開心感怀

因欽差大臣之指示,寫一篇開心感怀.

開心之于人,一個溫柔的眼神可能令你開心一日，一句關心的說話，令你時時暖在心頭。係看個人的理解、要求來决定，通常只要將呢方面的要求定低D，甘你感受開心的機會就多D。如果當你時時感到不快樂、不耐煩、煩躁時，要開始問下自己及反省下，是否將開心的要求定得太高，令自己忘記了快樂。

作為母親，開心的源頭當然是仔女每日的成長過程，從出生到慚慚長大，其中所經歷的喜樂。

在我家來說，先生在家最大的快樂是跟個女玩耍、辯論等等......美其名兌"辯論"其實係訓練個女駁嘴，時時在個女訓覺之后見有個傻佬坐在沙發上傻笑，係因為個女先頭反駁佢時有些說話連佢自己都想不到。

我家老爺子(女兒的爺爺)目前最大快樂係個孫放學后返到家甜甜地叫一声"爺爺,我返來了",食飯時辯下今天發生的大小新聞,食左飯之后同個仔老友鬼鬼一起去后巷食支煙仔再辯過。老人家自己有家，但總是靜靜雞進駐我家。因為在自己度同老太婆倆人，靜的可怕，佢話有時訓訓下窒醒，周圍沒一點聲音，仿佛中自己不知身在何處。我家很多時都是歡聲笑語、吵怨巴閉、吵鬧非常。佢總是笑住望住我地，一係就玩埋一起。佢仲話呢種吵鬧聲係一首最好的催眠曲，聽住黎訓覺得特別踏實、舒服。對佢黎講，開心就是這麽簡單。

我係一個容易滿足的人，返到家見到家人開心我就開心，人話家有一老如有一寶，我有十年無煮過一餐完整的飯，因為我奶奶幫我安排好曬，就算佢不在我度都會遥控處理。我出差有人幫我看住個家，我不用記掛，不用擔心，我.......so happy啦!!哈哈........