Night at the Museum II ~ 好睇QQ

2009/05/28 23:13:05 網誌分類: 影評
28 May

Night at the Museum 2,即《翻生侏羅館2》,其實主角都唔係隻侏羅恐龍。我睇Yahoo Movie Review,D人話無上集咁好睇。

點知,我今晚睇完,完全唔同意,我認為係「非常精彩」,也很有意思,很妙!

 

先講四大惡人

最差就是四大壞蛋,好求其下,奸得黎無料到,但卻是製造笑料的功臣,因為佢地出場係威係勢,但結果就... 四大壞蛋,包括了埃及法老卡每拉(Kahmunrah)、壞蛋卡邦( Al Capone )、俄國沙皇恐怖伊凡(Ivan the Terrible),以及矮子拿破侖(Napoleon Bonaparte)。

叫拿破侖做矮子,的確有D不敬,但沒法子,電影偏要玩拿破侖的弱點,令他暴跳如雷,製造笑料。四大壞蛋最厲害的地方,是他們手下多,個個都有刀有劍有槍有矛,有大量嘍囉供他們使喚。

至於好人,故事講得好正下!

 

向偉大人物致敬...

每個歷史人物,都講出他們的骨氣。

巨無霸林肯(Abraham Lincoln) ,教主角拉利:「籠裡雞作反,無好結果。」充份表現出這位美國模範總統的正氣。拉利用林肯教的這個道理,分化三大壞蛋成功。但三大壞蛋也似乎蠢得交關,兩三句說話就被拉利搞到鬼打鬼。

沒關係,這是一套輕鬆幽默的笑片嘛!

老羅斯福(Theodore Roosevelt)呢,他正要告訴拉利快樂之道,剛成為CEO的拉利就收到手機電話,通話完時剛好天光,老羅斯福變番雕像。

後來拉利自己悟出快樂之道,跟老羅斯福想說的有些出入,但老羅斯福話:「都對!」

{#nightatthemuseum2-5.jpg}

*羅斯福讚拉利做得好,我也想被羅斯福讚下喔QQ

最感人的兩個小人物,竟是美國牛仔謝迪(Jedediah Smith),同埋羅馬帝國元首屋大維(Gaius Octavius)。上集這兩個大人物的迷你模型公仔,不打不相識,做左好朋友。今次他們倆繼續表現出男人之間的患難之交和豪氣。

最動人一幕是屋大維為救謝迪,單人匹馬馴服松鼠做自己座騎,對朋友不離不棄,由沙漏裡救出謝迪後,二人揮刀斬敵人皮鞋的一幕,真是經典,是名場面。

 

熱情女主角

{#nightatthemuseum2-2.jpg}

*小心Amelia,錫錫前會打人喔!
她是早期美國女人的模範,今日的美國女人有幾個有她的典範?

至於美女,就是世界上第一位女飛機師愛美利亞(Amelia Earhart),她對拉利好有好感,摑完拉利就同佢鍚鍚,但最緊要係,Amelia真是個大冒險家,可以加入轟轟戰隊,為了冒險而坐上飛機,成為世界第一位女飛行員,導演還安排了她在片中走進展館裡的太空中心,然後從那兒開走世界上第一部木製螺旋槳飛機,送拉利去救謝迪。

拉利想對她說:「我們是不可能的,因為一到天光,你就...」

美女機師說:「不要緊,你在一晚裡帶我進行了一場最刺激的冒險...」哇,這份冒險者的靈魂,殺死我了!

 

數不清的歷史經典...

{#nightatthemuseum2-1.jpg}

*卡斯特話,無計畫就係最好的作戰計畫。
有勇無謀,有時竟然...都得...?真係得?

還有一位叫卡斯特(George Armstrong Custer)的美國騎兵將軍,似乎很富爭議,既是著名的美國內戰英雄,又出名莽撞。決戰關頭他躲起來自卑,拉利走去勸他做番一個似樣的將軍。

此外,還有許多許多有趣的展品和人物出場,包括星戰黑武士、芝麻街朋友、氣球狗仔、大八爪魚、沉思的石像、趣怪捲尾猴兩隻,以及三隻見到拉利和Amelia一齊就出來唱鐵達尼主題曲的邱比特天使仔。

還有一個重要故事舞台,就是二戰結束時美國水手和一位護士擁吻的一幕。電影中拉利和Amelia為逃避法老追兵,走進照片裡的美國街頭。拉利還佔了女護士的便宜,同佢錫錫,掩人耳目。

睇Night at the Museum 2,精彩過參觀某些呆板的博物館好多。睇完我識多好多世界歷史。只是,這電影是美國博物館,藏品口味少少偏向美國化。如有第三集,我唸拉利應該去羅浮宮做Night Guard先得。

丫,最後博物館展品們不用搬了,因為拉利決心做好一個Night Guard,唔做CEO了!

{#Night_at_the_Museum_II.jpg}

回應 (4)
我要發表
彭彭
彭彭 2009/06/11 00:46:32 回覆

立冬姐:

感謝你的星星QQ

indy

立 冬
立 冬 2009/06/10 09:54:37 回覆

呢篇影評寫得好好,真令我很想去看.但可惜現在已錯過影期.唯有買碟啦.

一定要獎你星星. {#icon8}

彭彭
彭彭 2009/06/04 10:06:47 回覆

係喔, 好睇!!

主角點解咁神勇?

我都唔知, 因為佢係 NIGHT GUARD卦!!!

電筒當武器, 都好有象徵意義下, 個編劇導演有料到QQ

indy

望升石(望仁)
望升石(望仁) 2009/06/04 09:21:47 回覆

好睇哦~~~~

我好喜歡兩隻細細粒上戰場果一幕!!

感覺好似Troy入面brad pitt咁神勇呀~~~

 

不過, 點解主角咁好打o既??

user

最新回應

我們是否需要用謊言去打擊說謊嘅敵人,難道

現時香港情況,正是全面學習中國文革時期的惡行,口口聲聲要民主,其實係自我民主,不需守法,大話連篇,候德健說得不錯:我們是否需要用謊言去打擊說謊嘅敵人,難道事實是不足夠?

泛民也不是好東西,它是常用謊言手段的傢伙!

萬大有商量
萬大有商量 2019/06/20

年青真是好 充滿活力

彭彭
彭彭 2019/06/19
@我係你舊生...

感謝同學... 等候下一個風和日麗的自由寫作時代來臨吧(完全不知何時)... 現在是寸步難行...