如此短視

2009/06/18 15:18:38 網誌分類: 生活
18 Jun

親戚在一間大公司打工,經常俾上司派去廣州做事,認識一位國內名牌大學畢業的女同事,漸漸發展為戀人然后談婚論嫁。

此女子有德、有貌、有才學,點看都係天之嬌女,裙下一定不乏追求者。

咁都俾你追到手,叻沃,我們取笑他說。

親戚是一位勤工節學的好學生,10歲前同阿媽和細妹一起從廣州來香港,都說窮人的孩子早當家,親戚讀中學開始就幫人補習賺錢直到大學畢業,再修讀研究生。

然而屋企六國大封相,阿媽對於個仔居然要娶國內女人而大动肝火。說失禮街坊咁話,憑個仔的人才在香港咩女子冇。(吾明香港女子一定好過國內女子咩?)佢不記得個仔對上一次拍拖人地嫌棄佢家窮冇屋不肯嫁。阿妹話呢個女人貪慕虛榮,有目的先嫁你唧。總之咩難听的話都有,倆母女堅決抵制此女子嫁入家門,不惜母子兄妹反面。當然最終沒有成功,因為始終要娶人的是親戚自己,吾係阿媽和妹。

依家仔都二歲半,另一個問題又出現。

仔仔好得意,識得幾種語言,同外婆講家鄉話(湖南話)在幼儿圓講國語,同爸爸講廣東話,同媽媽講幾種話,還有識講一些些的日常英語。活潑又大方,人來熟,用咩語問佢佢就用咩話答。我見到到好喜歡,心想,照咁環境繼續長大一定很不錯。

但阿嫲和姑姐大把意見,以下是幾個人的對話:

阿嫲:學埋D鄉下話失禮晒人,來香港會俾人看不起的。(阿嬤曾經係中學教師)

姑姐:係羅,你看佢冇規冇矩,成日係度爬上爬落,返來香港學規矩啦,養得成個鄉下仔咁。(咩廣州是鄉下來架?自己都系從廣州來香港啊?)姑姐大學畢業在半政府福利機构當一個小領導。佢繼續講,我澳州有朋友倆個仔女不知幾規矩,成個小紳士咁,食飯前會先叫大人食飯,大人開始食時佢地先開動,食飯時不講話碗碟中不會剩下一粒飯,食完飯大人不叫走都會規規矩矩坐係度陪。從來不會沙發度跳咋咋。

我大笑:呢樣不是叫教仔,你朋友扮演的是訓獸師的角色,好似動物園中教D老虎、獅子的訓獸員,叫只老虎坐就坐,起就起,張大嘴就張大嘴。

做咩要將一個話潑可愛的小朋友教成一塊四方木同一個小老頭啊!!{#icon24}

姑姐:係度繼續講.....苦口婆心咁,我有朋友幫佢個仔報了五六個課程,鼓勵個仔學好多野,依家入左名校,(我心念,吾係鼓勵係強迫挂)你再不將個仔送返香港讀,會害死佢架!

親戚:搖頭,無奈的搖頭。

呢咁的情況時不時上演。

香港又會有幾多個家庭上演呢D節目呢?可能仲有很多...很多....

 

 

 

回應 (24)
我要發表
無端端
無端端 2009/09/06 08:45:46 回覆

通常早年由廣東落來香港定居d阿爸阿媽,都好反對仔女再行番舊路返國內結婚,呢d係心理自卑嘛...表面睇好似睇唔起人地,查實係佢自己睇唔起自己者?

慳妹
慳妹 2009/06/25 10:23:17 回覆

蛋兄: 叻仔! 請你食:

                   {#200px-Chickentandoori.jpg}

2009/06/25 09:31:52 回覆

慳妹說的是否TANDOORI CHICKEN?

印度菜里面我也最喜歡這個菜。

2009/06/24 14:43:44 回覆

橙色的燒雞?我也吾知沃,淨係食過咖喱雞、燒雞翼呀! {#icon19}

慳妹
慳妹 2009/06/22 23:04:31 回覆

印度菜我最鍾意燒餅同埋嗰隻橙橙哋色嘅燒雞,唔記得叫咩嘢名!

2009/06/22 14:59:43 回覆

哈哈......大臣哥,不用等咁久了,不如我地對親家了 {#icon26}

你睇蛋哥和life哥已經對緊親家了. {#icon8}

2009/06/22 14:54:29 回覆

慳妹,多謝你!

