下週點睇~soho

soho 估估下: (6/6/2009)

全球投資氣氛改善, 市場資金氾濫, 壞消息雖然大把, 但係大鱷話, 睇唔到......睇唔到

恒指 19000, 20000 指日可待, 但位高勢危, 要識落車

道指一級級上, 走勢向好, 如上破 9000, 利好港股闖關

國內股市牛氣沖天, 有政策支持, 只會大漲小回, 反覆向上, 必定會帶動港股

好多股份都已經升穿250天平均線, 當港股回調時, 股價仍然好硬凈, 抖一抖又一級級上

過去一個月港股升得好急, 大鱷應該未派晒貨, 斷估會托住港股係高位, 所以就算下跌都會識得番上黎, 營造跌唔落既氣氛, 短炒良機

熱錢流入, 放錢係銀行冇利息, 迫人投資, 市場水浸, 人人吼住等入貨 按揭利率低, 儲蓄零息, 樓市受到支持, 股市氣氛熾熱, 刺激樓價上升及相關股份造好

六月係基金半年結, 所以今個月跌極有個譜, 況且好多散戶都錯過今次反彈浪, 跌市應會入貨

本週匯控受調整比重影響受壓, 拖低大市, 下週壓力消除, 但要留意英鎊走勢會影響匯控股價.

淡友得番半條命, 未必有能力令港股大插, 頂多回調至 17000 

要留意港股成交金額, 最近幾次破位爆升之前, 港股成交都係縮減, 令人有錯覺以為冇力上升 

要留意資源商品走向, 如持續造好對股市有推動作用, 相反, 如美元反彈, 資源商品回落, 則不利股市, 要作兩手準備, 有糊要食, 走位要靈活.