評估見頂訊號
股市升跌絕對係非理性的,升可以升過龍,同樣跌亦可以跌過龍,貴的時候很多人追貨,平的時候反而無人敢買貨。如果成功低位入貨,手上已有利潤,怎樣解決在大升市太早出貨的問題?估頂其實係想賺盡最後一分錢的心理,呢種想賺盡最後一分錢的心理一定要戒。買賣要用平常心,當手上有利潤,而對大市或個別股票的升幅有保留,那不妨先套現,就算不是一次沽清也可以分段出貨。那最後幾個價位讓給其他人好了。正如牛腩貓咪網友常講,世上只有一種人知道個頂在那裡,就是「騙子」。
如果自認係長線投資者,買入股票希後望天長地久,傳給子子孫孫,可以利用月供儲貨的方法,或等市場極度恐慌時才入市,切忌在旺市人逼的時候買貨。
評估見頂訊號,有很多方法。但精要在於「要先見到高位出現,等高位回落無力再升,便盡快離場」。陸sir網誌最常見的一成止蝕/止賺是一種容易操作的方法,適合投資新手,即每天收市留意近期的高位,只要從高位回落一成,明天就決斷地止賺或止蝕離場。沽貨之後,就算將來再買回一隻股,已經係新的一鋪,要忘記以前,永遠係向前望,因為投資市場每日有新變化,要隨時因應市況執行止蝕。
另外一個方法係用20日平均線作為止賺位。這算是簡單易用,但遇上急升的市況,20日線離現價非常之遠,如等到回落到20日線才沽貨,可能已失去大部份利潤。遇上急升市況,還是不要嘗試估頂,但要留意高位的成交量是否足夠,如果隻股票升但成交量連續兩、三天縮減,那見頂的機會便大。
走勢圖的裂口上升位置亦非常重要。如果隻股強勢,理應不會短期(幾日之內)回補裂口,當回補裂口後沒有反彈,那止賺位可定在裂口上升之前那一日的低位。
另外評估見頂的方法有跌破趨勢線沽出,RSI三背馳沽出,到達頭肩底量度升幅沽出等等。可以講係形形式式,各師各法。但切記,世上沒有通用的公式能精確的找到短期的頂位,因為買股票的是人,人性難測也。
我用#390中鐵做例子。幾時沽貨離場可以有很多考慮。
‧簡易高位跌一成出貨方法:最近高位$6.5,如收市跌穿$5.85沽貨。未跌穿繼續持有。
‧10日線出貨:$5.74或20日線出貨:$5.56。未跌穿繼續持有,每天收市後再計算新的10日和20日線。可使用AASTOCKS劃平均線圖、免費。
‧裂口上升前的收市價$5.82,收市若再跌穿沽貨離場,如再出現裂口上升便推高止賺位。
‧量度升幅目標價約$7.7,持有至$7樓上才考慮沽貨,最理想在$7.5-$7.7出貨。這是估頂的心態,但會唔會上$7.5並無保證。
‧留意RSI如出現頂背馳,可以假設短線高位已經出現。這亦是估頂心態,RSI呢一浪會否出現頂背馳並無保證。
總括來講,#390技術超買,有回吐壓力下試$6並不出奇,問題係回試支持位後,會否繼續拉升尋頂見$7.5或更高,這是無法預測的。比較肯定的是、如果兩三日內收市竟然能夠跌穿$5.7的話,則好大可能今次升勢完結,有機會要再下試$5尋底。
2009-5-21 即市評論:今日好友大戶力托,補回下跌裂口之後便退守一萬七千一百點。都係呢句,5月係好友大戶話事,追沽要小心。16700係好淡分界,再次跌穿,才能假定大市有機會回調到萬六樓下尋底,上次一跌穿,立刻強力反彈,下次若跌穿唔肯彈的話,就要小心大市已經見頂回落。六月上落波幅會比較大。低位14400,高位20000。
重要提示:本網誌宗旨是讓小投資者能夠互相支持,增加財經知識和改善投資心理素質,以期早日達到財務自由。本網誌一切言論純粹是個人意見或經驗分享,絕不應被視為投資建議, 也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。網友務請運用獨立思考能力自行分析和驗證。一切的投資決定以及該投資決定引致的收益或損失,概與本人無涉。
kam cho bro,
good afternoon. would you pls analyse 700,3968,388?
