室食D所謂0既西餐。
唔知間店仲系唔系度呢？
我點餛飩加豆漿啦．香港其實都有散尾雲吞架．
睇嚟我最鍾意係春卷加豆漿，唔該小二哥。