兩個基本買賣策略

2009/05/18 06:49:39 網誌分類: 長線投資
18 May

總結過往兩天的自我認識,跟住就可以講講如果選擇投資工具和使用相應用投資策略。

 

買賣策略基本上只有兩個:

1.    順勢操作、靠價格的上落波幅賺錢。表面上容易,實際上要賺錢,除了要留意市況,最重要講的就是買入的時機,止蝕止賺的技巧。以恆生指數每天三、五百點的波幅,期指按金每張約10萬元,每點$50計,即用十萬每天可以博2萬多元的利潤(或虧損),故此香港股市的確吸引大量即市買賣的投機者。行動型,著重效率和成果,不大理會別人的感受,按規則辦事的,應以順勢操作為首選策略。穩陣型也可以,但要減少投機的次數,在勝算較大時才出擊。

 

2.    耐心等價值偏低時買入,可以賺息,並等待價值偏高時沽出。恆生市盈率熊市可低於8倍,牛市可高於20倍。每次在低於8倍後,可以分注慢慢慢,不失為一個好的策略。領袖型、和諧型由於可以有多方面興趣,其實適合使用價值投資法。投資很奇怪,並不是多勞多得,只要把握一個低點成功以低價買入優質股,回報不會比炒出炒入差。

 

另外,無論什麼類型的人,另一個可以選擇的投資策略就是每月月供,透過「平均成本法」,只要揀好月供的股票或基金,那便完成了投資工作,將心思和時間用在其他地方。

 

記住「各有前因莫羨人」,不要因為一個炒家一天贏了幾萬元,你就跟住炒期指、牛熊證、窩輪、或細價股,其實經常贏錢的炒家一定講控制風險、資金運用、嚴守止蝕、嚴守紀律、再加上運氣。要做成功的炒家,並不是要將自己變成行動型或領袖型,反而係著重紀律更重要。

 

在股票市場贏錢,也不一定靠要決斷快和行動迅速。我認識幾個女士,其實沒有甚麼投資知識,但勝在手上持有現金及有耐性等大跌市,可以好平咁買入匯豐、中石油,低價買入了後輸錢的機會大減,現在能夠穩定收息、都幾自在。

重要提示:本網誌宗旨是讓小投資者能夠互相支持,增加財經知識和改善投資心理素質,以期早日達到財務自由。本網誌一切言論純粹是個人意見或經驗分享,絕不應被視為投資建議, 也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。網友務請運用獨立思考能力自行分析和驗證。一切的投資決定以及該投資決定引致的收益或損失,概與本人無涉。

回應 (41)
我要發表
2009/05/19 17:29:04 回覆

金兄:

今日大巿收巿升穿250天線好多,再加上算係大成交,係唔係真係牛一來臨呢?金兄是否同意Fisher兄所說,如此是牛巿,會是一隻短牛呢?

如果真係牛巿,是否應等一下確定上20000,再次回到250天線才入巿會安全一些?

還是金兄應維持十月會跌巿的看法呢?

謝謝

Ton Ton

2009/05/18 23:45:00 回覆

謝謝 金曹兄這麼晚也回覆^^

2009/05/18 23:36:44 回覆

MUsE#902如果見$4.5,值博率足夠。不過煤價升對電力股不利,發電股只係雞肋。現時聰明資金追資源股、地產股、炒經濟復甦和通脹加劇。港股係唔係已經牛市,一路升上二萬才肯回?暫時好難講,股票市場錢多話事。等到散戶全部睇好撲入市,就要想下邊個沽緊貨。

2009/05/18 23:20:47 回覆

金曹兄:

在這升浪,電力股比較落後,你覺得991,902可有一定值博?

2009/05/18 23:03:56 回覆

G4UAASTOCK可以免費看到恆生指數走勢和成交。Yahoo 也可以。

http://www.aastocks.com/tc/stock/DetailChart.aspx?Symbol=110000

 

花姐,2337用推高止賺位的方法耐心持有,呢個浪唔知可以維持幾耐,換馬未必有著數。

 

牆兄、亨記,好友大戶成功守住16700關口,現時維持大脹少回的格局,直到成交縮減就差不多係見頂。貨多的話跌穿16500減磅。

2009/05/18 21:58:58 回覆

請問金兄,哪兒可以看到每天(及過往)  

HSI的成交量?

謝謝!

 

 

花姐
花姐 2009/05/18 17:37:54 回覆

金兄

問有關2337原先以為要捱價

 

但今日再升

應明天沽了低位再入嗎

謝回應

2009/05/18 16:58:41 回覆

信誠證券投資部經理劉兆祥表示,上周港股先升後回,估計今天港股早段跟隨外圍股市回軟,但只要守在16700點之上,便有機會向上挑戰十天線及萬七關的阻力,而支持近日的升浪,應該是炒本地股份(包括紅籌)回歸國內上市,對這些股份帶來支持(但紅籌因中移稅項事件,對紅籌的估值帶來不利影響,因此本人覺得近日升勢應該以本地大藍籌為主,包括銀行及一眾地產股,至於公用股則恐怕是最後一批炒賣對象),相反國企股有機會跑輸大市。

因此今天應留意16700點,如果在此獲支持,可搏反彈

金兄﹕

what do u think ? not only 16700 find support, 17000 so easy.  Further up ??

