全職股民 (7)
第六階段 牛市狂潮
在2006年中開始, 大市己是非常牛, 恒指由年中萬六升到年尾二萬, 開始進入全民皆股階段, 此時也開始有陸羽仁在頭條寫專欄和開博. 開始看就像被摑了幾巴, 甚麼之前所犯的錯, 他都清楚地講出了, 雖然所講的也有其他人講過, 但他是比較具體地指出.
特別是投資的我 vs 投機的我的處理, 我當時是混淆得很. 看了陸sir的演繹後, 我明確地分了兩個戶口.
在大銀行的股票戶口揀了可放長的股, 買進後就唔睇, 老巴上身, 預五年十年後先算 (現看是要修正了, 遲下講). 這戶口也用以投新股, 由2006至07 年尾, 差不多每個月有一兩隻新股上, 每月計甚樣用盡資金去抽新股都非常忙碌. 抽中後也要睇幾時走, 或者可否加碼搬進投資倉戶口. 這時單是靠抽新股己是可有足夠利潤令公司運行.
另外開了一兩個佣金低的股票公司戶口做投機的我, 只放進了不足一成資金去做, 因我知我還未有一個好方法和心埋質素 (直到現在都未有), 但我覺得要去做要去試, 我想有一個穩定的方法去淘金 (也許是錯了), 就像一間公司要有一個研發部去搵新產品. 但這部門真的是使費部門多, 要由投資部津貼. 雖則在大牛市是一樣的賺, 但當時是沒有不賺的股吧.
這大牛市就一直衝到2007年十月, 恒指由06年萬六起升了一倍到三萬二. 善用這浪, 應該是可以賺十倍過外, 但也是經驗和信心問題, 指數升過了二萬就開始驚要回. 當時市場上也有不小人叫要小心, 但陸sir當時叫人小心之餘, 名言是: “不合理的可以更不合理”. 所以當時也經常留二三成現金, 沒有訓身, 但也沒有離場, 心想有乜風吹草動快閃就是.
終於風吹草動在07年八月就到, 次按消息開始傳出, 指數在八月去到二萬三就回, 記得當時都識減倉, 但沒決心清倉. 當時還是老巴上身, 好股唔駛走. 結果在八月十七日一個早上跌了一千六百點, 但下午一傳有直通車就V彈, 展開跟住一萬點的升浪. 直通車這個泡可能累了不小人, 包括我. 如果當時直插, 相信好多人會清貨, 市場資金也不會再進場, 但因為有這V彈, 全人類都覺是多累了, 睇四萬先算. 嗌直通車的阿爺要負責, 次按的大鑊被被蓋住了.
我當時見穿了二萬八己不敢再買貨了, IPO回來的散股都盡散了. 但剩下的還是在狂升, 十月有幾日, 每天升過十萬. 我沒有太歡喜, 己知道是泡, 但還是在信, 好股 Buy & Hold, 無謂出出入入. 沒有清倉.
錯 … 錯 … 錯
(待續 … 下集 – 第七階段 大海嘯)
期待你的分享，因自去年十一月之後已被迫加入為全職股民。你的經歷對我有很大啟發。
另外可否告知五月投機關部的操作情況，為何會重傷？以作警剔。
先謝！
hi, sorry 仲未識打 "x" 頭草 .
外匯 , 為什麼難 ? 因為你的對手不是大戶 / 散戶 / 外匯公司,
而是一個國家 . 慶幸 , 第一個男朋友便是做外匯的 ,
看著他 半夜 ( 因 24 小時 ) 睇市 , 早上 7 時番公司開會 ,
全年只有 1月1 日才是假期 , 其他時候都在作戰狀態中 ,
怕怕 , 知道並非為幾百點子 , 而是為 幾十點子 已勤力成咁,
一開始便明白是辛苦錢 , 也不是普通人可面對之壓力和努力 ,
每次看見 別人的媽媽在 x 生銀行 俾d 職員叫買咩買物 ,
都暗地心裡大叫 : 不好買呀 , 有什麼可能有咁著數 ,
升又有賺 , 跌又有息 , 可是以為賺梗的人永不知什麼是風險 ~~
草兄: 好緊張! 期待第8集. 有信心危機?? 要抖抖啦!
草兄,
全職股民能賺到生活開支又令自己資本增值已有交代了吧!冇mood就休息下,出去吸下新鮮空氣啦!
我本小,投資部只有月供$4k的國壽,投機部100k三至五月炒出炒入增值至150k,但.......如果三月頭買入的中石化,美聯物業沒有沽出炒其他,現在已有超過一倍的回報了.
K,
做雙飛馬鞍, 想兩邊都贏可能不是高手所為, 我都企圖試過, 走左一邊後唔跟走會非常騰雞, 只靠運.
金兄,
做 covered call 其實都係揀個高位走, call走後癲左繼續上都會一樣頂住.
暫時我覺做任何洐生工具, 幾識玩好都好, 睇錯市就點都大鑊, 好技術至多係輸小D.
草兄，有信心危機就停賽，只做paper trade，跟回市場節奏才再進場。呢個做法好岩。
Buy&Hold可能真的不合時，因為升會升過龍，有好位唔沽些少貨就真係對唔住自己個荷包。我現在係用即月covered call 出貨，例如$4邊買建行，$5樓上出，出到那個月賺多賺少都係賺，出唔到就收期權金。
草兄:
看來故事進入高潮了.
跟陸sir分做投資的我, 加投機的我, 有幾多人實在運作,
有, 但不多吧.
特別是06, 07年阿蛇才開始寫, 當時的股, 有幾多股可以進入投資行列?
新股亦如是, 不是牛市末大行情,新股曾相招股嗎?
817, 我記得做了一個恆指牛證, 一個恆指熊, 當時未識做期權, 但知道亦可以用牛熊試做馬鞍. 第一次運作, 結果當天下趺, 嚇得手忙腳亂, 記得當時的topgun網友嗎? 我同佢做左相反, 在下趺時把牛證平手止蝕, 跟住新鴻基斷了線, 我止蝕唔到熊證, 要等下一個交易日.
跟住在第日開市後, 把熊證止蝕.
傷忙慘重....
陸蛇也知我做了呢個運作, 發了一個私人留言俾k, 佢真的對網友很關心. 馬鞍不是先後平, 開要一齊開, 平要一齊平.
如果我夠好運, 亦夠高手, 先賺了熊證, 留下牛證, 我就有一個絕好, 然後把牛證推高止賺位, 我就賺到盤滿缽滿了.
一個好深刻的交易.
k
草兄,
You can give yrself a red card two weeks in buying any but not the same in writing the next one. Okay (smile.....) Awaiting 下集.
牆頭草兄
以全職股民來看，你也算成功的了，雖然沒有賺到大錢，起碼仍有不少進帳。我都係畀8/17個deep V所累，雖然都清咗唔少貨，不過好多IPO新股都冇走，結果全部打回原形，到而家有啲都仲未番到家鄉！
記: 懶左幾日, 因為五月投機部重傷, 又好彩投資部澳元有幫補. 但都好無 mood, 有信心危機.