一見鍾情ANIME公仔～CODE GEASS R2 DEFORM MANIA 莎莉、卡蓮&ＣＣ
2009/06/30 01:15:17 網誌分類: Dolls Mania
講左忠僕號幾日，今日轉個話題，明天才繼續睇忠僕號啦！
上星期逛信和，在櫥窗看到了她們，就一見鍾情，想買。
走遍整個信和場，終於找到特價的Karen和Shirley，比其他店便宜50%，原因是該店只有她二人，沒有CC。
沒關係，CC的大頭B造型，我反而覺得及不上泳裝大頭Shirley和兔女郎裝Karen。
我買下了。
＊盒子好漂亮！！
＊連No.1女主角CC一起買，會貴250%！
回到家中，花茶看到，話我是鹹濕爸爸，因為Shirley和Karen那兒很凸出，女兒哪知故事中Shirley死去時多少動畫迷在網上悼念呢？又怎知道Karen的倔強和忠心？
＊盒底顯示全三人的造型。系列名為Deformation Mania~Code Geass R2，意即變形狂熱＜反逆之魯路修R2＞，亦即是變大頭囉！
事實上，兩人在《反逆之魯路修》這近期No. 1動畫大作中，戲份有時比CC還強喔！
現在，《反逆之魯路修Code Geass》在無線J2台播放。不過個人認為原裝日語配音版會更精彩！
indy
兩個都係主角，一正一邪，彼此互相鬥智，最後邪不能勝正。
立冬姐:
夜神月好早就變左魔鬼, 由佢殺警察開始就已經係...我睇到果度就唔睇了...
我接受不了一個骨子裡係惡魔的人當主角...
如果你話L係主角, 就另計QQ
indy
唉也，好可惜啊，你要睇作者想表達的意思啊．夜神月以為自己就是替天行道的神，為社會剷除罪犯，創造一個完美的社會．但其實他在執行所謂的正義時，自己已變成魔鬼．
假如套入現實生活中，你會有何意見？
Oh, We are ACG FANS...
死亡筆記個夜神月太衰，我睇左少少就無睇...
indy
Indy仔，咩你真係以為立冬姐好大年紀呀？唉也，我成日睇日本動畫架．不過最鍾意係死亡筆記，呢套其實好有哲理，很有啟發作用的，值得討論．
立冬姐：
你鍾意狐忍（火影忍者）同龍珠，真係唸唔到的說。
兩套都係少年SUNDAY的少年漫畫，證明你內心是個少年。
indy
我最鍾意果套＜火影忍者＞都搬左去J2台呀，真係俾無線激死！請問而家係唔係做緊最新一輯火影呢？
深水埗福榮街都有好多呢類公仔賣架，我上次行果陣其實都好想買番幾隻龍珠公仔呀．