港股升到你唔信

港股市盈率逾16倍 (PE16), 位高勢危, 價值投資者睇見d走勢圖.技術分析.基本因素真係唔開胃, 買唔落手, 唯有繼續等港股大插, 勇者無懼, 現時既股市係投機者天堂, 大鱷壓住中國人壽.中國移動.匯控...... 必有後著, 恒指幾時爆上 19000 / 20000 係由大鱷話事, 千祈唔好話冇可能, 我就覺得機會好大, 而家既股市並唔係睇企業盈利, 係炒半年後經濟復蘇概念, 升幅可以好驚人, 週三港股上升893點, 成交金額逾900億, 多升2000點又有何難? 大鱷有足夠彈藥推升港股.

雖然我認定股市大方向係向上, 但當中必定有回調整固, 好似早前恒指由17700跌番落16300, 我一早定下16500入一注補貨, 當時既股市氣氛好差, 但我按計劃入貨, 結果恒指好快拗腰上番高位, 所以凡事要作兩手準備, 股市升得急時跌得速, 要早作部署, 定下沽貨入貨策略, 收細注碼, 留起部份資金待回調時分段吸納, 便可炒得安心, 散戶既通病係高追低沽, 冇預早定下入市位, 跌市時眼光光唔敢入貨, 希望跌深d先至入, 到頭來兩手空空.

六月底係基金半年結, 而家大部份散戶都係做塘邊鶴或者做短炒快閃黨, 過去數星期不問價掃貨好明顯係基金所為, 呢班基金經理仆崩鼻入市, 會唔會係半年結時插散港股, 導致交唔到成績俾客戶睇呢? 所以我估計港股就算回調整固, 大方向仍是向上, 每次跌市都係入貨良機, 驚就收細注碼買一兩手, 日日驚港股大插不如做月供, 唔使睇市.

有網友話遲d會有一單比雷曼事件更嚴重既事發生, 淡友猶如打了強心針, 繼續做塘邊鶴等股市大插, 但係呢個傳言冇乜影響我既部署, 因為我早已定下沽貨入貨計劃, 睇位做野, 不會受市場既噪音所影響.

匯控係權重股, 無論佢歐美既業務上出左乜野問題都好, 恒指要升無匯控不行, 況且能以 cdr 在國內上市及在港發人債的確係利好因素, 加上英鎊轉強, 我覺得匯控仲有上升空間, 時移世易, $40邊既供股價好難再見番喇! 6月8日匯控既比重會由20%回復至15%, 股價會有壓力, 我會睇位入貨. (#5 匯豐控股在BrandZ 2009年全球最具價值品牌的整體排行榜中，名列第30位(有說是第4位)，是金融機構類別中，品牌價值最高的國際銀行)

soho 的入市策略

http://www.hkheadline.com/blog/reply_blog.asp?f=6AS3LTU6R698205&id=180531&catID=&catType=&keyword=&searchtype=

~~~~~~~~~~~~~~~~~~~

大淡友陸Sir也轉口風  //若大陸唔係咁差, 港股調整到14000點就有支持，不一定再試底了，如此就確認一個一浪高於一浪的走勢。對照番自己的持倉，若貨太少就唔好沽啦，反而應候低啲慢慢吸，唔好俾自己在2009年過去後，整個投資倉空空如也，仲有半年時機。中國經濟反彈情況較理想，紅色股候低買入的價位可以適量調高。當衰退慢慢過去時，油價又會升，現時採油成本大約40美元一桶，好難長期在成本以下。在經濟回復正常後，50、60美元係正常價格，經濟好時，高啲唔奇。 (轉貼 ~ 陸 Sir 14-18/5/2009)