美股反彈、港股十大好淡倉
雖然美股在半年結前繼續反彈、杜指穩守8500大關,但20日線和50日線均有向下趨勢。重磅的美國預托證ADR,如匯豐、中移動、中石油、中人壽等,20日線均是向下。七月將會是危機四伏。港股主要靠內房股、內銀股及資源股帶動升勢,只要樂觀情緒消減,一個較深的調整隨時會出現,凡五月後才入市的,一定要嚴守止蝕。
每周期貨十大好淡倉的數據已經更新。現貨成交量第四個星期持續縮減,而大戶的淡倉市佔率持續上升,就算熱錢依然留港炒作,就算大市要再破萬九點,作勢上試兩萬,但好可能只係挾住幾隻權重股乾升,未必隻隻股都可以喪升。內房股有點炒過龍,小心有不利的政策出現引致獲利盤拋售。 http://www.editgrid.com/user/jincao/HSFTop10 2009-6-30 10:15am金曹即市評論:大市在萬九點大關前整固。市場風險大,假期前宜觀望,無謂輕率入市。 2009-6-30 3:15pm 金曹即市評論:大市試底,但五分鐘圖長腳燭很多,估計會在18400有支持。要上破萬九暫時未夠購買力,但由18930向下跌破萬八點的力度又不夠。 2009-6-30 4:15pm 金曹收市評論:期指守18420、現貨18379、高水41點。大戶終於成功高位完成6月,相信又是大賺。暫時見不到7月積極造淡,可能七一假期之後又會抽高累積淡倉。 十年美債息跌,債券有買家,表示有資金流入。VIX非常低,但美股並沒有再創近期高位,表示投資者過份樂觀,但市場不認同,股市的購買力不足,難再大升。油價高企傷害正在復甦的實體經濟。
由於係資金市,現在基本上已好難理性分析基礎因素,但只要守紀律,依然有機會贏錢。例如,散戶最愛的中行#3988可以「機械式」跟保力加通道買賣。忍手見到一小時通道底部見到陽燭出現立刻買貨,就算再跌,起碼唔係摸頂咁傷,如果手上貨多就在通道頂部見陰燭沽貨。至於止蝕,可以用資金市的保命絕招:跌穿昨日的低位加些少個人能夠承受的水位就決斷出貨,記住止蝕一定要決斷市價出貨,出貨之後有錢,耐心再等通道底部見到陽燭再入市也未遲。周而復始,必有所獲。
金曹
http://blogcity.hkheadline.com/jincao
重要提示:本網誌宗旨是讓小投資者能夠互相支持,增加財經知識和改善投資心理素質,以期早日達到財務自由。本網誌一切言論純粹是個人意見或經驗分享,絕不應被視為投資建議,也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。網友務請運用獨立思考能力自行分析和驗證。一切的投資決定以及該投資決定引致的收益或損失,概與本人無涉。
謝謝解答!
多謝金曹師兄的祥盡分析,
明白晒!
其實好多時即始低位買到貨,要識得几時沽出,才能賺到錢,
這點好高難度.否側唔輸錢都得系個桔,止泄過到心理關唔難,但止賺就要識分析,真系多謝西!
any,根據我手上的資料,招行預計2009年每股盈利HK$1.12、2010年每股盈利約$1.39,以15倍市盈率做基點,未來幾個月應會在$16.8上下15%上落,即上邊$19.3,下邊$14.3。當然,市場有時會超買超賣,但只要睇住波幅操作便可以了。2010年好可能係大牛市,到時招行可以炒20倍PE,即$1.39x20=$27.8。
#857、#883可以等油價回調到$60左右才考慮,我每日都貼石油、黃金走勢圖,現時油價有回調壓力。或在日線圖的保力加通道底部跟訊號買入。中海油比較跟油價,現時保力加通道底部約$8.9、我估若大市調整,中海油有機會試一試$8.5。
#688幾貴,資產淨值約$12.6,俾20%溢價,我覺得$15左右才值得買入,當然最好係$12.6樓下買到。
金曹師兄:
謝謝你昨天回覆:#3968 $14樓下入可長線持有,
想問$14是除淨前還是除淨后$14,唔該你覆多一次!
仲有#857 #883 #688沒有貨,唔知等回到几錢入來長線
投資好?