2009/05/18 16:49:51 回覆

金兄﹕

現在還算是熊二大型上落市?應如何自處?

henry

2009/05/18 16:43:25 回覆

 

S2000,渣打印度有生意,印度好渣打都受惠。但今次升市總要調整。呢個升浪由3月初到現在,已經去到幾盡。今日炒上萬七,好可能大戶部署6月萬五點或樓下的倉位,大市就算跌佢地都可以全身而退。

 

2009/05/18 16:13:09 回覆

金曹師兄,  多謝提點.  #1800 已在 $10 邊 小小獲利. 等師兄的安全價才入. 再次謝謝.

2009/05/18 16:12:50 回覆

金兄:

渣打你點睇呀

 

2009/05/18 15:57:30 回覆

小潘,資金市無得估,5月大戶係想炒上,講左幾次唔好睇得太淡。

2009/05/18 15:41:25 回覆

金兄

大市突然抽高

係米仲有得玩呀?

小潘

2009/05/18 15:08:20 回覆

LI-LI,現在才入市買中交建有機會捱價見$9.8$8.5應有強力支持。如果短炒要止蝕。短期目唔會太高,$12.3阻力都好大!

2009/05/18 14:41:14 回覆

謝謝 金曹兄回覆. 939我都想收集. 不過我唔識用期權收. 為有希望可在$4.6樓下分注入. 同意好過放全部cash在銀行.

2009/05/18 14:15:39 回覆

金師兄:

謝謝. 咁我下個月既下你既收貨方式. 我依家係用緊月供儲貨,貨可以儲多一點. k

2009/05/18 13:51:27 回覆

金曹師兄 及 各位大大,  午安.  

請問資金流入防守股, 怎樣看 #1800 (中交建), 今日上午小注已入 $9.71.

2009/05/18 12:43:19 回覆

K,真係真係想收貨,就要月初等正股回調就ATM (at the money)即月Short Put。如果正股15號之後先肯回,可以考慮做下一個月ATM。如果想收期權金,咁國壽$22、建行做$4.4

 

 

111,可以每日收市後到港交所望一望期權的大倉位變化。

http://www.hkex.com.hk/ddp/Most_Active_Contracts_C.asp?MarketId=2

 

銀影,廖創成交好少,只能小注。但佢低負債兼資產淨值大折讓,買佢主要係收3%息(好過放在銀行),另外博佢出售創興銀行會派大息,以及上海的地產升價。現時佢係有機會回到$4邊,但亦有機會炒上$6

 

ccb,唔識期權都無壞,最緊要忍得,等股市跌才買貨,就算捱價亦可以有息收。

 

 

包
2009/05/18 12:14:35 回覆

支持金曹大哥 {#2008042814475167.GIF}

2009/05/18 12:06:41 回覆

金師兄:

我都留意緊用short put來收建行.

之前想用來收招行, 收緊都收唔到. 招行一直升點收. 收來收去得期權金.

2628, 我之前有一直SP, 又係想收貨. 未曾收到過.

連HSBC, SP45, 當時趺低過, 都收唔貨.

跟住我得出既結論係, 如果下次再收唔到貨, 即係某程度上, 大户唔肯俾貨我, 我就應該去市場買, 對嗎?

因為我既SP HSBC的例子, 好明顯,

但SC2628 Covered call就被行使跟過. {#icon24}

 

想收貨, 我就試極都唔得, 可能我係定OTM, 如2628就現價再低 1-2元. 可能真係要做ATM先得.

939我都想收貨. 等你指教. K

 

2009/05/18 12:05:19 回覆

金曹師兄

之前zipang 比過http://210.6.99.189/finance/hsi_option_sum.html

恆生指數(HSI)即月期權日誌, 我一d都唔色期權,期恆 , 我想問可以點樣睇大户重倉同平倉位

2009/05/18 11:28:07 回覆

金曹師兄︰

贊成搞網友讀書會﹗﹗

2009/05/18 11:23:02 回覆

金曹兄,

金兄 早前介紹之廖創興 好像跳級上落 是否有異動 望金兄幫忙分析

2009/05/18 11:20:50 回覆

金曹兄~早晨呀~每日都寫一編文出黎比我地~真係辛苦sai~ {#icon15}

2009/05/18 10:47:14 回覆

金曹兄,

金曹兄怎樣用期權收集建行....因為我都想收集建行...

2009/05/18 10:29:59 回覆

金兄好努力筆耕ar,加油! {#icon15}

Henry

2009/05/18 10:27:20 回覆

金曹師兄︰

謝謝回覆,非常期待您講授期權攻略。

抱歉﹗Short put short call我也弄不清楚。

2009/05/18 10:25:37 回覆

ccb,資金似乎走去防守股避一避,如基建及發電股。建行國壽係我長線收集的首選,大戶$4.2接貨,分注慢慢吸,總之在$4.6樓下才買。國壽因豬流感的影響偏軟,可以等回深些少,如接近$24才考慮。現時買貨要細注,保留實力。懂得期權,則用short put接貨,short call出貨。

以後有機會我會重點講怎樣用期權收集建行。

 

2009/05/18 10:18:08 回覆

金曹師兄︰

您好﹗

如果11.00那時跌至16200左右,想博反彈有咩可以考慮?

