全職股民 (1)
最近半年不下數位網友因知我是全職股民, 留言及來電問境況如何. 幾位都是做開的工做不下去了, 或是被裁, 或是頂唔順. 我想依現在經濟情況發展, 會有更多人考慮走這路. 倒不如我試下寫低我的一些意見經歷, 希望可以幫到網友忙.
首先講我不是很鼓勵別人(突別是年輕人)做全職股民, 我也不可以教人點做, 因我絕不夠班, 甚至自覺好多時不知所謂, 不過分享一下, 我也可作一些自我檢討和修正.
也希望可以拋磚引玉, 希望各路高手, 成功的全職人仕可以告訴我他們的經驗和要門.
有趣的是最近也有一位曾是全職的資深網友送給我大家都熟識的四字 “及早離場”, 哈哈, 在陸老師blog 識的老友真好真廣泛.
好了, 從何說起 ? 其實幾位網友都唔好意思問得太真接, 我也有些啞言, 因為唔知人地想知甚麼, 又唔敢話教人.
不如我自制 Q&A.
Q. 你話不是很鼓勵別人做全職股民, 咁你又做 ?
A. 我在此blog第一篇己講過原因, 簡單說也是有點被迫上梁山, 我也覺投資投機是是終生事業, 早學好過遲學. 骨子裏我也喜歡賭博.
Q. 做左幾年, 到底你惦唔惦架 ?
A. 唔生唔死咁啦, 2005 到現在巳有四年, 經歷過大牛大熊大海嘯, 照 陳江挺 (炒股的智慧作者) 所說, 應該是有所成了. 但我現在的資金比四年前只是長了小許. 不過已扣除了我四年來家中的一半使費, 包括要月供一些基金和保險費, 給老人家的一些費用, 只是這些每月都要過萬. 無發達也沒有破產. 唔知合唔合格? 自己講都唔信, 資金曾經雙倍過, 試過每日紙上升六位數, 當然是在 2007年10月啦. 不過大海嘯下, 回吐不小. 保到本都好啦 ?? 唯有咁諗, 唉…
Q. 咁你搵唔夠家用, 無俾大人丙麼 ??
A. 哈哈, 呢樣就真係要攪清楚先, 第一, 你的另一半一定要同意也要對你有信心, 第二, 你的家用問題己解決, e.g. 有租或有息收 or 另一半收入穩定. 記得陳江挺也要依靠老婆收入四年嗎? 李安畢業結婚後六年都無戲拍. 你的另一半一定要覺得你可以先.
Q. 做全職是不是要定每個月搵幾多 ??
A. 好難啦, 打工固定收入的心態不可再有吧. 只可以當自已是在做生意, 有網友說是做小販, 對, 只是買了貨回來, 希望高價賣番出去, 買錯就要大出血傾銷. 三更富, 六更窮. 金錢風險管理好重要. 做生意一樣, 有賺要留作備用.
(待續 … 經歷, 展望 等等)
香港Ben,
你的想法我行之幾年, 反而在大海嘯後, 我有另外體會, 遲下會在續集講.
草兄,
How are you! 做全職股民我自問唔掂, 見你經歷海嘯仍然不倒, 實在敬佩！
小弟有幸在今次海嘯後重新調整方向, 由以前主力短炒改為70%長線投資加30%range trading, 適時在12000-12500點樓下滿倉, 現時已把08年輸的全數賺回並有微利, 我得出一個睇法, 要贏大錢就係要"buy and hold", 短炒只係止下手痕, 根本好難贏大錢！
謝謝各位回應, 本來又想懶下唔寫住, 見有反應加上陸sir話咁辛苦都寫, 我會盡快下一集.
K, 每月回報20%可以, 不過維持就好難, 做股票期權試過幾個月, 但一下心紅又遇上大上落市就嘔凸. 兩年未必一定得, 我想是要經歷大牛大熊都未死先算.
花姐, 牛熊和輪都玩過小小, 但覺俾人搵笨, 無做啦.
金兄, 期權用得好係好玩兼可搵食, 但大前題還是要睇市準, 否則用盡所有花式都係救番輸小D. 我正在檢討中. 期指就真係馬交式作業, 睇灘路而矣.
jovi80, 對唔熟的我會講: 我現在 work from home 做 contractor, 有PC+telephone 就做到野, 依家好多工真係咁架. in fact, 我同家中小朋友都咁講. 熟的朋友, 好多心照了唔問. 早幾年無乜同路人, 現在坐埋夠一圍十二個.
