忠僕號~輩份可比鐵達尼
太太話去…
點知連老爸都話去…
忠僕號,只不過是一條船,點解個個都話去?
好啦,陪下屋企人,去就去。
上船,要俾錢?10元入去企一企。
跟導賞tour,仲要我俾50元,呢排炒股失利,仲要我俾錢?
好,都來了,俾就俾啦!
誰知,走人的時候,我都不再care果60元,仲幫襯法國姐姐買左支草莓味冰淇淋。
忠僕號有乜咁巴閉?原來我不是上了賊船,是上了世上古老郵輪的活標本,是寶船。
我爸以前是captain(船長),今次帶海員工會的朋友來睇船,負責講解。和我跟同一團的一位曾SIR,叫我做彭公子,因為我老爸被他尊為彭老爺。(乜我老爹咁有地位?)而呢位曾生,對隻船的結構,仲熟過導遊,因為佢做過大副(高級船員)。
付50元後,導遊就帶我們進船艙內部,船艙有乜下次再詳細和大家分享,今次特別集中講佢點舊法。
據導遊哥哥講,隻船今年已經95歲,據官方資料,忠僕號是現今全世界還在航行的郵輪中最古老的船。本來,因安全條例,忠僕號好像今年就要退役,但導遊哥哥話,後來負責人似乎做了某些工夫,結果成功為忠僕號多爭取五年服役時間,亦即是忠僕號有機會繼續航行,直至100歲。
現在,給大家一些證據,講解忠僕號有多舊吧!
*忠僕號機房地帶,愈深入氣溫愈高,這裡只是門口罷了。
首先,入到機房,曾SIR興奮到飛起,原來那兒用的一種機件(好像叫C令),曾SIR話竟然要人手操控,他說現代的船,全都用Romote Control,而如果要人手控制的話,船員要在極吵的機械聲中,戴著耳筒,冒著高溫,長時間睇實一支BAR的水位,監察船的狀況。
經曾SIR證實,我肯定忠僕號是古董,是船的活化石。也因為這個原因,忠僕號的結構,有如一輛改裝跑車,全身都改過哂,因為它的機件,全世界都不再生產,每次它要維修,都是工程師幫它度身訂造配件替換。
*圖中有數字的機件,就是所謂的C令,是古董級機器,現在已無人生產了。
好了,接下來講忠僕號和鐵達尼有咩關係。
原來,忠僕號和鐵達尼份屬同輩,證據由我老爸發現,就在六隻巨大救生艇的其中一隻身上,那微小的蜘絲馬跡,真是只有老行專才看得出來。
忠僕號上,一共有六隻救生艇。就我們外行人看,六隻救生艇,都一模一樣。但其中一隻其實與別不同,就是船身看得出一許多窩釘的那一隻。而這一隻救生艇,正是屬於鐵達尼時代的救生艇,是現代下水的新船,都不會配備的救生艇呢!
"呢隻艇呀,是鐵達尼時代的啦!"海員公會的朋友們讚嘆道。看到嗎?海員們說只有這隻救生艇船身有窩釘。
關於忠僕號上的其他見聞,明天再續。
昨日的迷宮,等多些人玩玩,周六再揭曉答案,但相信用心玩過的朋友,已經吃到冰淇淋了,對吧?
Neko,
上船方法是在尖沙嘴海運大廈入去轉左,也可在詢問處問。
只要你沒帶武器去劫船,又肯付10元參觀費,就可以上去。
入內部參觀要跟導賞,因為有許多船員居住,是半私人地方,導賞費用50元,行完要半小時左右,無人問問題會快D,但唔問問題就好浪費啦,導遊係任問唔嬲的。
如果你想在船上住兩個月或一年,方法我遲D在網誌上講,我老爸好似都好想去住咁款。
indy
indy 點上船呀?
咩人都上得呀?
Thanks Indy,
好!大户同我聽住,我一定會取回我失去的.
為了答謝你我會一連3日一粒星啦,些些.
bebe,
已覆你。
indy
Indy, 我吾識睇D大戶ge倉位部署架,你簡單D講7月係好定淡丫,吾該!
送粒星比你啦!
謝謝你喔,你送的星星特別美麗QQ
Indy仔,立冬姐成日過來送星俾你架,你有無留意到呀?