建行?工行?中人壽?大戶多數會拿邊隻來做後抽反彈?

謝謝指教。

2009/05/18 10:16:14 回覆

10:06am700張大期下破16280支持位,淡友大戶比較積極,小心大市會再急跌試萬六,最好等跌定才博反彈,例如11:00am11:30am。

KenKenKen,即市一定係講期指點數。$50一點,每張期指一分鐘之內隨隨便便已經可以贏輸三、五千蚊。

http://www.gloryskygroup.com/index.aspx?lang=big5

2009/05/18 10:14:49 回覆

金曹兄,

  16280 是指期指?

2009/05/18 10:11:43 回覆

morning 金曹師兄,

老散係夠膽蝕但無膽賺....小弟正是這個心理....最近miss 左一次機會...

2009/05/18 10:10:16 回覆

大家留意。是今日好友大戶定會力守16280,因為若淡友成功破16000會引發大量沽盤,估計大戶希望5月高收,6月則視情況舞高弄低。熱錢未肯離去,可能大戶要在16700樓上高位派完貨才肯回落到萬五、六點。下月比較大的倉位係14400

如未看簡易自我性格分析的網友,請到這連結。如喜歡這篇網誌,請按「我要推介」支持。謝謝

簡易自我性格分析

金曹

2009/05/18 09:59:42 回覆

溫水煮蛙,炒細期輸四百點唔肯止蝕,到輸二千點忍唔住止蝕,一止蝕個市就回,例子好多好多。散戶跟市場氣氛去買賣,大戶製造氣氛震倉、出貨。

 

住家小男人(政见不同请勿拍砖)

金曹師兄︰

早﹗期待金曹師兄的即巿評論。 x2

2009/05/18 09:41:11 回覆

金師兄, 我認識既炒期指期權網友, 通常都係蝕, 留得低係到1-2年以上既真係好少.

我見到D沽左小期, 諗住係小期就唔使止蝕既網友, 都幾令人擔心.

借你既人氣博, 奉勸一句, 特別是炒細期既朋友, 唔可以唔止蝕呀.

Turn your scar to your star. 才有意思 

  {#icon9} k

2009/05/18 09:33:49 回覆

金兄: 早晨!

我係一個典型的小散戶, 整天都在錯誤時間買賣, 結果蝕了不少錢, 這幾年共投資約130萬買股票及基金, 包括投資了usd5000買了"雷曼", 本想保本, 結果連"渣"都沒了. 這是小孩的教育基金都化成灰了.(其他基金本來可賺的, 經紀叫我長投資, 所以我高位未放, 結果變輸(特別是東歐及金磚四國),共蝕了60萬,覺得對不起家人, 我不敢告訴家人.想等以後賺回再還給我先生(其實他也知道我一定是蝕錢, 不過不知蝕得這樣利害)

股票是這樣的:在08年10月大跌市時把大部分07年買的股票賣了;其後在09年3月大跌時又把手上的1/2股賣了, 其間的確有見到過比我賣時還低的股價, 結果不敢再買回, 如:#16----140買, $60賣, 其段跌到處$53未敢買回; #2888----$115買,$89賣了, #1800---17買, $7賣,.....#939---$6買, $3.96賣了, #13--41買, $38賣了, #2823--$$17買, $11賣了, #2628, #22買的, $20賣了, 全蝕, ----好心痛, 以前曾想是長期投資, 可是後來看到股市那樣跌, 報紙也唱淡, 整個心都要跌出來了, 連月供也停了, 所以也就沒有堅持住, 閉上眼不管三七二十一給賣了. 現在看到股市這樣昇上去, 真的好"郁郁不歡"啊呀, 如果現在來賣, 也可蝕少一些. ...............直到今年3月尾4月初又忍不住入市, 買些2.3線股, 拾回了約6-7萬, 可這是遇到大市昇才有的結果, 所以我在4月27(也是跌市)又把所有剩下的股票全賣了,因害怕像以前一樣, 本來可賺, 可一直等到跌"突"才賣好呀, 可是我一賣, 2.3.線股又一路昇上去, 真氣人. 看到您提到的按性格投資,我真不知我是否真的適合投資股票?可不投資的話, "血汗錢"早晚被通漲吃了呀!

請"金兄"幫忙醫治像我這樣的"蠢師奶", 如果我想把剩下的錢, 約70萬重新編排, 我應如何計劃呀?萬分感激.

 

2009/05/18 09:00:22 回覆

金曹師兄︰

早﹗期待金曹師兄的即巿評論。

2009/05/18 08:11:37 回覆

金曹兄,早 {#icon84}

巳推介

2009/05/18 07:49:39 回覆

金曹兄:  您好,早晨呀!謝謝您的分享,好似追劇集一樣,很精彩而實用。您的回歸實在是一眾網友之福,謝謝!

user