草兄,
Delighted to see your sharing. As you know, I am in the learning process too. Agreed with you that as full time investor, we should consider this as a business. To run a business, not all the time win. At the beginning, we will experience some failures, as far as we put effort to 控制風險, open to learn,review ourselves for past mistakes, improve our investment skills, then 收支平衡, further we can make profit gradually. This is likely the status for all kinds of successful business.
As from your sharing, it proved that you have achieved above status and it tells you that you have "controlled"/ operated your business successfully. Congradulation and keep it up.
However, as per other blogmates comment, it's true that not many people are suitable in this battle field, it's subject to your 性格, 心理質數 and how to manage your business. 再者, 只有少數人可以從股市中贏錢; 不要貪婪並以為隨意跟"消息"買一些number就可輕易贏錢, 此乃大忌.
CCUE
雖然唔係全職股民，但亦有很多可以向你學習的地方… 骨子裏我也喜歡賭博. 這點我都係，有時忍手都忍得幾辛苦
全職炒股心理壓力十分大,收入是一個問題,新朋友問你職業時又唔知點答好...
草兄早晨
謝謝你的分享
等待下一集
草兄，
我十分支持你說的 另一半/家人的支持性好重要。有時無錢自己咪用少d囉，但係無理由要家人/另一半要同你捱。呢個心理關口好難過。
草兄: 加油~ 小飛08年開始玩牛熊, 上半年膽戰心驚要輸錢, 下半年連本帶利搵番~ 09年1-4月平均到達標, 諗住自己學懂了, 但5月做了淡倉被夾, 嘔番出來, 以為自己懂了, 原來什麼也不懂~ haha~~ 係邊度跌底, 係邊度起身
我跟最少三位以上非常資深的經紀討論手上有過百萬資金，能否靠全職炒股每月賺三、五萬生活費當打份工業的。不約而同地，由於他們見到在股票市場、特別是炒期指的輸大錢個案太多，結論係能夠靠炒賣而穩定賺取生活費的人不多，能靠炒賣發達的人更少之又少，所有成功的，都是經歷「交學費」階段、學懂了嚴守止蝕、懂得保存實力的重要性，能夠做到順勢追擊，逆勢休息。對有意全職炒股的人他們都警戒，不要咁快就決定，最好先做模擬買賣，由於模擬買賣壓力細，當模擬買賣肯定能力贏錢，再細細注在市場試試。事實上只有少數人適合靠炒賣期貨或衍生工具賺錢。反而買賣股票比較容易睇到低位入貨，但就算係玩大藍籌，止蝕技巧同樣重要。
至於玩期權，做錯倉例如五月SC162、164或買熊證180被挾倉的人很多，如不能在恆指升勢初期就斬倉，手上又輸倉如何利用LC避免重大損失，甚至利用SP/LP組合、加上移動SC的倉位追求反敗為勝，更不可能是一般散戶可以做到，要靠經驗，按金運用，捕提反彈浪高低位買賣SP/LP組合等等。
草兄認同你所講
反正我女人仔洗費唔大
所以對自己能保本再賺少少 俾自己80分
當然2007年時 可說豐收如今的經濟環境 真係一步一驚心
且戰且走不敢同時間持有多於三隻股份
同時止蝕不要太頻密 可等它升回再決定沽貨
否則白做 有空多來我網家分享投資心得
我不買牛熊 你呢?
草兄:
做全職股民真的唔易,
因為無回報就變成無收入, 同好易變成一日唔買賣, 就好似無做過野, 但就變成係不在一個好時候進場.
我有問過外邊既網友, 知佢炒得好叻, 於是我就膽粗粗問下佢有無諗過做全職. 往職就一定要賺多過蝕, 最少每個月都要最少20%回報. 連續半年都係正回報. 先至好諗下.
而全職最難捱,就是過頭2年, 頭2年係好關鍵, 可以當時市場係大老闆, 你過唔過到試用期, 亦已經大概可以睇到 心理質數與操盤技巧, 是否合適做全職.
佢講既係無另一半支持既情況.
加油.
k