金 sir,
大市重未到升到你唔信果d位, 雖然而家都係高, 現在 lee d 17300 - 18700 位, 就似做緊交接換貨期, 我"感覺", 黎緊(7月8月)好大可能炒高過 22000. 一係唔穿, 一穿一定唔止 20000 點.
p.s.: 有時信感覺會死人. :-D
Squallken,#1361內需股我估有機會見$5。不過資金市快上快落,如跌穿今日低位$3.85會止賺離場。
股惑燈,#1133現在無貨,$7市底好強唔肯跌,可能會炒一炒試雙頂$9.4或$8.6阻力位。大戶由開始3月造好抽高,如要反手造淡,相信要時間累積淡倉。加上熱錢太多,IPO之後可能喪炒一轉,未必咁快就回到250日線16500樓下。大市在7月第一個星期亦有可能抽高在19100做雙頂才肯回落尋底。
2009-6-30 4:15pm 金曹收市評論:期指守18420、現貨18379、高水41點。大戶終於成功高位完成6月,相信又是大賺。暫時見不到7月積極造淡,可能七一假期之後又會抽高累積淡倉。
金 sir,
你在 "電腦選股,量價齊升強勢股!" 中提到其中一隻 1133,
我長期間斷持有, 最大 log 貨持有在 接近$6樓下. 我個人感覺, lee 隻野最近 (講緊兩個月左右)開始有人收集, 升兩升又跌d,跌跌下又上番之前高位. 我會持貨過 $10先考慮點食.
你手上有無貨 ?
金兄
小弟抽中左361度, 應否繼續持有?
因為同361度同類型股票, 例如李寧(27倍pe), 安踏(23倍pe), 中國動向(19倍pe),而根據361度招股書講, 定價$3.61係大約11.5倍pe, 假設佢比呢3隻體育用品股差, 佢都可能會升到15-16倍pe,大約$4.7-$5
你認為小弟應該今日速戰速決定持有多一排 ?
thx!!
謝謝金兄。咁就過完七一假期再睇。
RomeoLaw,今早萬九向下可以短線造淡,現時18400有支持,造淡過七一假期未必有著數。
2009-6-30 3:15pm 金曹即市評論:大市試底,但五分鐘圖長腳燭很多,估計會在18400有支持。要上破萬九暫時未夠購買力,但下跌力度又不夠。
金曹兄,
依家可唔可以做淡?
金兄~
已過數~
VV,如果貨多,應減磅,留約50%現金等機會。
金兄,有2800在手,是否應現在減持?
2009-6-30 10:15am金曹即市評論:大市在萬九點大關前整固。市場風險大,假期前宜觀望,無謂輕率入市。
金師兄早晨
dai dai sir早晨~您d圖好靚呀~
金兄、各位早晨!
多謝金兄分析,但我看到大戶的好倉市佔率也有明顯上升,有沒有其他啟示?
MORNING!!!
金曹兄:
我想問下939,1398,2628幾多股價可作長線持有,先多謝回答
金兄: 早晨!
金兄早晨,各位早晨
金兄早晨, 各位早晨.
早晨,金曹c兄,送星!
金曹兄早安
Marisca,是的,「機械式保力加通道買賣法」適合成交量大的指數股如國壽、中行、建行等等。耐心等待一小時通道底見陽燭才買入(或分三注買)避免摸頂入貨,用近兩日的低位止蝕、或一個自己承受得到的水位(如10%)止蝕保護資金,若成功低位買入後,等待一小時通道頂見陰燭沽出(或沽出兩注,保留一注拉低成本)。我用來買賣國壽已有一段時間,效果良好。不過國壽近來走勢與A股背馳,MACD亦背馳,有見頂回落下試$26之跡象。
金 sir及各位早晨!
早晨金曹兄及各位~
金兄, 請問這個「機械式保力加通道買賣法」, 是適用於甚麼股票呢? 是不是任何成交量夠大的都可用? 如所有指數成份股?
金曹兄早晨!
早晨, 金兄! 仍持有$28買的2628, 2009希望可在$25建倉!
金曹C兄MORNING
金曹兄早晨!多謝你。
金曹兄:多謝提醒~~~
金曹大哥,送星!
唔該金兄~
2628ADR 近幾日雖然反彈,但20日線及50日線均向下,成交持續縮減。由於50日線短期已經兩次失守(現時$28.3),呈現弱勢,如再次向下,有機會再試穿$25(約200日線),無貨的可把握機會在2009年建倉。