果汁止蝕&六月展望
匯源果汁止蝕清貨實錄
早前買左少量果汁,睇佢可樂一役後由4.5穩步行上,20天線一線咁直上行,就趁佢早幾日似做完震倉買入。
本來都試過殺上5.7一兩次,無沽,因為相信莊家目標在6元以上。
點知,近兩日常有出乎意料的沽盤出現。今日更睇住沽盤時隱時現,夠鐘就貼住莊家個托盤黎殺。我見莊家已退守,危急時仲加馬去托。我見莊家有護盤誠意,但敵人來勢洶洶,就在莊家托位下一格落一個止蝕盤。莊家托5.45,我SET 5.44止蝕。
結果,莊家敗退,止蝕成功。收市前股價曾被殺落5.38,尾市彈回5.43,股價已破哂位,20小時線+20天線失守。短線內我不再期望果汁有得爆,現在密切留意六月大戶做好倉還是做淡倉。
另外,外父入的莊士,上午急插10%,下午彈回5%。10%插完後價位0.52停在50均線上(忘了是不是日線圖),顯示今日一抽一回,都是大戶刻意做的傑作,而且他們的目標,不止是HSI,更是所有個股都要做世界。
六月期權期指倉位展望 目前估係六月初再爆上18000,然後急轉直下... 單月高低波幅4000點... 這個估算都嚇自己一跳... 不會吧? 但確實,六月期權CALL向上排密到18000點,期權PUT排密到12000點,最重倉PUT位於14400,最重倉CALL在17200。20800C都有倉位,只是不算很強。 六月期權CALL:PUT合約比例是41611:43775,勢均力敵。當時,難分當中幾多是短倉。不過,觀乎淡倉都是五月中下旬開始起倉,六月似係淡倉主導多,因為愈新的合約,愈能緊貼最新市況來做。 由昨日開始,大戶已開始加緊建六月倉位,建倉位在165-173之間。六月未平倉合約29000張,其中18000張是今日和昨日新建。 來吧,讓我們擁抱波瀾壯闊的六月恆生指數吧! PS. 由於六月市況可能極之波動,震倉假突破,然後急插一千幾百點,應該會是六月的家常便飯,大家最好唔好輕舉妄動。個人認為等待均線同陰陽燭有明確信號後才入市比較穩當。 indy