力撐中信泰富

有人話內銀股將會有一兩隻跑出, 不久將來, 成為第二隻匯豐,

但我睇比較難,國有銀行始終受國家控制, 唔會俾佢死,

但亦唔會俾佢爆賺錢...所以長線投資必有利圖,

但唔好指望好似5仔咁廿年會由幾蚊升到百幾,

中石油, 中移動就係一個好例子, 至於中信泰富, 好多分析員都睇錯巿,

尤其沈x洪, haha...係報紙電視都話267一開巿會跌到$7~$8蚊

錯哂! 管理層出現問題, 令公司由賺百幾億變到蝕百幾億,

其管治能力令基金大行擔心, 急急沽貨, 事件中榮主席個女,

榮主席本人同范鴻齡居然一句話唔知就咩事都無, 所以令投資者

完全失去信心, 如今呢兩位"千古罪人"落台, 換上戰績彪炳既"救火隊長"

大家諗唔諗到有咩事件有類似情況??

諗唔到...? 諗真d~~~?

咪就係美國換上一位新總統 - 救世主奧巴馬囉

布殊離開時, 美國經濟都係一鑊粥咁, 點解奧巴馬上台0個刻美股會升呢?

呢d係信心既表現嘛! 無錯中信泰富股價始終會走回經濟層面

但唔好忘記, 佢股價已經超賣左好多, 如果資料無錯, 佢既每股資產淨值係$22

加上 澳元回升, 內地房地產巿道亦有回穩跡象, 再加埋母公司注資概念

$10 入貨一d都唔貴, 如果佢真係跌到沈生所講$7, 我會用一半身世去掃貨~