學一學, 試一試

芝士大蝦伊麵，食法近似芝士龍蝦伊麵，但將龍蝦改為大蝦的做法就簡單得多，變成一道在家中廚房都煮到的家常菜。
1. 芝士大蝦伊麵的材料包括大蝦、伊麵、洋蔥、Mozzarella(意大利    水牛)芝士、Parmesan(巴馬臣)芝士、鮮奶、鮮忌廉、吉士粉。
2. 大蝦去腸後用調味料醃一醃，使肉質更彈牙。師傅教路炸物小貼士，拌少許低筋麵粉才炸，可避免滾油四淺，放一粒蒜頭入油更可吸走油中雜質。
3. 用180度熱油炸至大蝦捲曲即可兜起。
4. 伊麵先出水，攪拌灼至軟身即可兜起。師傅教路出水小貼士，加少許油可避免黐底，加少許鹽及糖可保持麵質不變。
5. 煮芝士汁，先炒香洋蔥及元茜，若想增加香味可落少許紹酒。再落水，亦可加清雞湯可使味道更濃。然後落一份鮮奶及一份忌廉，亦可用淡奶代替忌廉。
6. 加少許糊椒粉、鹽及糖調味，然後落Mozzarella及Parmesan兩種芝士碎。
7. 最後用吉士粉加水埋芡，亦可用生粉代替吉士粉，但吉士粉比較香濃具歐陸菜風味。倒入大蝦，若想做到色香味俱全，可加一隻蛋黃攪勻。
8. 將芝士大蝦淋在伊麵上。
9. 用青瓜和蕃茄花伴碟裝飾。
10. 有如大酒樓佳餚賣相的芝士大蝦伊麵，好簡單就做起。