父親節我們一家去左食正宗印度咖喱大餐,因為係老爺的至愛美食,平時俾人管住,好少去食。今次俾佢話晒事,青、黃、紅咖喱辣的不辣的全部叫哂,一次過滿足晒佢的愿望。哈

講又講,睇D印度人用手食飯可以食的咁优雅,真係大開眼界。

2009/06/22 14:40:55 回覆

呵呵,蛋哥,你的小說實在太精彩喇!

2009/06/22 12:16:17 回覆

人妹去左邊呀?真龍教通緝緊你喔!

慳妹
慳妹 2009/06/20 23:07:26 回覆

快活人: 父親節點同啲老爺、少爺慶祝? {#eb9f70d21676eb233af3cfa2.jpg}

欽差大臣
欽差大臣 2009/06/20 15:53:41 回覆

开心妹有眼光,以后个女听晒话,嫁个大陆有钱佬!!!

2009/06/20 00:42:29 回覆

係羅,如果在家中都無自由,點開心呀!

2009/06/19 23:19:55 回覆

我倆個女,細個時就喜歡在沙發上跳來跳去,很好,很活潑! {#icon8}

 

2009/06/19 17:36:41 回覆

香港越多呢D人就越無前途。

你個親戚留系廣州發展,肯定大把前途。

2009/06/19 15:33:03 回覆

多謝各位的回應。

我也都是這樣跟親戚說,自己的孩子一定要自己親自教育,盡量俾佢一個有開心回憶的童年。

最令人激气的是,每次佢地返香港,總是俾D三姑六婆叫鄉下仔、撈仔咁,D人咁自大當廣州是鄉下,哈哈,咁香港在佢地心目中係人間天堂啊?

巧茹與小泡泡
巧茹與小泡泡 2009/06/19 15:07:33 回覆

勢利的人。

{#icon3}

2009/06/19 14:50:35 回覆

嘻~多謝指點,已修正。

平凡人
平凡人 2009/06/19 00:03:25 回覆

他們忘記自己也是大陸出去的,嘿嘿嘿.

隨她去吧,用事實去證明吧.

我記得以前說過,罵大陸的人往往是沒受過共產黨苦的人(反右,文革),愛大陸的往往是受過共產黨苦的人.

這些例子太多.....

更搞笑的都有.我在加拿大的時候,有一對夫婦是我父母的朋友加老師(中南大學),

他們的兒子當年約20嵗左右在多倫多讀醫學院.(13嵗移民加拿大的)

我剛去加拿大報到的時候住在他們家裏1星期過渡.

我看到,兒子跟父母竟然基本上用英語談話.還動不動就鄙視父母的某些言論說: 你們這些Chinese................

欽差大臣
欽差大臣 2009/06/18 23:20:24 回覆

唉!平凡人D亲戚周街都系甘0既。

2009/06/18 21:33:29 回覆

香港已回歸咁多年,為什麼d人仲咁唔化。 {#icon5}

包
2009/06/18 17:38:24 回覆

身邊的人,對小朋友的影響係最大。

係短視的人身邊,就算學到幾多知識,都學唔到智慧。

小朋友的童年,一定要快樂

從小受到太大的約束

就算學到好多野

可能唔係好事。

立 冬
立 冬 2009/06/18 17:33:50 回覆

從那兩個女人的說話已知她們的素質了,別管她們的意見,總之自己認為對的事就放心去做,不需理會旁人說三道四!

慳妹
慳妹 2009/06/18 17:20:54 回覆

十萬火急:叫你個親戚千祈唔好將小孩子送嚟香港讀書! 如果佢兩夫婦都係國內做嘢,一定要帶住孩子在身邊親自調教。 而且大家都知不過把口唔肯認:香港的前途繫於中國,在任何層面愈早同中國接軌愈好。

2009/06/18 16:33:49 回覆

香港都無得發展 !  不如在國內 闖下啦.

各處鄉村各處例. 要在 國內 闖, 當然要在 國內受教育 啦.

識多啲 朋友吖嘛. 咁先會 熟識特別渠道嘛.

不過, 放暑假 倒可以考慮 來港 讀下啲 暑期班. 當係 熟習 香港的生活.

咁. 大個仔後就好吃香喇.  全國風行.

 

香港學生仔, 都有返國內 參加下啲 交流班 咖.

 

user