洗衣籃攻防戰(二)
2009/06/04 01:48:43 網誌分類: 未分類
買這個洗衣籃,是因為不知那個發瘟愛在衫上疴尿尿,本來轉用封閉式的大鐵桶,但見這個好得意,心想貓們跳不進去吧,於是買來一試。怎料一回家,已成為米米的玩具。
看著牠跳出跳入,心想,我又做錯了決定!!! +o+"
你看,玩到骰仔都企高呀......牠似唔似魔女宅急便裡面隻黑貓?
加上牠愛玩的玩具,米米跳得更高。
事情還未解決,洗衣籃提心吊膽地運作了僅僅幾日,某天早上醒來,尿跡在洗衣籃外面大刺刺地漾開......牠們還是會記得的呀......我又失敗了,死死氣把鐵筒再拿出來。
哼哼,我是不會認輸的。
Mtleung,
謝謝你,這應是想要的東西,唔該哂.
邊個未做絕育手術, 個個就係痾尿尿既真兇了 !
咁, 您咪報銷左好多件靚衫!
不如您用有掛鈎污衣袋. 掛係門後面, 佢地就跳唔到上去啦. >_^
曾經係寵物城見過類似既野, 你可以先打電話去問下
http://hk.f1.page.auctions.yahoo.com/hk/auction/1117765476
有事在此向各位請教,請問有沒有一種自動餵食器係可以去到四日左右的呢?因為有時要短途出埠,只是三幾日,次次都要麻煩別人,一來不是太好意思,二來大爺們又驚到不得了,唔知香港有沒有此類東西售賣呢?
關小姐:我覺得佢地係要霸住d新野, 所以用盡方法"洒幾滴"!? 有咗佢d味, 個件野就屬於佢喇
關小姐,
Okay Okay,瞭解瞭解,你係唔會"認"輸架嘛,hehehe.
咁我都真心希望你贏返次嘅.
jamomo
哼哼,我是不會不會認輸的(頭上紮住條"必勝"同你講)
catcat,
嘿,不是你買給牠牠就領情的啦,你不想牠躺上去的,牠才偏要。
唉,
我都不明白,好端端的貓廁所不去,總愛洒尿在牠喜歡的地方,例如洗衣籃等,用過多方法啦,噴消毒噴霧,擺臭丸,日日抺,牠總找到空隙洒幾點落去,好彩不是在我的手袋,否則.....胡....胡...希望不會開口中....
米米心諗:主人真係錫我,又買多個玩具俾我玩
mtleung,
而家睇歡歡的確好大隻喎, 瞓得好爛~~
你隻Borgee同我d貓真係幾似啊, 不過佢地就無Borgee貢識嘆. 佢地瞓檯同梳化咋
買呧張新床仔比佢哋, 好慘呀, 唔係隻隻貓都幫襯呢張床, 嗰個蕃薯仔話瞓花籃仲舒服過瞓佢喎, 大拿拿幾百蚊比佢哋咁樣話, 好hurt呀~
Borgee似唔似貴妃??
關小姐,
唔好意思呀,但係我一見到你講嗰句"我是不會認輸的"就忍不位笑了出來,請問如果你真係輸咗,會唔會喺呢度公開架?唔駛唔好意思噃,相信大家貓奴嘅遭遇都差唔多啫.(千祈咪誤會,我唔係幸災樂禍,只係覺得愛貓之人係冇辦法同隻毛波鬥啫).
關小姐,
似啊 ! 當年我很愛看魔女宅急便的, 仲一連到戲院睇咗幾次, 之後再買埋碟, 番睇再番睇.....
我當時未養貓, 心想如有一個貓真的和我溝通到, 那真是太幸福啦....
我都好喜歡烏卒卒的黑貓架 !
至於你個污衣籃.....算擺啦
關小姐,
你有張良計, 佢有過牆梯, 你唔夠佢鬥架~~
我都試過買咗張豆豆梳化櫈仔返屋企, d貓貓即刻霸住黎瞓, 過多兩日唔知邊個重尿尿添 ... 最後要掉埋張櫈仔