I have 90% of cash, should I hold cash till Oct when 13000 reach , or divide cash into 10 parts and start to buy under 17000, every d rop of 500 points buy one part?
thank you for answering
yfong,#405收息股,$2應算合理,用閒錢小注等派息,好過放在銀行。#606受惠國策發展生化柴油但現價幾貴,趁機套現,低吸高沽。#1186市旺會在$11上上落落、但PE幾高,熱錢流走有機見$8樓下。
金曹兄早
kam bro
pls analysis 405, 606 and 1186. thx.
Hi 金曹,
多謝你今日篇評估見頂訊號篇.
成日買股都無章法, 而家有 la....
唔知又可否教下咩位入市好?
好似上次5仔大跌到 $33 又唔敢入, 中國建材3323跌到$2銀野又唔敢跟. -.-
細價股方面, 397香港體檢, 上次跌到$0.01跌無可跌, 又無膽跟. 過時買一千落去當賭錢, 今日都汁到笑...
今次升市, 我個蟹倉都重未回到家鄉. 好唔好成羅蟹貨清左佢?
jennyhk,我要先跟雲起網友研究場地和食物。如果太多人要包場,可能要搵妳和daytradegirl幫手做聯絡。
金曹
亞K、kenkenken,
尾市有主動沽盤,期指插穿開市位做了一支陰燭收市,日線圖非常樣衰。今日尾市沽盤的力度比5月13日更強,好友大戶可能要部署6月倉位,如下月目標只係萬八點多些少,5月無需要托得太高結算,好友只要能在萬六樓上結算5月期指,已能大勝。
明天星期五可能會裂口低開,市場氣氛似乎已經改變,暫時睇住16828呢個位是否一插就穿,看看反彈有無力再企穩16828樓上。如果反彈無力,假定會尋底下試16700,再無力反彈,就會幾淡,起碼要見16200。
臨近結算,淡友大戶一定力沽。大鬥大,期指牛熊證散戶要小心可能一分鐘百幾點上落。企錯邊會輸得好快。
金曹
金曹兄
收市後期指大低水...代表乜呢?
1. 尾市狂入put?
2. 尾市狂入call?
3. 尾市平put?
4. 尾市平call?
請作一點解釋,thx!!
金曹兄:
請問我參唔參加得網聚呀?
謝謝!
Stock Beginner
金師兄:
我平晒所有期權倉位,6月遲d先再開.
依家既put 大倉位,係16400, 16600, 而call大位係16600, 17000,18000
今早穿17150,好友拉番上收市.仍然係好倉主導
我覺得除非穿18/5的收市價,16850,否則不應輕言做淡,對嗎? K
金曹師兄,
今早 10:17 am 已經 留咗 聯絡電話 在 你 私人留言中
111,技術指標的用法可以參考以下網站。通常利用價格的平均數,或上下波幅的變化去判決走勢上升或下跌,但大戶亦一定知道RSI及MACD的用法,很多時劃幅圖引你買貨或沽貨,特別係細價股,幾十萬買賣盤已經可以做到假突破形態,所以技術分析可以係充滿走勢陷阱。
http://www.prosticks.com.hk/tech_analysis.asp?page=4
支持及多謝 金兄 不斷指導
金兄
RSI , 同 MACD , 點睇分析走勢圖,下編講解一吓.
JennyHK,
OK,今日截止,預埋妳。好耐無見,妳好嗎。
金曹
ann,我明天用南車分析見頂訊號,請留意。
都係今日答你,南車上升但成交唔配合,嚴守$4.1止賺(高位回落一成最簡單的止賺方法)。臨收市跌穿沽貨離場,未跌穿,推高止賺,量度升幅約$4.8。
KenKenKen,好友依然控制大局,除非他們食夠主動沽貨離場,否則個市仍有機會上試萬八,淡友力守17556,如果再升穿,上升勢會好急,再挾淡倉,不過那時可能就已經係升市水尾了,短期見頂了。
總之睇住16700,未跌穿唔敢睇淡。
金曹
金曹師兄:
網聚請預我一份。
金曹兄....
呢兩日倉位變化有乜啟示?依然係好倉低?
早晨,金曹老師,
我在 $ 4.44 入了1766 中國南車,你覺得短線和長線可以上望多少呢?thanks!
dai dai,銀行無息,可以考慮買高息股。例如領匯#823在$14買入,長線應該唔會點輸,但亦唔會升得好顛。
各位早晨
支持及多謝 金兄 不斷指導
金曹兄: 同樣嘅問題,問過陸sir,再問一問您。銀行幾乎無息,您點處理個人投資組合?請覆,謝謝!
金曹兄早,晨各位早晨. I am a new comer here
金曹兄早晨
各位師兄、師姐早晨
金兄,太好喇,終於等到你出秘笈喇